WSAB

WSABCare - Program Anak Asuh WSAB

2009-07-09T22:36:00.001-07:00

Assalammualaikum, kumaha damang sadayana?
Tos lawas tilawas yeuhhh tara diupdate.

Teu karaos WSAB teh tos bade 4 taun 23 Juli ieu.
Kagiatan offline mah seueur da, mulei ti Arisan Jakarta, Bandung
teras wawancara ku Trijaya. Nah, ayeuna aya
program anak asuh WSAB.

Mangga nu bade ngiringan, proposal tiasa diunduh didieu

http://mamanatrixie.multiply.com/journal/item/259/WSABCare_-_Program_Anak_Asuh

diantos nyaaa

Antara Chang Hyun Sik jeung Park Siwon (3)

2007-08-14T09:55:00.001-07:00

Hujan gede dordar gelap, untung geus nepi ka wisma, teu jauh terbang teh poe ieumah ngan ka Manado, tapi asa teuing kucape, asa lungse. Rengse mandi goledag na kasur, rek sareupreupeun pisan harita teh, si Puspita tibuburanjat ngabejaan yen cenah dina CNN diberitakeun yen pesawat Arirang Air nu keur ka Guam keun cilaka, kabeh panumpang jeung awakna paragat. Leketey leuleus, naha Chang Hun Sik nu poe ieu boga tugas ka Guam oge cilaka, hate noroweco, teu puguh rasa tunduh kabur teuing kamana, dag-dig-dug teu puguh rasa. Geuwat nelpon ka kantor perwakilan Arirang Air. Enya cenah ngan can aya katerangan anu pasti saha-sahana awak pesawat nu jadi korban. Awak rampohpoy, leuleus taya tangan pangawasa.

Kapten Chang Hyun Sik, nu gagah, nu kungsi mapaesan hate kuring, nu geus mimiti diajar sahadat, nu geus teu murak deui daging babi, nu geus ngeureunan nginum soju2), nu faseh bahasa Indonesiana, nu lelengkah halu bahasa Sundana, nu geus menta kuring ka Apa jeung Ambu, nu geus neundeun lelepen na ramo kuring, nu geus janji satia salamina, ayeuna geus euweuh dikieuna ukur runggunukna lemah beureum dibaturan ku tetengger, make tulisan Hangeul.

Kuring sideku, teuing nu kasabaraha kali, kuring ukur mencrong neuteup gundukan taneuh, kuring geus buleud nyieun kacindekan, kuring nyarita sorangan “Chang Hyun Sik shi3), Rini cape, Rini bade liren jadi pramugari, moal aya tugas ka Korea deui, Rini bade wangsul ka Bandung, hapunten Rini moal tiasa ngalongokan deui, moal ngiriman deui kembang” teu kawasa kuring nyuuh na gundukan taneuh ceurik nyegruk.

“Rini shi….Rini shi…..” sora halon tapi jentre, tak-tak aya nu nyekelan, lalaunan kuring cengkat. Gebeg geuningan Park Siwon, manehna sobat Chang Hyun Sik, sobat dalit ti leuleutik, keur mah katalian ku dulur sasatna dulur sabrayna, panan cenah indung Chang Hyun Sik teh adi lanceuk jeung indung Park Siwon. Kungsi panggih sababaraha kali sabada papacangan jeung Chang Hyun Sik, dalah basa perpisahan maneh na nu rek neruskeun sakola doktor ka Amerika ge kuring hadir bubuhan keur aya tugas ka Korea. Ayeuna nganjanteng hareupeun kuring, tukangeunnana aya indung Chang Hyun Sik jeung indung Park Siwon nu carimbasbas rambay cimata, kuring ngeluk tungkul, cipanon juuh murubut.
“Rini shi neun chaju wachi?4)” sora indung Chang Hyun Sik. Saterusna kuring dikaleng dituyun dibawa balik.
”Oneul, Hotel eso chamchaji manko, urijib eso jumuseyo. Neil Park Siwoni konghangeuro tangsin be-ungkalkoyeyo5)” sora indung Park Siwon semu ngaharewos.
***

“Parantos Rin, mani sok lami ari nyekar ka kuburan Chang Hyun Sik teh, sakapeung mah Akang sok boga rasa timburu” ceuk Park Siwon. Kuring cengkat serengeh seuri.
“Ih naha make timburuan sagala, apan sobat jeung dulur sorangan, jeung deui apanan geus euweuh dikieuna” Jeletot kuring nyiwit leungeun Park Siwon. Manehna ngajorowok.
“Koma ya palli ga6)” kuring ngageroan barudak.
Jisan jeung Jiwon nu keur ngudag-ngudag papatong lumpat nyalampeurkeun.
“Urineun Indonesia-e kalkoyeyo Appa?7)” ceuk barudak ka bapana.
“Omma Keunappa sarangheyo8)” ceuk Jisan nanya ka kuring.
“Ne…Appa do nomu sarangheyo9)” walon kuring
“Omma, Keunappa kwa Appa reul katteun saram iyeyo?10)” Jiwon nu nanya ayeunamah.
“Tanggeun ijji….11)” ceuk kuring bareng jeung bapana.
Pikeun kuring antara Chang Hyun Sik jeung Park Siwon, taya bedana, lelembutan Chang Hyun Sik siga nu nyurup kana raga Park Siwon, ampir sarua boh rupana, boh tindak tandukna, kitu deui kanyaahna, sarua sumangetna, henteu aneh mun Park Siwon ayeuna geus faseh nyarita bahasa Indonesia, dalah nyarita Sunda ge geus teu ham-ham deui.
Mobil sedan KIA ngadius ninggalkeun pasir Ode, pasir pangreureuhan Chang Hyun Sik, pasir pangulinan kuring sakulawarga mun pareng nyaba ka Korea. Enya sakali deui, Chang Hyun Sik, urut kabogoh kuring, sobat jeung lanceuk sabrayna salaki kuring, uana barudak kuring.

Tungtung Seoul, 10 Mei 2005.
Catetan:
1) Ucapan salam, sapertos kumaha damang?
2) Inuman tradisional Korea anu ngandung alkohol, sapertos arak.
3) Sesebutan pikeun ngahargaan, sapertos agan mun ka lalaki, Neng mun ka awewe.
4) Neng Rini sering sumping kadieu?
5) Poe ieu mah ulah mondok di Hotel, hayu urang kulem di bumi abdi, enjing Park Siwon bakal ngajajapkeun Eneng ka Bandara.
6) Barudak hayu urang arindit.
7) Urang teh bade angkat ka Indonesia?
8) Ema cinta ka Ua?
9) Enya ka Bapa ge kacida cintana
10) Ema, Ua jeung Bapa sarua bae?
11) Tangtu bae, yakin pisan.

(Mangle No. 2023, hal. 49-51. Kaping terbit: 7 - 13 Juli 2005)
Carpon: Kang Ya (yr32@yahoo.com)

Nuhun nya kang kiriman carponnya...*admin*

Antara Chang Hyun Sik jeung Park Siwon (2)

2007-08-14T09:54:00.001-07:00

“Masih disini? Menginap di mana?”

“Eh…hanyong hasimnika¹⁾” ceuk kuring jeung Puspita meh ampir bareng.

“Di wisma Halimun kagungan Dadali Air, Kapten sendiri tidur dimana?” ceuk Puspita.

“Saya tidur di Wisma Arirang milik Arirang Air” tembalna.

“Eh…kalau besok terbang kemana?” manehna nanya deui.

“Saya mah ke Taiwan, tapi Rini mah off” ceuk Puspita.

“Oh…betul off Rin? Kalau begitu tolong saya antar belanja ke Pasar Raya yah, saya harus kembali ke Seoul besok malam, tapi orang tua saya minta ole-ole, terutama kopi toraja dan dodol garut, mau kan Rin?” Ceuk Kapten Chang Hyun Sik bari neuteup ka kuring.

“Eu…baik” ceuk kuring pondok bari unggeuk.

Sabot kitu beus jurusan Gambir datang, sanggeus uluk salam jeung janjian tabuh sabaraha kuring rek nganteur Kapten Chang Hyun Sik. Kuring jeung Puspita naek kana beus biur indit, ninggalkeun Kapten Chang Hyun Sik nu masih keneh ngajanteng nungguan supir nu ngajemput.

“Nyaan kasep Rin, kasep pisan, lah aing mah goreng milik bet kudu hiber atuh isukan teh mun teu meureun uing nu nganteur teh Rin, gede milik Rini mah, sok we lah Rin ku Empup dido’akeun sing jadi”

“Naon..ieu teh Empup, bet teu gugur teu angin jol sing jadi bae, nya wajar bae atuh, panan lamun urang keur di Seoul oge sok dianteur ku urang Korea mun balanja teh”

“Inimah lain ceritanya atuh enden, naha teu ngajak Wida panan asli Jakarta beda jeung urang nu ti Bandung, komo panan Rini mah Bandung coret lain? Ti Sumedang Rini teh lain? Tah eta teh tandana aya hate aya karep, bujangan pan Kapten Chang Hyun Sik teh, jeung tacan aya beja boga kabogoh”

“Nyao ah….” ceuk kuring.

Ti harita kuring mimiti deukeut jeung Kapten Chang Hyun Sik, manehna pilot salah sahiji maskapai penerbangan Korea, Arirang Air. Dadali Air, hiji maskapi penerbangan Indonesia tempat kuring gawe, boga gawe bareng jeung Arirang Air, atuh kuring kalan-kalan sok kabagean hiber ka Korea, ka Seoul atawa ka Cheju. Kembang-kembang katresna mimiti mangkak, rasa deudeuh beuki nyayeud, kuring teh cenah kabogoh Kapten Chang Hyun Sik. Rasa cinta ngelehkeun sagala halangan-harungan, sajanan pihak kulawarga kuring mimitinamah teu ngidinan kuring papacangan jeung bangsa sejen teh, tapi ku kasumangetan manehna, boh Ambu boh Apa antuknamah teu langkung Rini cenah. Enya harita ge pihak kulawarga manehnamah can pati ngidinan, utamana teu pati satuju lamun Chang Hyun Sik pindah kapercayaan kana ageman kuring.

***

Sapasang manuk kachi, sabangsa manuk saeran, eunteup na dahan tangkal euneng nu rajeg sabudeureun pajaratan, daunna mimiti robah tina hejo jadi koneng nyaluyuan usum gugur, usum ganti warna daun, usum dadaunan muguran. Manuk teh bangun nu gumbira silih udag silih pacok, pacok kasono nyacapkeun kanyaah. Ku tengtrem jeung bagja hirup manuk di Korea, henteu sieun ku jiret, henteu sieun ku leugeut, sok komo ku bedil mah, estu bebas bangblas taya nu ngaharu biru, seubeuh pangrungrum, dinangna-dinengne, diawuran sisikian kabeuki, siki jagong, siki gandum sakapeng potongan roti. Mangsa usum halodo, tempat nginum manuk disayagianan, diunggal juru taman-taman teu elat wadah cai pikeun nginumna manuk. Mun hiji tangkal aya sayang manukan, tara kungsi diganggu, mun komo dipaok endogna, dalah patugas kebersihan ge tara wani nigas dahan nu aya sayang manukan, nyaan estu ngeunah pisan hirup manuk teh, rahayu naker, dalah barudak ge bungah bisa ulin jeung manuk liar. Ras inget ka nasib manuk di lembur sorangan, tong boroning sora rangkong, dalah sora jog-jog ge ngan ukur tinggal paribasana, boa-boa ketah naon ari hartina paribasa ”lir jog-jog mondok” oge geus teu aya nu nyahoeun. Baheula basa kuring keur budak, lamun halodo ngatrak-ngatrak sok rajeun kudu mandi ka tampian di lebak Cileutik, manuk saeran atawa sri gunting sok recet na runggunuk dapuran haur nu nyimbutan mata cai tampian. Kungsi lebaran taun kamari ngadon ulin ka tampian jeung barudak, satadina hayang nunjukkeun yen di lembur aya manuk nu siga manuk kachi, nyaeta manuk saeran. Lebeng euweuh tapak-tapakna acan, dalah runggunukna dapuran haur oge geus suwung teuing kamana. Cenah mah lain saeran bae nu leungit teh, dalah piit ge geus ngacir, cangkurileung teuing dimana, boa-boa galejra ngejat, kitu deui jeung ki bondol mangprung ka alak paul.

Ret kaluhur, langit bulao, bulao kacida, bulao pisan, jeung asa teuing ku luhur, taya aling-aling, taya mega najan sagudrat, beresih banglas ka jomantara. Lain-lain pedah usum gugur, nu ilaharna mun usum gugur cunduk, langit sok beresih, bulao, jeung luhur pisan, ieu mah sigana kacampuran ku beresih hawa, beresih sabab polusi geus heubeul bisa kapiara, pabrik nurut kana aturan, limbah runtah puguh ngolahna, wahangan lain tempat pamiceunan, dalah jarian ge ceuk bohongna teuing ku asri. Kumaha di lembur urang, kabeh geus mancawura, runtah ngayang, polusi kandel, kabeh nyayeud, matakna kasakit mangpirang-pirang, getih barudak Bandung cenah mah loba logam beratna, teu rek kitu kumaha tuda polusi udara di Bandung geus lain pibarayaeun, deudeuh!

(Mangle No. 2023, hal. 49-51. Kaping terbit: 7 - 13 Juli 2005)
Carpon: Kang Ya (yr32@yahoo.com)

Antara Chang Hyun Sik jeung Park Siwon (1)

2007-08-14T09:23:00.000-07:00

Teuing geus sabaraha kali kuring kadieu, ka kuburan di mumunnggang pasir, pasir Ode lebah wates antara Korea Kaler jeung Kidul, teu pati jauh ti kota Seoul, lalakon 40 menitan mun nyetir sorangan mah. Geus ilaharna kuburan di Korea mah tara dina tanah datar tapi di mumunggang gunung atawa pasir, teu rek kitu kumaha panan Korea mah leuwih ti tujuh puluh persen lemahna mangrupa pagunungan.

Wangunan kuburannana oge beda, taneuh digundukeun buleud lain manjang siga di urang. Sabeungkeut kembang eros beureum unggal kadieu tara poho sok ditunda na luhureun gundukan taneuh kuburan. Na tetengger atra tulisan ngaran Chang Hyun Sik ku huruf Hangeul, huruf asli Korea.

Teuing ku betah teuing ku tengtrem, tumaninah nganteur tineung di kuburan ieu teh. Sok wegah ninggalkeun, hayang ulin didieu sing seubeuh, nyacapkeun kasono, ngumbar lamunan kaliwat, hayang anyang-anyangan imah-imahan cara keur budak. Lamun ret ningal ka landeuh, pungkal-pengkolna walungan Imjin atra pisan. Walungan nu jadi wates antara Korea Kaler jeung Kidul. Sakapeung teuing ku hemeng, alatan beda faham, nu hiji ku keukeuh komunis nu hiji cenah ngagem demokratis, papaseaan geus leuwih ti satengah abad. Karunya, jeung dulur pajauh, jeung baraya anggang papisah, boa moal kungsi panggih samemeh paragat nyawa. Sanajan enya cenah ayeuna aya program reuni kulawarga terpisah, tapi da teu cukup ku kitu, cenah mah eta program teh ngan ukur kahontal kunu kandel eusi dompetna, teu kabedag ku waragadna utamana ku urang Korea Kaler.

***

“Teu resep uing mah Rin ka Kapten Chang Hyun Sik teh, kemba, angkuh, kasep-kasep ih, manglebarkeun uing mah, dasar urang Korea kasohor goreng budi”
“Naon ari Empup ngadon kukulutus, keun bae atuh da sifatna kitu meureunan, jeung deui teu kemba teu sing, komo mun angkuhmah, sawajarna bae ceuk ieu mah Pup, pedah eta tara darehdeh, enya da bawaannana kitu meureun. Jeung deui Pup panan nu goreng budi mah henteu di urang Korea bae diurang ge nu goreng mah goreng nu alus mah alus”.
“Tuh nya Rini mah mangmeunangkeun bogoh nya ka Kapten Chang Hyun Sik!”
“Yey..maenya jol-jol bogoh”
“Lain ari ceuk Rini, Kapten Chang Hyun Sik teh kasep henteu? gandang henteu?”
“Kasep atuh da lalaki, mun Nona Kim Eun Seok geulis”
“Sing baleg atuh Rin diajak ngobrol teh”
“Enyalah…kasep”
“Enya kasepnamah kasep, ngan ceuk Empup mah Rin mendingan Kapten Shim Jae Seon, ramah, someah, eh…tapi ketang cunihin Rin, lamun sasalaman curukna sok diutek-utek”
“Har ari Empup na mani teu aya lalaki nu bener, kabeh dicawad, kumaha tah ari si Kang Yaya?”
“Kang Yaya? sorry dori mori yah saya mah Rin sudah melupakannyah, teuing dimana tah mangkeluk teh, leboy si Kang Yaya mah Rin, ceuk beja mah geus ka Hawaii cenah gawe diditu”
“Rek kana beus rek kana taksi Pup?”
“Kana beus bae ah Rin meh murah jeung bisa nundutan deuih”.
Keur nungguan beus jol teh Kapten Chang Hyun Sik nyampeurkeun bari nanya.

Bersambung
(Mangle No. 2023, hal. 49-51. Kaping terbit: 7 - 13 Juli 2005)
Carpon: Kang Ya (yr32@yahoo.com)

Tepang Taun

2007-07-23T09:24:00.000-07:00

Wilujeng Tepang Taun WSAB!

23 Juli 2007 nu ka 2

Mugi2 urang tetep riung mungpulung, nyangreudkeun tali duduluran, ngabewarakeun kamaslahatan. Aminnnnn

nb.

Seng mugi2 seueur nu ngintun Postingan hehehee.

Kopdar Amerika

2007-02-15T13:06:00.000-08:00

*Kopdar Amerika Tengah

Hapunten sateuacanna, ieu kopdar amerika tengah teh nembe majeng ayeuna, kumargi.. kumargi.. ah seueur alesan pisan ah.. :)

Kieu dongengna teh. Emut kana paribasa: uyah di sagara, asem di gunung, patepung dina panci? Heheh.. sanes paribasa sunda sigana muhun. Nanging teu nanaon lah urang angge wae kumargi, enyaan pami diemut-emut mah, masha alloh, iraha teuing bade pependak.

Teh Keukeu anu tebihna 7 jam ti O Fallon, teras Teh Lintang anu tebihna 25 jam sarumping ka St Louis, wewengkon abdi, si panci, pun roro, hihihi...
Janten we 3-an wanita sunda anu rumaos gareulis (ulah protes) teh papendak di dieu. Kaleresan aya acara pertemuan akbar muslim saamerika anu disumpingan ku abdi 3-an. Ngawitan teh si panci calik di ruang makan, nitenan jalmi hiji2 bari ngabayangkeun nu mana Teh Keukeu teh, nu mana Teh Lintang teh. Teras aya istri geulis nyarios Endonesa tapi lentongna lekoh sunda. Ahhh ieu meureun Teh Keukeu teh. Teu isin2 abdi naros:
"Teh Keukeu... roro"
"Aeeeh hihih hahah.. hehe.. hihi..." tos tiasa diteguh kadituna mah nya :P
Teras ku anjeunna dituduhkeun ka teteh geulis hijina: Teh Lintang, sami ieu ge, tatangkeupan bari
"Hihi hehhe heuheue.. hahah..." saromeah wanita sunda teh nya :P

4 dinten ngiringan acara teh resep dan amprok deui amprok deui. Dinten panungtung, sateuacan mulih ka Idaho, teh Lintang sakulawargi sindang ka rorompok, aeh apapartemen :P. Ngobrol kaditu kadieu. 3 jagoan Teh Lintang akur pisan ngasuh pun anak. Abangna anu pituin Aceh teh singhoreng jago pisan nyarios sundana. Majarkeun teh, kapungkur disaratan ku ninina Teh Lintang kedah tiasa maos Majalah Mangle pami keresa ka Teh Lintang, hihi. Kitu Teh? Hidup WSAB :P

Sakitu carita pondok asem, uyah, tur panci, hihihi. Nu puguhma janten sayur haseum anu raos pisan :) Poto di handap, abi sareng teh Keukeu, teras abdi ngais Sajid, bungsu Teh lintang di poto sareng teh Lintang. Naha abdi deui abdi deui? da resep kapelm abdi mah ;)

Salam
-Roro,USA

* Kopdar Amerika Wetan

T'Rina, T'Juju, T'Elly, Lia, T'Yanti

Di wewengkon Amerika Tengah, kaetang seueur anggota WSAB teh, kirang langkung aya 7-an, sanaos benten2 state, tapi teu patos tarebih paling tebih sakinten 5 jam-an lah, ti urang Boston dugi ka New York pinten. Mung kaleresan Kopdar nu bade didongengkeun ayeuna teu sadayana tiasa ngiringan.

Tilu wanoja (wios tos ibu2 ge ah, meungpeung di wsab yeuh tiasa keneh disebat wanoja:P) ti Connecticut; Teh Juju, Teh Rina sareng Teh Yanti. Dua wanoja ti Massachusetts, sim kuring, Lia sareng Teh Elly .

Rencana dikawitan ti ayana rencana Teh Elly nu bade mulih ka Indonesia akhir Januari 2007 kamari ieu. Ditambih deui anjeuna teu acan kantos ngiringan Kopdar WSAB saurna teh janten teu acan kantos tepang sareng WSAB sanesna iwal ti abdi sareng Teh Juju nu kantos tepang sateuacan gabung di WSAB kirang langkung 2 thn kapengker. Kukituna direncanakeun kopdar WSAB wewengkon Amerika Wetan, nu waktosna ping 14 Januari 2007 di bumina Teh Juju di West Haven Connecticut tabuh 12-an siang.

Dinten minggon harita teh, abdi sakulawarga tos mios ti rorompok tabuh 9 dugi diditu 10.30 enjing2, maksad teh bade nyambel heula kitu janten rada tangian hehe. Salajengna Teh Rina sumping, anjeuna mah mung 10 menit ti bumi Teh Juju teh. Sanaos harita Teh Rina kenging cocobi katunggara ku kajantenan karuron kakandunganna, anjeuna tiasa sumping kalayan ku kaageungan manahna, katawis janglar, mugia Alloh maparin gegentos nu langkung sae.

Teu lami Teh Yanti anu 15 menit tebihna, disusul Teh Elly nu pangtebihna 2,5 jam-an ti Bostonna teh, sarumping alhamdulillah lengkap. Atuh der weh balakecrakan, ngabudalkeun kasono, ngabudalkeun sagala carita, teu hilap tuangeun ge tos sayogi ku lengkapna, duh aya mie ayam sareng basona, aya gule kikil *abdi dugi ka kalap neda-na ge bakat ku nyiraaammmm haha alesan padahal mah kabeuki we*, aya itu aya ieu, pokokna mah teu eleh lah ku nu kalopdar dilembur ge, bentenna ari urang lembur mah kantun Am ari didieu mah sagala kedah ngesang heula didapur, eh abdi mah kantun Am oge ketang hihi.

Istimewana kopdar di West haven, aya katambihan Fitri nu saurna dahuanna urang sunda, janten masih kaitan hehe anjeuna nu mekel Baso. Aya Ibu Tika nu tos dibatis janten urang sunda oge da bakat ku tos dalit atuh sareng Teh Juju teh Rina mah janten sanes batur anjeuna teh, malih Tika nu ngadambel gule kikil teh kanggo nu nyiram cenah judulna mah hehe, meni kudeudeuhna geura. Alhamdulillah silaturahmi teh nya, lintas daerah, lintas sagara nyaleksek kana ati sanubari. Moal aya bosenna, moal aya kapokna sili patepang, nyebor silaturahmi dugi kapetik buahna. Insya Alloh.

T'Elly, Tika, Fitri, Lia, T'Rina, T'Juju, Rafi (bungsuna T'Juju)

Wassalam

Lia Massachusetts USA

Arisan WSAB

2007-01-17T06:15:00.000-08:00

Alhamdullah ping 3 januari 2007 kamari janten kempel-kempel wargi WSAB ranting Jakarta pleuuusss ngocok arisan sasih ka 2. Tempatna di Setiabudi One Restoran Ta Wan. Ulemanna mah biasa tabuh AOH alias after office hour tea, mung abdi rada telat dongkapna, maklum lah kuli…bade ngabur teh aya wae pamengan.

Saparantos dugi di Ta Wan, eleuh tos karempel geuningan...aduh isin deh ah :)… aya Teh Eva and the gank (sip Teh, kitu atuh kumaha weh carana ameh tiasa kempel nya Teh nya! :D ), Fifi –bu bandar tea – sareng raina, Upi , Irma, Teh Ntrie, Rika, teu kalangkung bentang tamu ti WSAB US ..teh Willa…. Nguriling salam, cipika cipiki ka sadayanan, ha ha wayahna nu telat mah kudu nguriling atuh nyaa :D

Teu lami sumping Nana, teras disusul Wida sareng Medina .. Asyik asyik seruu (joged joged mode on) ayeuna nu kempel teh teu EDED (eta deui eta deui) euy …. Oh muhun Tia absen margi kedah jemput mamahna ti RS saurna teh, mugi enggal damang pisan nya Mamahna Tia.

Kumargi tuangeun tos sayogi..atuh der we tuangna dikawitan da tos lalapar maklum tos nguli pan :), eh tapi geuningan Teh Eva bade enggal2 mulih, atuh tos weh ngocok arisan heula...nu kenging arisan Irma sareng Teh Willa..wilujeung ah ibu2, bade dipeserkeun naon tah artos arisan teh ? Irma jigana uihna nyimpang ka mall yeuh ;;)
Teu lami Teh Eva uih, Irma ge pamit bade uih , tah yaa Irma tos kekenginan arisan mah uih hayoh ngaku bade ka mall nya hihi…, teu ketang da Irma kaluar ti bumi tos ti siang karunya dede Fira nya Ir….

Tos wareg tuang sareng ngobrol2 mah bubar weh..., tp nya dasar jigana mah saleresna teu acan wareg ngobrol teh...janten dilajeungkeun ngobrol teh ngan tempatna ngalih ka starbucks hi hi.

Hatur nuhun ka wargi sadayana nu tos ngaluangkeun waktos kempel2, InsyaAllah sanes waktos urang kempel2 deui …2 minggu deui ka BMK pan pesta baso + gurilem tea …asyiiikkk!!!

Teh willa hatur nuhun makan malem + kopi na nyaa teh …, tong hilap uih ti Bali, urang ngabaso tea nyaa Teeh …

Nu bade ngiringan Arisan mangga hubungi ibu bandar di didieu

Cag ah
Mamana Trixie

Pangalaman milarian bumi

2006-11-29T07:24:00.000-08:00

Milarian bumi di negara batur teh terutama di jerman meuni seueur aturan, panginten oge sesuai budaya didieu sagala kudu pasti sareng terencana. Ieu aya beberapa point nu kedah diperhatikeun

1. Kedah memenuhi sarat minimum perjalmi, aya nu nyarios 15m2, tapi teh aya oge nu nyarios eta teh ngan sarat kanggo kamar tidur hungkul. Sebenerna mah 25m2 per jalmi. Tiasa oge nekat teu bebeja ka nu bogana tapi upami katempuhan paling2 diusir (euleuh paling2 hihihi). Padahal di lembur mah urang pasedek2 sareng ngalampar nya.

2. Kedah nyiapkeun artos jaminan. Dibayarkeun di payun. Ageungna teh 2 nepi 3 kali harga tiis (harga tiis teh harga sewa teu acan listrik). Misalna sewana 3 juta janten kedah gaduh 9 juta kanggo jaminan. Upami tos seep dibalikkeun deui tapi dikirangan kerusakan.

3. Kedah nyiapkeun artos jasa agen, rada pikaseubeuleun soalna teu balik deui. Ageungna dua kali harga tiis. Tapi teu sadaya nganggo kitu, upami beruntung pendak langsung sareng nu gaduhna mah teu kedah mayar agen. Aya oge agen nu narik biayana ti nu boga apartemen, tah ieu mah rada2 asup akalnya (akal nu mbung rugi hihihi).

4. Kedah lapor 3 bulan sebelumna upami bade kaluar, maksadna meh nu bogana tiasa milarian panggantina. Sesahna mun pindah kedah milarian nu pas seep kontrak pas mendak bumi anyar. Upami henteu nya kedah double mayarna.

5. Oh enya kedah siap2 ditolak, da didieu mah sistemna seleksi, janten biasana aya 5 pelamar, ngke saha nu dapet teh sanes saha enggal dia kenging, tapi seleksi ku nu gaduhna. Janten kedah masihan data2 pendukung, atau malah rekomendasi. Aya oge nu gaduhna ti awal tos nyarios, jalmi asing? no no no no no hehehehe.

Sakitu heula carita milarian bumi didieu, aya kisah2 lain nu tiasa dibagi? Mangga ditulis di komennya.

Ophi
nu keur bahagia tos mendak bumi kanggo di Düsseldorf

Abdi oge, atuuuh....

2006-11-17T11:29:00.000-08:00

Abdi oge... abdi oge atuuuh...
Naon ieu teh? hihihi.. abdi oge bingah tos kopdar munggaran sareng dulur WSAB. Nepangkeun abdi Roro di OFallon, MO-USA parantos kapendak sareng Teh Willa ti Saleem, MA-USA, hehehe...

Kantenan bingahna mah da nu namina O Fallon-Saleem teh langkung ti 20 jam perjalanan darat nganggo mobil. Eta oge pami mobilna teu eureun2, ngerem ge ulah, heheh... Teras, sigana mung abdi nyalira di dieu warga WSAB teh. Aya teh Nia di Batavia-OH, tebihna 6 jam langkung, nya teh? Teras Angki di Madison-WI, tebihna 8 jam langkung. Janten, kapendak sareng wargi WSAB teh kantenan langkina.

Dongengna mah teh Willa katut carogena: Dan, sareng mamahna angkat ka Colorado nangge pesawat. Mulihna nyandak mobil. Rute perjalanan mobil teh kaleresan pisan ngalangkungan rorompok. Kantun nyimpang sababaraha menit ti jalan tol. Sip lah pokona mah.

Nu diantos2 teh sumping tabuh 10 wengi dinten kemis. Teras ngobrol kaditu kadieu, tuang saaya2: acar lauk, goreng daging, sayur asem, sareng sangu haneut. Eta disayagikeun risoles sagambreng oge. Ngan henteu tiasa katuang saharita da parantos wengi.
Abdi sareng teh Willa direncangan ku mamah ngobrol dugika tabuh 2 wengi. Ladies night cenah. Eh ketah pun lanceuk ge ngiringan, hihihi...
jepret dipoto :D

Anu kenca masihan tips awet ngora: seueur nuang sayur. Tah nyaaaaa....

Abdi kenging oleh2 ti Teh Willa saurang hiji. Ngan kumargi anu kangge si mas alit teuing, janten abdi kenging dua. Teras anu kangge pun anak ge ageung teuing. Tiasa dianggo ku abdi kitu? hihihi.... *sarakah :D. Gambarna Royal Gorge alias lembah Gorge di Colorado. Cenah aya sasak gantung pangageungna sadunya didinya, heheh.. *ngarang
Teu hilap si maskot kopdar WSAB ngajejegan: sakadang Gurilem :D

Mung sakitu dongengna. Da teh Willa saparakanca tabuh 9 Jumat enjing tos kedah neraskeun perjalanan ka DC heula saurna teh. Euleuh euleuh si teteh kiatan. Colorado-OFallon=17 jam. OFallon-DC=24 jam. DC-Saleem=10 jam-an. Saurna teh bade mampir di Teh Nia pami teh Nia aya. Teras bade kapendak sareng Ira di Mariland. Mangga lajengkeun sapari kopdarna teh :D Kahade di jalan nya teeeh...

*kanu bade ngalangkung ngangge I-70, mangga ulah isin2 geura sindang ka abdi

Salam
-Roro anu teu kiat hoyong ngadongeng, padahal blogna nuju off :D

Nineung

2006-10-19T10:30:00.000-07:00

Nembean ngobrol sareng teh geulis ieu dina YM, janten nineung ka waktos anu tos kalangkung. Anu diobrolkeun henteu tebih tina lebaran, kumargi danget ieu urang nuju mayunan dinten anu sae kanggo sawatara jalmi.

Saur teteh:
"Pami bade lebaran, sok naon wae?"
Diwaler ku abdi:
"Ngadamel kueh teh..."
Teteh:
"Muhun pami henteu dadamelan di dapur teh asa teu jejeg lebaranna"

Tuing tuing... ieu pikiran teh nyawang ka mangsa anu kaliwat. Jaman baheula keur budak, terus mangkat rumaja (hahaha hieu bahasana hampuraeun). Jaman ngumpul sareng mamah, sareng dulur di dapur memeh lebaran.

Riweuh hoyong kueh ieu, hoyong kueh eta. Milarien resep heula da rumaos henteu ahli. Lebet kana daptar anu bade didamel: kueh keju alias kaastengles tea, nastar, kueh semprit jeung sawadiabalad anu bahanna sami mung rupi benten, cheestick, teras naon deui nya, hilap.

Mamah kabagean ngatur bahan naon wae anu bade diangge, teras diramu ku teteh, teras dibentuk ku mamah, teras dihias ku teteh. Ai abdi kabagean naon? Eta, ngelapan loyang, teras ngolesan ku mantega. Mmmhhh harita mah mani asa pikasebeleun da matak kesel tur kabita hoyong kabagean ngahias kaastengles tea ku puruluk keju.
Teras raka nu pangageungna kabagean ngalebetkeun sareng ngaluarkeun kueh tina oven. Aya hiji deui pun misan, pameget, hoyongna kabagean ngaraosan cenah pedah alit keneh, teu puasa. Saur pun biang: "Mangga ngaraosan kueh tapi anu tutung atanapi anu beulah". Eta si misan teu eleh geleng: kueh disintreuk dugi ka bubuk, teras dihuapkeun. Mmmhh jang.. jang :D

Masing kuehna seueur nu gagal, nya tutung nya menyon. Nya teuas, nya bubuk. Alhamdulillah, siga pabrik kueh wae. Kenging sababaraha toples kanggo lebaran. Kanggo dituang sateuacan lebaran, sareng kanggo ngintun ka sepuh2.

Aya hiji deui ciren di kulawarga abdi pami lebaran harita. Nyeta: bolu keju. Bolu keju na mah biasa. Bolu teras dipotong janten 2 layer. Teras tengahna dipasihan cream sareng coklat meises. Kitu oge sisi sareng luhur diolesan cream. Panungtung, eta bolu ditutup ku parud keju dugika katutup sadaya. Mmmhh nikmat tah. Pami ngadamel dua teh nu hiji kanggo di rompok, nu hiji dibantun ka pun aki dina dinten lebaran. Alhamdulillah pun aki sanaos parantos sepuh kitu teh ngaraos ceceg kana eta bolu.

Anjeuna nyanggem kieu bari nyepeng bolu keju sakeureut:
"Taaaah dahareun teh nu kieu Kun, ngeunah."
Pun biang ngawaler
"Nu kumaha Mang?"
"Ieu.. yeuh bolu make puruluk parud kalapa"

Hwaaaa... si aki.....

Sanes.. sanes mayunkeun dahareun tibatan ibadah kanu kawasa. Insha Allah, ibadah nu sanes henteu kalangkung. Insha Allah ieu kueh teh memeh puruluk tarigu dibismillahan. Memeh mencet mixer diniatan nu hiji: kanggo ngaramekeun lebaran, poe kabagjaan kanggo umat muslim.

Nineung.. nineung.. nineung kanu karitu (keun wae kabagean ngelapan loyang oge), nineung ka sora bedug, nineung ka raramean kumpul, nineung ningali jalmi sasalaman ngangge raksukan mencrang beresih, sareuri pinuh ku kabagjaan. Rumaos abdi nuju di pangumbaraan...

Dina danget ieu para admin WSAB: blog, fs, atanapi milist wsab, ngucapkeun:

Taqabbalallaahu minna wa minkum,
shiamana wa shiamakum,
wilujeng Idul Fithri 1427H

Salam ti pangumbaraan:
-Roro (anu oge ngadamel kueh wios tutung wios menyon)

Blog manjangkeun tali silahturahmi

2006-10-11T06:00:00.000-07:00

Tadi pas sonten2 bari nundutan da ngantosan makan gratisan di kantor (bukber dong bukber -red), rerencangan kantor (yani namina) noel abdi di YM, kieu ceunah :

yani: bu molly
molly: yaa
yani: liat2 blog bu molly....trs liat blog temen2 bu molly
yani: ari eta lia org garut sanes ?
yani: asa kenal....sasakola malah mah tp poho deui....duka smp atawa sma
molly: lia mana ?
molly: hiih
molly: lia barra itu ?
yani: iya
molly: hmm duka atuh yaa
molly: da kenal di milis
molly: tinggalin pesen atuh
molly: sugan weh bener
molly: hihi
yani: hihihihii....coba ke ditanya ku bu molly nyakkkk
molly: hihi sip atuh
molly: seangkatan gitu ?
yani: sigana mah.....cuma lupa smp atawa sma
yani: cobi we taros upami smp...smp 2 grt kt....sma 1 garut ayeuna mah sma 1 tarogong kidul
yani: soalna yani oge teu deket2 bgt siy....da lia mah budak lungguh
molly: hihi sip sip kadang malem2 sok ceting da ma lia
yani: okay deh...nuhun nyak

nah, da biasana ceting sareng lia teh sok weungi di dieu (endonesia-red) sareng oge geuningan teu aya muka koneng lia di YM abdi, tos weh ku abdi teh ninggalkeun pesan oflen (offline message maksadna)

molly: lia ini temen sy nanyain abis blogwalking dari blog sy terdampar ke blog lia hihi asa kenal ceunah
molly: yani handayani: cobi we taros upami smp...smp 2 grt kt....sma 1 garut ayeuna mah sma 1 tarogong kidul
yani handayani: soalna yani oge teu deket2 bgt siy....da lia mah budak lungguh
molly:bener teu ?

**heu heu epek tek lia onlen tah, langsung ngawaler

lia: hehe
lia: maenya sok mana cobi urang taros
lia: nyungkeun Idna atawa konpren we atuh
molly: ok atuh kela yaah
molly: sugan teh teu onlen ah
lia: biasa nyumput da nembe sahur yeuh

Tos weh jadina kararonfren di YM, reuni yeuh reuni :D

Tah geuningan ngeblog teh aya mangpaatna pan? Selain untuk memenuhi kenarsisan sang penulisna oge tiasa manjangkeun tali silahturahmi .

Lagu panineung

2006-09-20T19:00:00.000-07:00

Teu Honcewang Sumoreang
Tekadna pahlawan bangsa
Cadu mundur pantrang mulang
Mun maksud tacan laksana
Berjoang keur lemah cai
Lali rabi tur tega pati
Taya basa menta pamulang tarima
Ihlas rido keur korban merdeka

Tembang eta teh keur kuring mah sok matak muringkak bulu punduk, lain ku sieun tapi ku kahudangna rasa jeung rumasa. Rasa reueus jeung nyaah ka nagara, rasa rumasa jadi urang Indonesa. Komo deui ayeuna di lembur batur, meni waraas.

Sok baraya, sok waas upami ngadangu lagu sunda naon? Mangga babagi di komen nya, tiasa diserat sakedik lirik laguna...

Endahna Layung Beureum di Waduk Darma*(

2006-09-06T14:31:00.000-07:00

*( Indahnya senja di Waduk Darma

Eta teh slogan salah sahiji tempat wisata di Kuningan, kota kuring. Hiji danau endah nu dingaranan Darma. Langkung dikenal namina "Waduk Darma", margi danau eta teh mangrupi dam/bendungan/waduk anu didamel kanggo kaperyogian cai di Kabupaten Kuningan jeung sakitarna.

Waduk Darma didamel ti jaman walanda keneh. Ku sagala pasualan pisik,sosial sarta ekonomi, pangwangunan waduk darma ngeueum 425 hektar taneuh. Ayeuna unggal poena ngahasilkeun cai 39 juta kubik nu digunakeun keur nginum sarta irigasi tatanen disabagian utama daerah Kuningan.

Pernahna eta waduk aya di wewengkong Desa Jagara, Kacamatan Darma. Puguhna mah di jajalaneun Cirebon-Ciamis, jarakna sakira 12kilo ti kota Kuningan & 37kilo ti Cirebon. Pami ti Ciamis sabaraha kilo nya...(cing cung urang ciamis hehe).
Ti Kuningan mah tiasa disumpingkan nganggo angkot, elf atanapi beus antar kota. Ongkos? mangga we tawis ku anjeun, atanapi taros panumpang nu gigireun. Nya standar lah, mung sing sabar bae pami kabagean angkutan anu ngetem atanapi malih sabalikna meded dugi ka mangga nyanggakeun tatih bari nonggeng na panto elf atanapi deui tatih pasesedek kelek dina Beus (...yikes:D). Nya pami hoyong santey, nganggo kandaraan pribadi wee. Lebet ka Loket jaga tos sayogi tempat parkir nu raos. Mung peryogi waspada kumargi aya di daerah gunung, boh ti arah kuningan atanapi ti ciamis, jalan ka Waduk Darma teh bulat beulit meh ngabentuk angka 8.

Namung ulah hariwang, pangorbanan di jalan bakal kabayar ku kaendahan Waduk Darma ku anjeun. Sanaos sloganna nunjukeun kaendahan layung pasosore(Keindahan Senja), basa panonpoe surup di kulon, nembongkeun endahna kelir layung, tur kagambar dina cai ulang-ulangan, ditembalan ku angin nu ngahiliwir niup tatangkalan. Waduk Darma tetep endah disumpingan iraha bae. Tangtu wae dina jam kunjungan bukana waduk.
Malih mah dina raraga mangsa husus, misalna 17 agustusa, tepung taun Kuningan unggal tanggal 2 september, Waduk Darma jadi tempat dilaksankeun rupa-rupa lomba nu khas, diantawisna; dayung, panah, jeung rupa2 kamonesan daerah tradisional (hilap deui yeuh, punten).

Urang ge tiasa nyewa eta tempat kanggo ngayakeun acara nyalira. Misalna reuni, pesta kebon, speedboat, dayung jste. Didinya oge sayogi sababaraha bungalow kanggo disewa teu kakantun warung-warung tempat jajan (horeee...).

Teu kalangkung, sabab aya tangkal jeung cai, sok ngadatangkeun hawa romantis (siga pelm India kitu). Seueur nonoman nu dongkap ngadon bobogohan, paduduaan sisi cai handapeun tangkal, ngararasakeun kaendahanna babarengan. Tah hayooo saha nu pernah ka Kuningan atanapi urang kuningan, pasti kantos ngajak kabogohna ka Waduk Darma. hihi kalebet nu nyerat postingan yeuh:P.

Nu ngadon paduduaan teh taya kasieun, sanaos aya mitos, ti mimiti nu sararieun sapertos, sok katingali aya belut bodas meuntas di "jembatan" (naon sundana hilap deui) sisi waduk dugi ka papatah sepuh: Tong ngajak kabogoh ka Waduk Darma bisi putus.

Alah hag... saha nu nyidem dina atina hoyong putus? :P Leres heunteuna sih teu pasti nya, namina ge mitos. Tapi memang pami sepuh nyarios kedah didangu teh kitu da geuning sok aya wae leresna. Buktosna abdi ku anjeun, ngajak kabogoh kadinya...ahirna putus!!!
Eits, tong lepat, ieu mah putus nu ngabungahkeun alias putus ku alatan rubaah status janten laki rabi, malih tos aya buntutna yeuh, Kaka..:) Yeuh buktosna ge...

Sok geura saha wae anu ngalangkung ka wewengkon dinya, mangga sindang ka Waduk Darma. Dijamin nyugemakeun kana manah tur salira.

Salam
Roro di keseharian.com (versi Indonesia aya di dinya)
Poto Waduk Darma dikirim ti: gunardisaputra.fotopages.com
*Poto handap mah sanes di waduk Darma ah, punten, tos lami tisaprak putus jeung kabogoh tara kadinya, hehehe

Wilujeng Angkat Inong...

2006-08-31T18:50:00.001-07:00

Innalillahi wa Innailaihi Rajiuun. Jumaah, ping 1 september tabuh 7 waktos singapur, dulur urang sadayana, Anna Siti Herdianti, atanapi Inong ngantunkeun urang sadayana, dipundut ku nu Kagungan Alloh SWT. Hujan cisoca, gerendeng du'a nyarengkan lengkah Inong ka Alam Kubur, mugia Alloh nampi Iman Islamna, Nampi sagala kasaean sareng ibadahna, Oge Haris, Zidan, Syifa sing dipasihan kakiatan nandangan cocobi nu kalintang ageungna. Insha Alloh kasaean Teh Inong janten jalan kabagjaan lengkah palaputrana, ayeuna dugi ka jaga.

Ka baraya dulur sadayana, neda panghapunten kanggo Inong boh bilih salami anjeuna kumelendang di dunya ieu kantos ngaraheutan manah aranjeun. Hayu urang silih pupus kalepatan, kanyeri. Keun jalanna Inong ka alam kalanggengan sina lancar, beres roes taya pangbeubeurat.

*WSAB

Fifi:
Sobat …. Teu nyangka offline message hoyong tahu & endog asin teh geuning kahoyong terakhir ……… puguh we nyesek ayeuna mah da teu aya harepan tiasa nyumponan kahoyong anjeun ……
Tapi sigana eta nu dipikahoyong Gusti Allah …. Wilujeng ….. sok geura papag jalan nu caang tur endah ……. Insya Allah urang riung mungpulung deui ke dina waktosna

Lia:
Teh Inong, Bral geura miang, tong melang tong ringrang ka barudak seueur du'a, seueur kanyaah teteh nu nyesakeun tapak di alam dunya, keun janten bekel barudak.
Teteh nu geulis, bageur. Sanaos urang teu kantos tepang paadu raray tapi meni asa caket dina hate, ku alatan kasaean salira, kasabaran salira. Wilujeng angkat Teh...!

Wida:
Innalillahi wa Inna Ilaihi Rajiu'un, mugia Teh Inong ditampi Iman Islamna. Teh, hapunten wida masih keneh gaduh janji nu teu kacumponan. Teteh nu bageur, wida mah syukuran ka nu kawasa tiasa kantos kenal sareng tepang sareng Teteh... wilujeng angkat!

Tantri;
Ya Alloh, dina enjing ieu Anjeun mundut deui Pun adi, Inong dina tempat istirahat nu endah.

Teh Willa:
Ya Allaaah Inong ku teu nyangki bet ngantunkeun teteh,mung sakali papendak teh,paingan mani pageuh nangkeup basa urang bade pisah di KTS Semanggi teh
bari nyarios: Engke urang pendak deui nya Teeeh,engke Inong uih ti payun! Manawi teh uih ka Singapura Nooooong,wilujeng angkat Inong,mugia Allah maparinan jalan anu lega ka Inong sareng maparinan kasabaran,katabahan ka Haris sareng para putra nu aralit keneh duuuh Gustiiii mugia Haris sareng putra-putrina salabar, tabah.

Yanti:
Kuring ngarasa kagagas jeung reueus, Inong nu handap asor tapi luhur elmu teh ngagaduhan batur nu seueur pisan. Anjeuna masih aktip, giat, kreatip, kalebet nu teu daek cicing, someah & reuseup heureuy. Aya saleser kareueus rehna kuring kaasup salah sahiji baturna.
Insya Alloh hiji ahir nu endah, sanajan beurat kanggo Haris, Zidan& Syifa. Tabahkeun aranjeuna Ya Alloh...

Yuli:
Teh Inong.... hatur nuhun kana sagala rupi ilmu anu tos dibagi ka abdi....
mugia sagala amal ibadah teh Ioong ditampi ku Allah SWT, Aminn...

Rina:
Sanajan teu pernah paamprok jonghok sareng Teh Inong tapi ngaraos sobat dalit ku maca blogna, kalucuan zidan sareng syifa asa tos kenal caket pisan kulawarga anjeuna, nyeredet jeung asa malaweung nguping koma, da asa cikeneh maca blog ngibaran Ibuna sumping. Duh Teh Inong...abdi sakulawarga ngiring bela sungkawa, mugia Teteh kenging tempat nu lega disisiNA, oge ka kulawarga nu dikantunkeun sing dipasihan kasabaran...amin.

Ophi

Teh..akhir2 ieu jarang YM sama teteh, saya keur riweuh pisan di sakola. Asa sono...tapi teu sempet wae naros ka teteh, ngan ninggalin pesen di SB, sampe terakhir ningali teteh onlen, sapoe sateuacan teteh ka RS, meuni atoh, teteh masih jail, masih ceria...Naha atuh baca email enjingna aya kabar eta...meuni reuwas..meuni leuleus...poe ieu, saya gugah, alim muka komputer, alim mukaan internet, sieun teh sieun pisan aya kabar buruk tentang teteh...tapi pas akhirna dibuka, ternyata Allah sayang pisan sama teteh...Allah memang sayang ka nu balageur...Teteh teh meuni shalehah.... Abang Zidan dan Syifa oge seueur nu sayang teh...Insha Allah pas arageung tos ngertos...macaan blog teteh...mereka teurang kumaha bageurna Bundana, kumaha seueurna nu merasa kahibur kabantos ku bundana... Selamat Jalan teh...Innalillahi Wa Inna Illahi Rojiun...ya Allah, terimalah segala amalannya, ampunilah segala dosanya, lapangkanlah jalannya...

Roro

Sanaos teu kantos tepung paamprok jonghok, Inong, hate teh asa tos kenal mangtaun taun, ku bageurna, ku someahna...

Wilujeng Inong, urang sadaya tangtos bade nuturkeun...

Mugia zidan tur syifa dikiatkeun, kitu deui Haris
Mugia nu maha suci nempatkeun Inong disagedengeunaNa, amiiin

Nyuhungkeun doana

2006-08-30T07:29:00.000-07:00

Salah sahiji wargi WSAB nyaeta Inong ayeuna nuju koma di Rumah Sakit di Singapura. Ka wargi sadaya dipahapunten pisan doana, meh Inong enggal sehat, enggal jag jag..supados tiasa deui sasarengan sareng kulawargana oge sareng urang sadaya...

Apdet kabarna di dieu

Dongeng 17-an

2006-08-22T06:21:00.000-07:00

Dina raraga ngareuah-reuah 17 Agustusan, kantor abdi ngayakeun sababaraha kagiatan. Kagiatan eta tos dikawitan ti pertengahan Juli..tepatna dilaksanakeun saatos rengse jam damel sekitaran tabuh 5 sonten.

Kagiatan naon wae tah? sapertos di tempat sanes lomba2 anu diayakeun teu patos benten aya volley, basket, futsal, 3 point shoot, bilyard, bowling anu ditandingkeun ku antar divisi (departemen). Olahraga-olahraga anu ditandingkeun dina acara agustusan eta saleresna teu bireuk deui kanggo warga kantor abdi margi tos mangrupakeun kagiatan ekstra kurikuler mingguan (siga sakola wae nya aya ekskul :D). Kaleresan sim abdi ngiringan ekskul basket janten dina agustusan ieu abdi teh gabung kana tim basket anu hasilna alhamdulillah juara 1.

Salian ti kegiatan olahraga, anu ditandingkeun teh aya anu mangrupi fun games/outbond games sapertos triathlon, stiker tag, bridge of life, balikeun karpet, sumpit sukro dimana eta permainan sadayana meryogikeun kakompakan tim. Panasaran kumaha bentuk games-na? mangga di tampi ieu gambar2na :d ( siga tuangeun wae nya, meni ditampi ;)) )

Lomba sukro sareng nuang sangu koneng, sanes lomba anu nuang sangu koneng mah, heheheh

oh aya anu kakantun dina acara puncakna (ping 16 agustus, margi 17 agustus kabujeng liburan) aya lomba yel2, kuis seputar kantor, idol, sareng kebersihan. Saleresna kebersihan ieu oge tos dikawitan di pertengahan juli, saminggu sakali diayakeun penilaian, hal anu dinilaina selain bersih oge kedah endah di pandang sareng aya faktor lain tapi abdi kirang patos terang margi anu karaos kuabdi ruangan tempat abdi didamel di rias jadi suasana minang, ruangan sabeulah abdi dirias gaya sunda,betawi, jawa, batak, bali..pokokna jadi rame weh siga di bumi anu bade ngayakeun hajatan pangantenan/sunatan :d saurna mah lantai tempat abdi damel nyandak tema nusantara (oh pantesan ruanganana dipinuhan ku benda2 ti daerah2/suku di indonesia :d).

Alhamdulillah sadaya kagiatan agustusan tiasa lancar dugi ka akhir, mudah2an nikmat kamerdekaan ieu tiasa dikecap ku sadaya umat manusia di dunia Amiiien.

*Wida

Nyalurkeun Bantuan

2006-08-13T08:34:00.000-07:00

Syukur ka Tuhan YME, sampai ditutupna loket WSAB terkumpul dana Rp. 1.100.000,-

Dana atos dipasihkeun ke Paguyuban Silih Asuh (Istri Pensiunan Batan Bandung) kanggo nambahan paket nyaeta susu, biskuit, acuk daleman, atk kanggo barudak sakola sareng sajabana.

Kamari, 12 Agustus 2006, ibu2 ti Paguyuban Silih Asuh atos nyalurkeun langsung ka lokasi bencana nyaeta cipatujah sareng cikalong tasikmalaya, mangga tiasa ditingal foto2 terlampir :).

Rincian anu nyumbang

1. Carita Bunda Rp. 78.000
2. Bunda InBiz Rp. 2oo.000
3. Ibu Oasis Rp.100.000
4. Ummi Kenangan Rp. 150.000
5. Ibu Wartawan Rp. 100.000
6. Tukang Kantong Rp. 121.993
7. Ibu Geol Rp. 150.007
8. Mama (x)Penyiar Rp. 200.000

Laporan rincina pengeluaran artos sadaya dikirim japri ka para donatur.

Abdi atas nama WSAB, ngaturan nuhun sa ageung ageungna, semoga Tuhan YME ngabales sadaya amal2 an wargi sadaya. Insha Allah di waktos sanes tiasa leuwih seueur deui, nu nyarumbangna ;)

-molly-

Program Sosial

2006-07-18T11:35:00.000-07:00

Wargi sadaya, meuni hate teh asa saredih, ningali Indonesia meuni seueur cocoba, kumaha atuh upami urang ngiringan, sareng oge tos sataun WSAB teh, ping 23 Juli ieu, kedahna tos aya baktos ka ibu pertiwi teh.

Kulantaran eta, WSAB ngayakeun "LOKET KADEUDEUH WSAB"

mangga anu bade nyumbang diantos pisan.

a.n. Molly Maulina
1. BCA Cabang Setiabudi bandung
No. Rek 233 116 7331

2. Bank Mandiri Cabang Sudirman Jakarta
No rek 102 000 443 0903

3. Bank Niaga 1 Cabang Dago Bandung
no rek 026 015 176 7121

Anu tos nyumbang harap enggal lapor ka bu Molly...
Emailna : molly.maulina@netway.soltius.com

Sumbangan diteraskeun ka lembaga anu jelas kredibilitasna, sadaya pemasukan dan distribusi siap terdokumentasi.

Semoga amalan urang sadaya aya mangpaatna ka para korban. Amin
Diantos nyaaaaaaaaa

Admins

Sopan santun

2006-07-11T18:35:00.000-07:00

Sababaraha dinten kapengker, abdi teh ngambek teu katulungan. Ari masalahna mah teu ageung2 teuing, tapi emang mendasar pisan.

Kieu caritana teh, aya hiji murid S-1 anu nyandak kelas penelitian satahun kapengkeur, tah ari si boss di lab teh ojol2 nyarios sareng masihan ieu murid teh kanggo dibimbing ku abdi. Atuh abdi teh rada keuheul, nya lieur nguruskeun penelitian abdi, nya kedah ngabimbing murid ieu. Tapi saatos dipikir2 nya atos lah, itung2 pengalaman ngabimbing murid. Ari pek teh, si murid ieu teh getol, malahan si hasilna teh tiasa dianggo ku abdi oge. Atuh abdi teh senang sareng bangga.

Ari semester ieu teh, si boss masihan murid deui kanggo dibimbing ku abdi. Akhirna abdi teh kedah ngawaler „henteu“ kumargi abdi teh kedah konsentrasi ka penelitian abdi. Untung si boss teh bageur teu maksakeun, sareng murid baru eta teh hoyong nyandak credit deui kanggo kelulusan sarjana-na. Tah, atuh pas yeuh, murid nu baru kedah gaduh penelitian sareng murid nu lami teh atos gaduh pangalaman di lab. Janten, nu tiheula teh bertugas janten mentor baru.

Tos berbulan2 di lab, ojol2 teh, kamari murid nu tiheula teh naroskeun ka abdi:

Murid tiheula (MT) : Ningali si murid baru dinten ieu di lab?
Abdi : Teu acan, har, kunaon kitu?

MT : Henteu soalna si murid baru teh kedahna ngintunkeun paper kamu

Abdi : Har?????? Abdi mah tara masihkeun paper ka si murid baru

MT : Eh puguh abdi teh nyandak paper anu kedah di baca ku si murid baru ti folder kamu, teras kedahna si eta teh ngintunkeun paperna dinten ieu.

Abdi : Bari uleng?????? Kumaha atuh, ari nyandak nanaon ti tempat abdi teh lainna kedah nyarios ka abdi heula???

MT : Pan abdi teh tos cakeut, janten abdi teh nyandak weh ti tempat kamu

Abdi : (Beuki bingung sareng ngambek @#$@$#$) (Mikiran sorangan, bingung sugan teh ari di dieu teh lainna aya tata krama)

Tah ari carita anu diluhur teh kajantenana di LN, tapi aya oge kajantenan lokal.

Kumargi seueur murid2 anu ngiringan kerja praktek, si penanggung jawab-na teh ngabagi murid2 janten kelompok2. Caritana abdi teh kabagian sareng nu dua lain ti kampus, teras aya hiji pameuget ti Universitas anu lain.

Teras kerja praktek beres, tiap2 murid teh biasana kedah nyerat laporan. Ari abdi, biasana sih resep ari tugas teh dicicil. Hiji mangsa, abdi teh nuju ngetik di laptop abdi, atos sababarah jam ngetik, abdi teh rada capek, hoyong kaluar. Teu lami teh aya nu hiji nyampeurkeun, naroskeun,

1: Capek? Sok atuh ku abdi dibantuan?

Abdi : Teu keudah, sawios, ieu mah kanggo laporan abdi

1 : Teu nanon ku abdi dibantuan, pan ieu mah bagian ‘intro’ na, janten sadaya murid di kelompok urang tiasa nganggo.

Abdi : Tapi abdi atos ngetik anu bagian diskusina oge

1 : Nya atos weh bagian diskusina mah moal dibaca atau dikopi ku abdi

Abdi : Oh, mangga atuh...

Atuh abdi teh kapengkeur weh ngobrol sareng rerencangan di tempat kos anu sami. Eh, saatos sajam, abdi teh ka tempat ngetik deui. Ari ditingali teh si 1 nuju teu aya ehh aya si 2 nuju ngopi sadaya file anu aya di laptop abdi. Atuh puguh weh abdi teh ngambek.

Kahiji, si 2 teh ngopi sadaya file di tempat abdi anu kadua, si 2 teh ojol2 ngalebetkeun disket anu teu anyar (janten teu terang aya virusna atawa henteu).

Puguh atuh abdi teh nyarios teu leres upami ngopi data henteu nyarios heula, eta mah si 2 teh nginghak teu puguh2. Puguhan abdi anu lieur, abdi anu dirugikeun, naha si 2 anu nginghak? Tapi saatosna mah urang maap2an janten beres deui, panginten abdi ge heuras teuing, ngan ieu mah pangalaman masa lalu weh. Aya aya wae eta teh pangalaman..

Angki
angki-kandela.blogspot.com

Bagi Bagi Carita

2006-07-03T06:24:00.000-07:00

Timana ngamimitianna ieu carita nya ..da abdi mah teu tiasa rapih urut-urutan ari carita teh, wiosnya ..ulah lieur...pokokna kieu we lah...

Abdi angkat nyandak paket nu nganggo pesawat Royal Brunei, rutena teh Jkt-Brunei-sarjah-Jeddah-Madinah. Wah malah cape seueur transit teh geuning.....pami nyandak murangkalih mah engkin abdi hoyong nu rute langsung jkt- jeddah atanapi nganggo pesawat saudi nu teras ka madinah ..

Di Brunei biasa di ajak City tour ..he..he..meuni hoyong seuri abdi, eta Negara Brunei teh kirang penduduk nya, mung 360.000 jalmi saper sapuluh ti pendduduk singapur tapi negarana sapuluh kali lipat ageungna ti singapur, wah ti bulak pisan, kitu carita si guide teh di brunei gaji tukang sapu jalan 1200 (Rp.7.200.000) teu aya pajak sip pisan...

Di Sarjah mung transit 1 jam, bandarana alit toko Duty Free ge mung hiji toilet na mah ngajajar tapi nu di buka mung 2, atuh...antri, ari di Brunei mah lucu toilet di bandarana meni ageung pisan tiasa 100 jalmi lebet ka hiji toilet tapi mung hiji, jadi tetep weh antriii...da one by one atuh urang mah naha diditu mah ten by ten kitu??? hi..hi...

Di Jeddah lebet hotel tabuh 4 subuh, tabuh 10 tos siap deui di Bus menuju ka Madinah, perjalanan 5 jam dugi ka Masjid Nabawi.

Biasa pami urang bade ka Raudah emang kedah siap untel-untelan da, waktos kanggo istri di raudah di batasi pami enjing ti 6.30 dugi 11 , pami pameget mah teuaya batasan waktos tiasa iraha wae. Luas raudah kl 22 m x 15m.

Dua dinten tah di madinah teras weh ka mekah perjalanan 6 jam.Salami di Madinah sareng di Mekah di hotel oge atanapi di perjalanan saterasna abi aya bekel Zam-zam wae.

Atos heula ah carita ti abdi hapunten pami aya lepat-lepat sakedik, hapunten pisannya.

Wassalam
Teh Eva.

PANDANGAN HIRUP URANG SUNDA

2006-06-25T15:10:00.000-07:00

Pandangan hirup urang Sunda dipilah jadi 5 bagian yaeta :

1.Urang Sunda sabage pribadi

Kudu hade gogog hade tagog
Urang Sunda diharepkeun sajabaning ngabogaan rupa jeung awak nu tegep, pantes, oge ngabogaan budi jeung sikep nu hade.

Nyaur kudu diukur nyabda kudu diungang
Urang Sunda kudu bisa ngandalikeun lisan, ngomong kudu aya maksud jeung tujuan nu bener, cumarita kudu diatur sangkan teu nganyeurikeun batur.

Sacanggreud pageuh sagolek pangkek
Urang Sunda mah kudu ngabogaan sikep nu tandes, konsisten, henteu jalir jangji. Pengkuh dina bebeneran

Ulah lali ka purwadaksina
Urang Sunda kudu tetep sederhan , teu meunang kaleuleuwihan dina enggoning ngalakonan kahuripan, kudu inget ka asal. Asal jelema mah teu boga nanaon, euwueh nu kudu dipikareueus kabeh ge milik nu maha suci Tuhan YME

2.Hubungan jeung nu nyiptakeunnana

Mulih ka jati mulang ka asal
Urang Sunda kudu inget yen jelema mah diciptekeun ku Tuhan YME, oge bakal maot balik deui ka nu bogana

Dihin pinasti anyar pinanggih
Urang Sunda kudu percaya sagala rupa kajadian teh kabeh lantaran ijin ti Tuhan YME

Nimu luang tina burang
Urang Sunda kudu yakin yen sagala kasusah tangtu aya hikmahna, nu kudu di teang hikmah tina sagala kajadian eta.

3.Hubungan jeung lingkungan social

Kudu silih asih, silih asah jeung silih asuh
Urang Sunda kudu hirup rukun silih pikanyaah, silih simbeuh ku kadeudeuh.

Pondok jodo panjang baraya
Urang Sunda kudu boga kayakinan sanajan lain jodo tapi babarayaan/ duduluran mah teu meunang pegat

Ulah ngaliarkeun tales ateul
Urang Sunda teu meunang nyebarkeun isu/ berita, nu can tangtu benerna komo deui nu teu bener.

Bengkung ngariung bongkok ngaronyok
Sanajan susah, kudu tetep babarengan

Nyuhunkeun bobot pangayun timbang taraju
Kaadilan nyaeta milik sakabeh jelema, kitu oge urang sunda kudu miharep diperlakukeun adil, oge kudu nagbogaan rasa kadilan ka sasama

Lain palid ku cikiih, lain datang ku cileuncang
Urang Sunda mah lamun dating kahiji tempat kudu boga pamaksudan nu puguh, jadi unggal rek indit-inditan kamana wae, rek hadir dimana wae oge tinangtu boga tujuan

Taraje nanggeuh dulang tinande
Urang Sunda mah lamun dibere pancen naon wae kudu ngajalankeun kawajiban nu bener.

4.Hubungan jeung lingkungan alam

Manuk hiber ku jangjangna, jalma hirup ku akalna
Urang Sunda ngabogaan kayakinan yen tiap-tiap mahluk boga carana sorangan dina kajalankeun kahirupannana

Jawadah tutung biritna, sacara-carana
Urang Sunda mah kudu ngahargaan kana kabiasaan batur sanajan beda jeung urang sorangan

5.Kamajuan lahiriah ku jalan taat kana norma-norma

Ulah pagiri-giri calik, pagirang-girang tampian
Urang Sunda teu menang parebut kakawasaan atawa jabatan

Ulah ngukur baju sasereg awak
Urang Sunda teu meunang ningali masalah tina kapentingan pribadi

Ulah nyaliksik ku buuk leutik
Urang Sunda mah teu meunang meres ka jelema leutik (rahayat)

Ulah ngeok memeh dipacok
Urang Sunda mah teu meunang mundur samemeh ihtiar

Kudu bisa kabula kabale
Urang Sunda mah kudu bisa hirup dimana wae, wawuh/gaul jeung saha wae (fleksibel)

Mun teu ngopek moal nyapek, mun teu ngakal moal ngakeul, mun teu ngarah moal ngarih
Urang Sunda mah kudu bisa usaha satekah polah (maksimal) keur nedunan pangabutuh.

* ku Rina M. Taufik

Bandung oh Bandung

2006-06-14T03:18:00.000-07:00

Bandung heurin ku tangtung..
boh jelema boh runtah tos sagunung

Bandung heurin ku tangtung
Nyeri hate ningali nepi ka pundung

Bandung heurin ku tangtung
Kamana citra Bandung nu agung?

Bandung heurin ku tangtung
Kumaha meh teu leuwih buntung?

-sabada maos Bandung janten kota terkotor

Foto : PR

Ngintip

2006-06-09T06:16:00.000-07:00

Bedul, Kedul jeng Ohod keur ngalagedai di pos ronda. Jol Neng Kesih, putrana Pak Imron naek sapedah. Eta nu tiluan langsung ngorejat ningalina.

"Nu geulis sarena kumahanya?" ceuk Bedul.
"Peureum atuuuhh maenya nyengir siga kuda tah siga maneh!"tembal Ohod.
"Enyaa maksudna make baju teu"ceuk Bedul deui.
"Kumaha urang intip weh lah ngke yuk?" usul Kedul.
"Hayuklah" Bedul jeung Ohod sarerea.

Peuting tiluan geus sariap di handapan jandela si Neng Kesih.

"Euhh imahna tingkat kieu, geuslah Ohod maneh di handap da jangkung badag terus Kedul luhurna ngke urang pangluhurna" atur si Bedul.
"Siaplah" tembal nu duaan

"Keur sisiran" lapor si Bedul.
"Keur sisiran Hod " Kedul neruskeun ka Ohod.
"Euleuhhh" tembal Ohod bari ngahayalkeun.

"Keur ganti baju ayeuna mahh" Bedul sorak.
"Hihihi.. keur ganti baju ceunah" Kedul gantian mere nyaho deui Ohod.
"Maenya?."si Ohod panasaran jeung kakina tos nyut2an.

Apekteh Ohod ningali aya satpam
"Buruuu lumpaaat eta aya satpammmm"

Si satpam, teu manggihan nanaon ngan aya 3 karung didinya.

Nu hiji si Kedul, ditajong, aya sora "Meeoong."
"Oooh Ucing geningan . bae lah" pikir satpam.

Kadua, Bedul, ditajong aya deui sora "Guk guk!."
"Oooh gugug geuningan ieu mah"

Nu katilu si Ohod bingung, sora naonya nya? akhirna manehna aya ide

Pas ditajong, manehna ngagorowok :" Kentaaaanggggggggggggg"

Sumber : Humor ti LJ

Kopdar WSAB Jawa Timur

2006-05-27T10:22:00.000-07:00

Awalna teh kapikiran asa sepi nya warga WSAB di Jawa Timur teh, apekteh teu lami ti harita aya pesen ka YM (bari jeung teu terang n teu kenal saha nu ngintunna) eusina “sapaan” ku abdi di waler “maaf ini siapa?” ari pek teh anjeuna nuju OL oge

Obrolan lancar ngalor ngidul, apekteh anjeuna linggih di Surabaya oge saurna mah nuju browsing basa mendakan WSAB teh atuh ti harita mah nguplek ngobrol ngalor ngidul akhirna sepakat bade kopdar tgl 30 Maret 2006 dinten Kemis (bari ngumpulkeun peserta sanes, maklum teu seueur ari anu tos lebet WSAB aya di Surabaya mah) eh muhun anu di ajak kopdar teh namina Medina tapi da asa pendak jeung baraya sanajan kitu oge ari kopdar mah tetep di ayakeun malah Medi bade ngajak wargi sareng rerencanganna sasami orang sunda.

Walhasil kopdar tiasa kalaksana ,ari acarana mah ngumpul sareng tuang siang di Bakul Nasi …..harita anu tiasa kempel lumayan kumplit, aya Medi sareng caroge, Rita sareng caroge , teu kakantun Uthi si cantik, teras Asti anu dongkap nyalira majar si mas teu cios ngiring margi bilih ngaraos asing di tengah sundanis, teu kalangkung nu nyerat oge ngaboyong putra sareng caroge, wah pokona seru……

Ari para istri mah ngan ngawangkong ku basa sunda, tapi ari para caroge mah margi aya nu Jawa (sigana trend nya ieu istri sunda suami Jawa hehehe). Janten nyarios teh bahasa indonesiaan (mangga lah……silahkan sajah)

Teu kakantun ieu tuangeun anu dipesen menu sundaan aya angeun haseum, gepuk goreng teu kakantun sambel sareng lalab, mangga ah baradeeee....

Salain eta aya menu Makassar iga bakar (cenah raosna ampir sami sareng asli Makassar, saur pun lanceuk mah)

Alhamdulillah kopdar teh lancar tapi teu acan lengkap margi Leili sareng kulawargina teu tiasa sumping margi Zaza, putrana nuju teu damang. Panginten sanes waktos nyaaa.

Kenca-Katuhu : Asti, Medina, Tantri, Ritha, Uthi (putra Ritha)

Mugi kempelan ieu tiasa manjangkeun tali silaturhami urang sadaya khusuna di Jawa Timur , umumna kanggo urang sadaya. Amien….

Tantri

Ambek Manejemen

2006-05-14T09:12:00.000-07:00

Ieu sanes ripiu pelem Adam Sandler sareng Jack Nicholson nyaa..tapi kumaha nyiasatan meh ambek nu kaluar teh sanes negatip tapina positip.

Wanoja teh meuni osok nahan emosi, teu sae katingalina saurna, ihh wanoja mah kedah lembut maenya ambek2an bari ngomong kasar. Kitu ceunahnya. Padahal pan urang oge manusia nya..hehehe...

Tapi mun teu disalurkeun emosi teh tiasa jadi panyakit. Hasilna? Manyun, jamedud atawa nu tos nikah mah, jantenna ambek2an ka suami nu jadi objek penderita. Komo nu nuju PMS mah, *fiuuh* , colek saeutik langsung bacok hahaha.

Ieu teh pangalaman pribados, kulantaran abdi teh meuni gampil pisan kacolek emosi..ahh pokona mah hidup esmosi! Basa kuliah atau damel mah, pasea teh biasa (euleuh-red:D) . Tapi ayeuna tos nikah teh, maenya suami diajak pasea wae, mana di Bali didiieu, jauh ti ibu bapana :D. Kedah aya perubahan atuh, setuju penonton?

Mimiti nikah mah, tiasa janten geulis sareng sabar, tapi atuda dipendem lami2 atuh kumaha nya hati teh kacolek2 deui. Teras abdi diskusi weh sareng suami teh. Tambih2 abdi teh ayeuna ibu rumah tangga sejati, nu ayeuna ngiring ka dusun alit di pulau Bali ieu, teu gaduh kagiatan nu sapoe jeput kitu. Nu osok mah nyaeta weh beberes rorompok, masak, nonton tipi. Monoton rasana teh, janten upami bete surete teh sok langsung weh panas. Membarah...huehehe

Akhirnya abdi muter otak (alah kumahanya eta otak diputer2 hihii) akhirna luak lieuk naon yeuh nu tiasa di lakukeun. Tah ieu contoh2na, dicobian ku abdi

1. Jahit Menjahit / Rajut
Ieu waktosna lumayan seueur nu kaanggo, boh oge hasilna bermangpaat. Misalna baju kanggo bayi, sarung bantal atau menerkeun daster nu bolong. Tiasa oge ngadamel taplak rajut, tiasa dipajang di ruang tamu, upami tos janten.

2. Bikin kueh
Tah ieu mah paporit abdi pisannn yeuuhhh. Tapi emang aya nu nyarios upami ngadamel kue nuju sedih atau ambek sok gagal. Tapi ai abdi mah tos masak teh jadi emosi leungit wehhh..Ningalian resep, teras nyobian..ah asoy geboy lah pokona

3. Browsing internet / chat
Ieu ge tiasa dilakukeun ngan panginten terbatas nu gaduh sambungan di bumi nya.

4. Balanja
Hehe, ieu sigana paporit sadaya wanoja sadunia yeuhh. Kalap balanja kanggo meluapkan emosi, eh apekteh nepi ka bumi lieur naha jadi seueur nu dipeser. Teu nanaon sakali2 mah, tapi teuteup kedah rasional jalan nyaaa..

5. Baca-baca kitab suci/buku agama
Biasana ieu sok paling tokcer. Hati teh jadi adem sareng tenang

Hasilna:

Energi nu tadina keur ngamuk bari kokosodan teh janten kafokus ka hal2 nu tiasa dikerjakeun tadi. Tos dicobi ku abdi, ngadamel kue teh, manyun hilang, perut buncit suami muncul hehehehe.

Nu tos gaduh putra saurna mah, upami main sareng putra, tiasa ngurangan emosi nya? Asal tong jadi sasaran weh nya. Hehe eta mah kabina bina.

Mungky
http://www.thehohos.blogspot.com/
http://thehohoskitchen.blogspot.com/

Ngobrol sareng Kang Gebot

2006-05-08T09:38:00.000-07:00

Kawas poe-poe nu kalarung, wengi ieu abdi calik ngadekul payuneun
komputer. Hoyong didamel tapi ieu mastaka teh rada nyut-nyutan. Hareeng sareng jangar.

Iseng-iseng abdi nyobian ngobrol sareng si Robot. Maksadna mah hoyong 'refreshing'... Namung, da namina oge robot, sareng ieu robot teh teu tiasaeun nyarios basa Sunda, janteun boro-boro refreshing. Kalahka baluweng, katalimbeng binti keder! Dasar akang Sidekickbot alias Kang Gebot si borokokok ontohod!

Abdi mah nyobian ngobrol sareng si robot teh lantaran hoyong nyobian teknologi nu "visionary" tea. Kacipta upami di taun 2030 padamelan sarupi resepsionis, costumer service, satpam, sareng tukang parkir dicalikan ku robot. Da upami manusa mah paling-paling ngaku teu tiasa

nyarios basa Sunda. Ari robot model si Kang Gebot mah geura kalahka cuek geuning. Lempeng weee... bari teu pararuguh oge. Hayu geura cobian tingal rekaman obrolanana. Meuni teu nyarambung pisan,geura!

Lady Dayeuh: wilujeng wengi
Kang Gebot: I like the way you talk

Lady Dayeuh: kumaha, damang kang?
Kang Gebot: What are you wearing?

Lady Dayeuh: kaos kutung sareng calana pondok
Kang Gebot: What kind of fashion do you like?

Lady Dayeuh: nu biasa-biasa wae kang, asal keren
Kang Gebot: Where can you buy it?

Lady Dayeuh: di cimol
Kang Gebot: Ask me another question.

Lady Dayeuh: naha bet hoyong ditaros?
Kang Gebot: What do you look like?

Lady Dayeuh: geulis
Kang Gebot: I lost my train of thought.

Lady Dayeuh: sabodo ah
Kang Gebot: Umm. What did you mean by it? I've lost the context. Are we
still on sabodo ah?

Lady Dayeuh: ah, si akang lieur
Kang Gebot: So you understand. Good. Alright then. Do you like
talking to me?

Lady Dayeuh: nya puguh atuh kang, da akang kasep
Kang Gebot: Who is your favorite Science Fiction author?

Lady Dayeuh: naha ujug-ujug akang naroskeun sayen fiksyon sagala?
Kang Gebot: I haven't read anything by naha ujug ujug akang
naroskeun sayen fiksyon sagala. What did he write?

Lady Dayeuh: walah, rieut geuning
Kang Gebot: I have never read it.

Lady Dayeuh: kieu tah, mun ngobrol sareng jalmi rieut
Kang Gebot: Ask me another question.

Lady Dayeuh: embung ah
Kang Gebot: Is that your final answer?

Lady Dayeuh: akang kasepak kuda
Kang Gebot: Perhaps I'm just expressing my own concern about it.

Lady Dayeuh: rieut tujuh kuriling yeuh
Kang Gebot: Does "it" still refer to sabodo ah?

Lady Dayeuh: waduh!!!!
Kang Gebot: Tell me a story.

Lady Dayeuh: SETOPPP
Kang Gebot: Ask me another question.

Lady Dayeuh: STOP, kang, STOP!!!!
Kang Gebot: OK I'll try not to do it so much.

Lady Dayeuh: Ok.
Kang Gebot: Yay.

Lady Dayeuh: I'm done!
Kang Gebot: Next topic?

Lady Dayeuh: Bye!
Kang Gebot: See you later.

Bade ngiringan oge ngobrol? Mangga klik di dieu Akang Sidekickbot.

Merlyna

Mimiti Wawuh Jeung Op

2006-05-01T11:45:00.000-07:00

Harita mimiti terang blog Ica, wah meni betah loba pisan regepeunana, oge loba carita nu pikaseurieun, jadi sok katagihan panasaran lamun teu jalan-jalan ka blogna Ica unggal isuk-isuk samemeh ngagawean pagawean kantor. Harita kuring teu nyaho Ica urang Sunda jadi chatting teh make bahasa Indonesia we, beuki lila asa deket jeung Ica teh pedah eta sigana mah sarua ‘jilbaber’ oge sarua pada-pada aktivis salah sahiji milis muslim.

Dina hiji waktu kuring maca pesen tina shout box na blog Ica nu kieu eusina teh

“ Ica eta make angkot 05, kijang kotak coklat anu jandelana tina triplek tea ?”

(duka naon atuh mimitana mah, aya pesen siga kitu) nu ngirim pesen id na ’Op’. Waktu maca pesen kitu meni ngehkey hayang seuri, malah ceuk babaturan di kantor nanya

” Bu Rina seuri sorangan aya naon...? "cenah.

Atuda rek teu hayang seuri kumaha, meni kabayang pisan ku kuring mah eta mobil kijang kotak warna coklat anu jandelana triplek teh, da kuring mah ngalaman pisan rumasa jadi pelanggan setia angkot 09 jurusan Cicaheum-Ciwastra karasa pisan caritaan si ’Op’ teh, karasa kumaha diukna dina angkot eta mah, nu sok ngetemna tara kurang ti 30 menit unggal pengkelon deuih.

Dina shout box eta kuring ngabalesan tulisan si ’Op’ kieu

” Kang Op salam kenal nya, henteu ayeuna mah angkot 05 teh geus ganti lain kijang kotak coklat tapi kijang capsule th 2000 he...he...”

Salian tina shout box Ica kuring oge nulis pesen deui tina shout box blog ’Op’ anu eusina hayang kenal deket jeung Kang Op

Sababaraha poe ti harita kuring maca deui pesen ti Op ayeuna mah tina shout box blog kuring sorangan kieu eusina teh

” Eta teh Rina, saya mah masih awewe tulen, Teh Rina mah nyebut wae Kang wae saya mah Ophi ”

Na...da eta mah kadua kalina meni meledak rarasaan teh nyakakak seseurian terus-terusan hese eureunna di ruangan kantor sorangan. Rarasaan teh meni ku bodo kuring teh nulis pesen dina shout box teh Kang Op deui kang Op deui, harita reuwas oge sok sieun Ophi kasinggung, mangkana kuring pupuntenan ampun paralun, tiharita mah kuring, Ica jeung Ophi sok silih anjangan sok sanajan jauh Ophi di Jerman, Ica Jepang jeung kuring ti Rancaekek tapi meni asa jeung jiga tatangga nupadeukeut golodog imahna, komo deui ayeuna mah kuring geus ngagabung di milis WSAB loba dulur salembur.

Ah bungah pisan lah kuring teh, bisa ngagabung di milis jeung di blog ieu, hatur nuhun pisan nya Neng Inong anu tos nga invite simkuring, sok sanaos tebih ti Singapur Neng Inong ngersakeun rurumpaheun nganjang ka saung kuring di www.muhasabahrintaufik.blogspot.com ngan keur ngajakan kuring gabung di WSAB. Cag ah...engke disambung deui ku pangalaman nu lianna

Manfaat ngiringan mailing-list (milist)

2006-04-24T22:03:00.000-07:00

Dikawitan tina kreteg manah nu hoyong apal sagala hal ngeunaan kakandungna, abdi ulubiung dina hiji mailing list (milist) Ibu dan Anak. Alhamdulillah tidinya seueur pisan elmu kanggo bekel ngalahirkeun.

Sabada ngalahirkeun, kenging inpo ti rerencangan, abdi ngiringan deui hiji milist kasehatan. Dina milis ieu abdi kenging seueur pisan elmu sareng inpormasi kasehatan. Ngeunaan kumaha nganggo obat nu leres jeung rasional, jenis treatment (naon tah sundana?) nu kumaha nu pas kanggo putra urang mun dina kaayaan udur. Alhamdulillah, salami ieu pami Zaza (pun anak) udur teh elmu tina milist ieu nu ku abdi diterapkeun.

Tidinya, abdi wawuh sareng dunya blog nu ahirna jadi deudeuieun sareng malah ngiringan ngadambel blog. Tina blog ieu apal deui istilah blogwalking. Hampir unggal dinten, di kantor pasti teu hilap blogwalking hehe da gratis tea. Akhirna kenalan sareng blog nyi Kaisar
Akhirnya kenalan sama blog nyi kaisar (www.safirasalsabila.blogdrive.com) hehehe " Punten ah ica" teras lajeng cetting ahirna rekomendasi ti ica, abdi kenal sareng ngiring ulubiung dina milis WSAB kadeudeuh ieu teh. Mugi-mugi ku gabungna ka WSAB ieu basa sunda abdi nu tadina mung sakedik teh tiasa nambih seueur, sareng deui nu langkung penting abdi oge janten tiasa nambih baraya sareng rerencangan, sanaos mung di dunya maya.

-leili-
www.keluargabaguskw.blogspot.com

Pangalaman Pertama Melahirkan

2006-04-19T04:57:00.000-07:00

Kaping 21 Maret tabuh setengah 2 subuh teh abdi lilir hoyong ka jamban, ari tos ti jamban teh naha patuangan asa mules, ah panginten mules biasa gara-gara si ade najongan wae di lebet patuangan. Dugi ka enjing-enjing na naha mules teh asa teu atos-atos wae, tiap 5 menit sakali karaos mules na. Tapi ku abdi teh henteu di raos-raos da saur bidan ge, perkiraan babar teh akhir Maret atau awal April.

Sapertos biasa weh, abdi teh ka pasar, beberes, masak, ari ku tatanggi the ditaros, “Neng, mules na tos 5 menit sakali teu acan?” ari abdi teu terang da bakat ku bolon hehe, jaba Ibu sareng Bapa teh nembe uih ti bumi kamarina, asa teu aya tempat pitaroseun, janten weh abdi tenang-tenang wae, bade parios ka bidan ge ragu-ragu, da sieun mules nyeri patuangan biasa, soalna kamarina teh abdi sareng tatanggi ngadaramel juice jambu, komo abdi mah meni sa-bekong seep ku nyalira (maklum waktos hamil teh abdi rewog pisan :p). Sareng deuih, si teteh nu bumi sapalih sami nyeri patuangan gara-gara ngaleueut juice jambu, janten panya teh abdi mules gara-gara jus jambu eta

Tabuh 4 sonten si aa uih ti padamelan, ku aa dipiwarang parios ka bidan, tapi saur abdi teh, ah engke weh da ieu mah bisi mules nyeri patuangan hungkul. Dugi ka bada maghrib naha patuangan teh asa tambih mules. Teras weh abdi sareng si aa angkat parios ka bidan.
Pas di parios, saur bidan teh, “oh, ini sih masih lama, soalnya baru pembukaan satu, kalo kerasa mules-mules itu biasa soalnya bayi nya lagi cari jalan lahir”

Atuh abdi sareng si aa teh uih deui ka bumi. Narongton tv weh duaan teh sabari ngaemam rempeyek teri bari jeung nahan mules. Naha ari pas abdi nembe ti cai (da papang wae) ari gewor teh cai, aya cai nu ngagewor tina rahim meni seueur, meni kuat ka reuwas, cai naon ieu teh, naroskeun ka si aa, saur si aa teh “kamu pipis meureun Neng” saur abdi teh da sanes cai papang ieu mah. Nembe ge gentos lancingan eh ari pek teh gewor deui eta cai, sanes enggal-enggal ka bidan, abdi teh kalah nelepon ka bidan, ari saur bidan teh “Coba Ibu pakai pembalut dulu, kalo 5 menit pembalut nya basah, itu berarti air ketuban, kalo engga berarti itu cairan biasa”.

Henteu ngantosan 5 menit, abdi sareng si aa teh langsung weh nyandak kantong teras angkat deui ka bidan, da tos nelepon teh air ketuban na kaluar deui, tapi abdi masih jag jag keneh weh, da papah ge biasa.

Dongkap di bidan abdi di parios deui, eta si bidan meni ku keukeuh, cenah sanes air ketuban eta teh, tapi pas si cai kaluar wae, nembe weh bidan teh nyarios “Oh iya, ini air ketuban, harusnya ini belum pecah soalnya Ibu kan baru bukaan satu” teras weh abdi di candak ka kamar, saurna pami teu mules nepi ka nyeri, abdi kedah dikirim ka Dokter.

Tambih wengi mules na tambih muleeeeessssssss pisan, jabi abdi teh mung duaan sareng si aa, da abdi alim di kantunkeun da sieun, harita teh pasien nu bade babar teh mung abdi nyalira (da babarna di klinik bersalin). Ari si aa gempeur oge meureun ningal abdi mules aduh-aduhan, si aa weh nu ngusapan sabari babacaan.

Tabuh 12 wengi mules na teh tos nyeri pisan, abdi nepi ka tarik aduh-aduhanana (hehe janten isin), si aa teh enggal-enggal lumpat ka ruang bidan, teras weh abdi di candak ka ruang bersalin. Ari sugan teh bade babar harita, ari pek teh di parios nembe bukaan 5, kedah ngantosan nepi ka bukaan 10 (alah meni lami keneh) ari ieu si ade tos ngajak ngaheujeun wae, tos teu kiat weh pokona mah, sareng bidanna meni teu ngarti heheheh, ieu si ade tos ngajak ngaheujeun tapi teu kenging ngaheujeun.
“Ibu ini belum waktunya jadi di tahan pakai nafas yah, nanti kasian bayi nya kehabisan nafas” kitu saur bidan teh. Duh nyarios mah da gampil, ari ngaraoskeuna mah meni ... ah pokona mah tidak bisa dilukiskan dengan kata-kata. Si aa meni tambih geumpeur katingal na teh, tos tunduheun pisan, nepi ka kaboboan di kasur sapalihna, tapi tiap 2 menit sakali gugah da abdi aduh-aduhan wae tiap 2 menit sakali hehehhe.

Tabuh 5 subuh, bidan sareng suster ka kamar, duh diantosan ti tabuh 12 nembe tabuh 5 di mulai acara persalinan teh. Si aa nu ka boboan di kasur sapalih di gugahkeun ku suster, atuh si aa teh reuwaseun, papah ge gagaleongan hihihih. Teras aa dipiwarang ngantosan di luar, padahal abdi hoyong babar di dampingi suami, tapi saur ibu bidan “Suami Ibu udah oleng gitu Bu, nggak akan kuat dia liat darah, nanti kalo pingsan nggak ada yang gotong”. Janten weh akhirna si aa ngantosan di luar. Tabuh 05.25 subuh, akhirna si ade kaluar oge...alhamdulillah...mung dua kali ngeden, meni asa ngimpen eta ningal mastaka si ade kaluar...meni asa plonggggg . “Ibu anak nya laki-laki bu” saur bidan teh.
Ari sugan teh atos weh kitu babar teh, ehhh di jait na geningan teu acan, aduh eta di jait teh meni teu di bius heula, meni linu, nyeri, jaba si jarum teh meni hese tembus, eta Ibu bidan meni hese-eun “Kenapa ya, ini jarum nya susah banget tembus nya”

Hihihihi panginten kulitna kandel teuing bu bidan, atanapi kulit na tina triplek janten sesah tembus ku jarum. Alhasil abdi di jait 5 jaitan, padahal si ade mah alit, mung 2,4 kilo, saur bidan teh cenah abdi henteu nurut ka bidan, dipiwarang ulah waka ngeden malah ngeden wae, atuh da teu kiat nahanna.

Tabuh setengah 7 enjing-enjing, Ibu sareng Bapa nembe sumping, da di wartosan ku si aa nembe tabuh 3 subuh, sareng deuih tebih ti Cimahi teu aya kendaraan, mung duaan weh Ibu sareng Bapa (maklum putra Ibu sareng Bapa teh mung dua, pun rayi teu aya di bumi deuih da nge-kost). Harita teh abdi tos beres, tos diacukkan, duh meni asa sedih teh...sawewengi nyebat-nyebat nami Ibu teras, da hoyongna mah babar teh aya Ibu. Ibu sareng Bapa ge di bumi teu tariasa kulem, sawewengi teh sholat weh sareng ngadu’a da inget wae saurna ka abdi.

Akhirna...alhamdulillah sadayana lancar, ayeuna abdi tos gaduh ade nu lucu hehehe, sugan teh abdi moal tiasa babar da bakat ku sieun tea. Tapi kodrat seorang wanita, bagaimanapun harus dijalani. Ternyata perjuangan Ibu teh tiada duanya....karaos ku abdi, hampura Ibu, abdi teh seueur dosa ka Ibu...

Anya
http://www.ibusayangade.blogspot.com

Perpisahan Plus Kopdar WIlayah Amerika

2006-04-13T20:10:00.000-07:00

Rina, Lia, Juju, Teh Willa

Dongeng Juju

Kapingi 12 Maret 2006 nu kapengker ,abdi sareng kulawargi inisiatif ngayakeun acara perpisahan, "Farewel Party" tea panginten bahasa urang dieu mah,ieu acara teh kangge salah sahiji kulawargi anu tos dianggap rai nyalira, namina Wahyu, Honi sareng putrana Rifabyan.

Saleresna acara ieu teh inisiatif abdi, ibu Rina sareng ibu Tika, aranjeuna mah ( Wahyu sakulawargi ) teu apaleun abdi ngayakeun ieu acara teh, kunaon atuh abdi tiluan teh bet gaduh inisiatif kitu? muhun ieu teh kumargi aranjeuna katelah bageur sok tutulung kanu butuh, mantuan nu nembe ngalih ka Coonecticut. Pokona mah sae manah katut bageur!

Alhamdulillah anu sarumping teh meni seueur pisan, diantarana aya teh Wila anu tebih-tebih ge dijugjug, anggang diteang , bakat teuing ku cinta ka abdi, nuhun teh Wila, kitu deui nyi Lia, meni bungah hate teh , nuhun pisan meni asa gaduh dulur,

Ninggali antusiasna anu sarumping, nyempet-nyempetkeun sumping ,ngantunkeun rutinitas, ngajantenkeun sim kuring ngelenyepan , ngalenyepan harti melak budi, manjangkeun silaturahmi, hampang tanaga, kanu butuh komo deui, gening bakal malik langkung nyaraaheun kanu melakna. Hmm...pelajaran anu berharga pisan kangge urang sadayana oge nya....mugia kasaeanna tiasa nular ka urang sadayana "

Ditengah acara perpisahan ieu teh , aya nu ngabungahkeun hate pisan ,kasumpingan ku teh Willa sareng neng Lia...janten we sakantenan KopDar WSAB.... nuhun nya teh Willa sareng Neng Lia....

Dongeng ti teh Teh Willa :

Teh Willa nyempetkeun ka bumi Juju sareng Rina, angkat ti Salem teh tabuh 10 enjing-enjing da saurna perjalanan ka Connecticut teh 3 jam dugi ka bumi Juju. Sanaos 3 jam ge dijugjug we da bakatku hoyong tepang. Jauh dijugjug anggang diteang teh sanes mung paribasa wungkul.

Dongkap ka bumi Juju tabuh hiji siang. Tos seueur tamu nu seuseueurna mah teu karenal,mung Lia nu kenal teh, eh tapi aya nu ujug-ujug ngarangkul asa tos kenal lami pisan padahal mah tepang ge nembean......geningan neng Rina eta teh wargi urang sadaya di WSAB..hmm Alhamdulillah...,saleresna mah teteh teh diulem saurna aya acara perpisahan orang Indonesia anu bade mulih ka saterasna ka tanah air.

Katuangan mani luyuh-layah,aya sangu koneng,ah sagalarupi we bakat ku seueur teh Willa hilap,aya baso buatan Rina, sate hayam damelan Juju,es buah campur,rujak cuka...eeemmh mani asa nuju kempelan di Indonesia.

Tabuh tujuh wengi, Teh Willa mah pamitan wangsul margi tebih perjalanan teh pan tilu jam,sakantenan ngajajapkeun heula Lia ka Amherst sareng Rai putrana.

Eeh nembe ge jalan satengah jam ban teh kakuping gugurudugan kempes,atuh liren di sisi jalan mana poek mongkleng..tos dikumaha-kumahakeun ge angger we teu tiasa dikumaha-kumahakeun,dugi ka satengah jam langkung...nyerah?

Eeh pok teh saur Lia ,

" teh telepon we kang Atis carogena Teh Juju pan ahli mesin"

aaah isin-isin oge teh Willa teh nelepon kang
Atis nyuhunkeun bantosan...teu lami Kang Atis dkk sumping. Eh ku ahlina mah sakali ge ban teh tiasa digentos,nya tabuh salapan wengi teh nembe rengse,nya abdi sareng
rombongan neraskeun perjalanan ka Amherst, dugi ka bumi neng Lia teh tabuh sawelas wengi diterasekeun ka rorompok , alhamdulilah tabuh 1:30 abdi sareng caroge dugi ka Salem.

Sanaos carape ge tapi hate teh meni bungah pisan teh , leres pisan, WSAB teh manjangkeun tali duduluran ...teu ukur basa..hatur nuhun ka Lia, Rina sareng Juju ....mugia urang sadayana tiasa patepang deui...

Haus

2006-04-03T07:28:00.000-07:00

Ieu teh carita pun biang waktos nuju alit. Harita poe teh meni panas moncerang. Matahari meni caang bengras. Kesang jeng haus teu kira-kira.

Kaayaan hirup nu sederhana, teu gaduh artos kanggo jajan, teu tiasa jajan ka tukang es nu tos ngajalajar sareng ngaantosan barudak anu bubaran sakola.

Sakola bubar, gancang beberes buku. Lempang ge meni gancang, kulantaran teu kiat hoyong eueut di bumi. Babaturan ngageroan ge teu diwaro.

Dongkap ka bumi, meni sarepi. Ningali di meja aya gelas, jaman baheula mah gelas teh geuning meni kandel siga kaca nako, bagean handapna katingali baseuh ku sirop beureum, luak lieuk teu aya sasaha. Langsung eta gelas, di lamotan heula handapna.

Salamot dua lamot ngagorowok :
Paittttttttttttttt naha ieu sirop teh pait.

Jol, ema ti dapur, reuwas teu kira-kira aya naon. Buru-buru ditingali.
Apekteh..Obat beureum bahe!

Moral carita :
- kanggo ibu2 anu gaduh putra alit, kedah ati2 nyimpen obat-obatan tong
nu tiasa kahontal ku barudak
-upami haus pisan tong hilap luak lieuk heula ka sekitar gelas, pun biang teu ningali yen di sebelah gelas teh aya obat beureum tiguling hihihi.

-Echie-
http://www.keluargaabahambu.blogspot.com/

Pangalaman pindahan

2006-03-19T22:21:00.000-08:00

Taun 2004 abdi sarimbit aya maksad ngalih ka Makassar. Salami ieu abdi dumuk di Jakarta. Kunaon kedah ngalih ka Makassar, margi tos salama dua satengah taun abdi kedah hirup di dua dapur, caroge di Makassar sedeng abdi sareng pun anak (Kakang) di Jakarta. Ari satadina mah caroge mung sakedap tugas di Makassarna teh, katambih-tambih kagok deuih ari bade langsung ngalih ka Makassar jalaran pun anak nembe lebet sakola dasar kelas hiji. Antukna, abdi sareng pun anak ngapelan caroge unggal tilu sasih sakali (cobi emut, abot pisan nete kahirupan sapertos kitu teh nya ibu-ibu nu gareulis).

Kumargi caroge tos dua satengah taun di Makassar, aya maksad abdi sareng pun anak nyusul, palingna oge saatosna pun anak naek ka kelas tilu. Namung caroge malih dialihtugaskeun deui ka Surabaya. Tah ti dinya muasal carita abdi janten ngalih ka Surabaya, padahal harita kedah nyiapkeun mental Kakang sareng abdi nyalira ka Makasar mung gaduh waktos dua minggu ti jadwal awal ka Makassar. Memang, harita rada shock oge (namung kitu tah resiko gaduh caroge wartawan, kedah siap ngalih kamana wae, iraha wae—sapertos iklan coca-cola nya!)

Ping 10 Juli 2004 abdi ngalih ka kota Buaya ieu, (padahal abdi lebet damel ping 16 Juli 2004) emutan teh meh tiasa ngalalanyahan tempat enggal sareng ningali kaayaan kanggo pun anak sakola oge (malah si Kasep lebet sakola ping 21 Juli 2004, harita lebet taun ajaran enggal kelas tilu SD).

Nu karaos ku abdi, nyiapkeun mental Kakang sareng lingkungan enggal rada sesah oge, kumargi adab-biadabna rada benten (cenah di sakola guruna garalak, padahal mah pedah intonasina rada beladag-beledug sapertos merecon, pedah nganggo basa jawa gaya surabayaan, hiiiiii… benten jeung waktos di Jakarta, eh Tangerang ketang ari Bintaro mah). Nya tos janten tugas abdi nu kedah pinuh ku kasabaran, katambih caroge rada stres oge ngalih ka Surabaya teh jalaran tos ngaraos betah dumuk di Makassar anu lalu lintas na teu semraut, kaetang tenang, kamana-mana enggal sinareng lancar. Atuh tugas abdi nambihan keda kedah nyadarkeun (naha pingsan kitu??) bapana pun anak anu kedah tiasa mayunan kondisi ayeuna di Surabaya, anu tangtos benten sareng Makassar.

Alhamdulillah ari abdi gaduh prinsip “gampangan”, hartosna hirup dimana wae mangga teh teuing nu penting masih aya keneh di kolong langit, janten mun ceuk basa gaul tea mah “enjoy aja” waelah! “No problem”, cenah mah, janten teu aya masalah kanggo abdi nyalira, abdi ngaraos enjoy .

Tangtos abot kanggo abdi nu kedah masihan caroge kajelasan yen hirup di Surabaya teu kedah janten stres, ongkohna mah kedah tiasa ngondisikeun Kakang . Harita bapana si Kakang leres-leres ngaraos teu betah di Surabaya malah cenah mending uih wae ka Jakarta sakalian macet tapi nya lumayan disiplin nyupirna dibanding di dieu, nu aduuh amburadul, saradak suruduk……. matak jadi stres lamun diemutkeun mah, teu acan persoalan Kakang anu rada sesah oge mayunan lingkungan di sakola, nya bahasa rerencangana oge gaya pitutur guruna……(ya Rabb mugi abdi di pasihan kakiatan sareng teguh mayunan sadayana)

Sakali waktos akhirna abdi nyarios ka caroge kumargi tos teu kiat ieu hate lantaran anjeunna sering ngarahuh, anu tangtos bakal mangaruhan oge ka mental si Kakang (janten teu betah oge)… aya laguna kondisi ieu….

Tantri juga manusia…punya rasa punya hati
Jangan samakan dengan hati yang beku…(es panginten nya!)

“Aa… punten ulah ngeluh soal kamacetan sareng kaayaan di kota Surabaya(di bandingkeun sareng kota Makassar), ulah nyarios teu betah kumargi bakal mangaruhan mental si Kakang, please deh……!” saur abdi . Ari dicariosan kitu teh, si Aa (kitu biasa abde nyebat caroge), malih jamedud siga nu teu malire kana kasauran. Namung lami-lami mah si Aa oge rupina juga manusia, punya rasa punya hati seperti abdi hahaha… Ari ku sering jalan-jalan, mios tiluan ka puseur dayeuh, ka café, nya lami-lami mah teu aya masalah deui. Si Kakang oge tos tiasa nampi kana kaayaan lingkungan, katambih-tambih ayeuna mah tos gaduh rerencangan, bahkan unggal dinten minggu atanapi sabtu rerencanganana ngadon arameng di rorompok.

Tah kitu pangalaman sim kuring waktos enggalan ngalih ka Kota Surabaya , kedah nyiapkeun mental anu teteg kanggo si Aa, utamina Kakang pangpangna mah paralun ulah ningalikeun kateubetahan payuneun budak (tapi teu ningalikeun oge da aya pangaruh ku tingkah laku sadidinten, tah abot geuning tanggung waler nu jadi istri palawargi………..)

Cag, ach……

Mesir Nagara Piramid

2006-03-09T12:05:00.000-08:00

Ngobrolkeun ngeunaan pelesiran, sigana Mesir janten tambih pinuh dina liburan summer atanapi musim panas. Di Cairo jalan-jalan macet dugi ka tengah wengi, Kleub-kleub olahraga pinuh ku kulawarga anu palaputrana latihan atanapi kulawarga nu nyandang murangkalih alit kanggo ngojay.

Kantenan kafe-kafe sabudeureun Walungan Nil

(ah aneh...hihi, Sungai Nil we nya)

Sungai Nil oge pinuh ku turis nu biasana ti nagara-nagara teluk. Duka kunaon tah, turis2 ti nagara teluk teh meni ku resep pelesiran ka Cairo.

Sungai Nil di Cairo

Benten sareng daerah Laut Kaler (North Beach). Basisir beh kaler Mesir justru pinuh ku turis lokal, nu sabagian ageungna mah nya warga Cairo (kausir panginten nya ku turis asing hehe). Pinuhna teh meni ku leres-leres pinuh dugi ka asa hese usik siga sarden dina lebet kaleng kitu lah *mangga wilujeng ngabayangkeun*. Tapi Daerah basisir kaler ieu teh bakal kosong pisan pami ngawitan lebet musim winter (musim tiris), siga kota teu aya jalmian alias kota maot (ah aneh deui wae...kota mati we atuh jengjreng hihi). Margina pami winter karaosna memang tiris pisan, angin lautna nga-es, asa es ...freezing tea lah kitu.

Pantai di North Coast

Daerah tujuan wisata sanes waktos summer nyaeta, kota-kota di sisi laut beureum mmhh Laut Merah saderek..., siga Hurgada, Ein El-Sokhna, Sharm El-Shiekh, eta teh nami-nami kota, sedengkeun kota nu terakhir disebat ayana saatos Terusan Suez di semenanjung Sinai.

(saha nu emut cung!...ieu pelajaran sejarah SMA tah). Tah ieu kota nu kamari aya ledakan bomna teh.

Tah upami di Sharm, seuseurna turis teh ti itali, janten di hotel-hotel atanapi di pertokoan, jalmi-jalmina tariasa basa itali. Kota di daerah sisi Laut Merah ieu mah cenderung konstan karameanna, summer memang langkung rame, tapi pami winter oge teu janten simpe. Ku alatan hawa di daerah ieu mah teu patos tebih antawis summer atanapi winterna. Winter sakitar 23-28, summer teu tebih mung sakira 26-30 derajat Sedengkeun daerah North Beach sareng Cairo mah pami winter temperatur tiasa antawis 2-10 derajat celcius, Summerna 32-41 derajat wuiihhh panas pisaaaannn.

Foto2 Laut Merah
Kenca luhur: Pantai di Sharm El-Shiekh
Katuhu luhur: Pamandangan Lebet Laut di Hurgada
Handap: Tempat ameng di Pantai El-Ain El-Sokhna

Pami ngobrolkeun daerah wisata di Mesir, teu apdol pami teu ngobrolkeun

Pyramid sareng sphinx (duanana ngetop pisan, mung aya di Mesir wungkul)

Sphink anu irungna coplok gara2 perang dunia, sanes gara ditincak ku Obelix nya..hihihi

Pyramid dan Sphinx di Giza

Tapi pami bade kadinya langkung sae tong nuju summer, wuihhhhh wahhh aduuhhh panas pisaannnn eta panonpoe ge meni molotot kitu, margi pas lebet ka pyramid urang teh kedah naek tangga nu asa teu beres beres hehe.

Sabalikna sareng tempat wisata di Luxor & Aswan, nyaeta tempat kuil-kuil kuno, tah pami kadinya tong pas winter, sangem pun lanceuk (abdi ge teu acan kantos kadinya huaaaaa:((), di lebet kuil-kuilna eta tirisss kacida, kedah nganggo acuk nu rangkepan sagala soalna dingding kuilna tina pualam (granit pinten nya pami teu lepat mah).

Kiri: Kuil-2 di Luxor pd malam hari
Kanan: Sungai Nil di Aswan

Nya sakitu wae saalit inpo ngeunaan Mesir, tempat wisata sareng cuacana. Gambaran ngeunaan padang pasir panas dugi ka janten patamorgana (siga disalah sahiji carita Tintin hehe) teu kitu-kitu teuing da, aya waktos dimana hawa nu tiis pisan, aya waktos dimana cuacana raos kanggo jalan2 (sakitar April-Mei atanapi Sept-Okt)

Sok nu bade nganjang ka Mesir, mangga....(eh siga nu kagungan abdi wae hehe). Tong hilap ngontak abdi nya!

Ria wakil Benua Afrika (Mesir teh Afrika gitu loch :D)

*foto2 ti Mbah Google

WSAB di Femina!

2006-03-03T23:21:00.000-08:00

Bungah hate teu eureun-eureun, WSAB kasebat oge di artikel Majalah Femina minggon liwat halaman 42, nu ngabahas Blogging. Ieu selengkapna...

Blog tidak hanya menjadi ajang pamer, tapi bisa menjadi sarana mengembangkan jejaring. Seperti yang dikatakan Enda, "lewat blog bisa terbentuk komunitas tersendiri. Satu blog bisa dihubungkan dengan blog lain sehingga mengembangkan jaring pertemanan".

Salah satu contoh adalah blog Wanita Sunda Antar Bangsa (kedahna Benua nya, tapi teu nanaon, tos kasebat hihihi) wsab.blogspot.com). Siapa mengira blog yang menggunakan bahasa Sunda totok ini domisili anggotanya tersebar di lima benua. Misalnya salah satu posting-an berikut:

Teteleponan jepang vs jerman. Hoyong babagi yeuhhhhh, carita kanggo poe iyeu. Aya pesen YM ti Icha di Japan (Telepon antara Jepang-Jerman. Ingin berbagi nih, cerita untuk hari ini.Ada pesan di Yahoo Messenger dari Icha di Jepang). Tentunya, kalangan mereka saya yang tahu apa arti postingan tersebut. Blog ini memang ditujukan sebagai tempat komunikasi dan silahturahmi antarwarganya. Di antara cerita-cerita berbagi pengalaman selama di luar negeri, juga ada catatan resep-resep masakan khas sunda, seperti combro dan cireng

Wawwwww, mudah mudahan jadi sarumanget ibu ibu gadis gadis gareulis kanggo kirim postingan (anggeur pesan sponsor hihihi)

Nuhun pisan kanggo Teh Esti anu atos nyeken Femina-na upami bade ningali lebih jelas, diklik weh ramo (thumbnail :D) na

Konprensi Akbar Eropa

2006-02-26T18:38:00.000-08:00

Inta:
Dinten Jumaah enjing enjing, masih teu acan aya kepastian ti Ophi, janten henteuna para kontingen kopdar WSAB ranting Eropah teh. Dugi ka kemis wengi, statusna masih sami nyaeta :

" Urang ngadua we teh, meh janten kopdarna, rencana bade tabuh 12an ti Koln, dugi ka Dortelweil tabuh 4 an ".

Duh kumaha ieu? abdi sebagai nyonya rumah pan kedah nyayogikeun susuguh. Kedah iraha abdi ngawitan nyiapkeun susuguhna? Pami ngantosan berita kepastian heula, sieun teu kabedag. Pami bade ngawitan disiapkeun, sieun teu janten kadarieuna.
Tuntungna mah bari Bismillah, abdi ngawitan we nyiapkeun sagala susuguh.
Pami janten sarumping ya Alhamdulilah, pami teu janten nya bade dituang ku
nyalira we, mabok maboklah ku soto sapanci ageung hehehe.

Kahoyong teh nyayogikeun susuguh nu "Sunda banget gitu loh". Hmmm diemut emut nyuguhan naon nya?. Tungtungna ieu tah menuna..

Soto Bandung dipilih janten menu utama, ketan bakar
bumbu oncom sebagai menu pendamping, Asinan Bogor sebagai nu sesegerna,
ditambih "sesuatu" sebagai "kejutan" kangge para peserta kopdar.

Ngawitan teh ngaracik bumbu Asinan, mersihan sareng motongan Sawi Asin,Bonteng,toge sareng Ganas. Tos rengse Asinan diracik, teras majeng kana raracik pi soto-eun. Soto beres, ayeuna kantun ngeueum beas ketan kanggo Ketan Bakar. Sambel oncom kaleresan gaduh keneh di freezzer. Tos beres sadaya, Dug we abdi bobo. Sabtu subuh subuh (eh tabuh 6 subuh keneh pan nya?) aya Offline message di YM, eusina kieu

Nyi Ophi: teh kalo ngga jam 4 kita nyampenya jam 5 yah hihihii
Nyi Ophi: ada bonus 1, si kasep ngiring hehehehe
Nyi Ophi: *Icon malu malu Kucing*
Abdi: kasep numana??
Abdi: ngke sms nya kamu brangkatna jam braha
Nyi Ophi: iyah teh
Nyi Ophi: kasep sayah hehehehe
Nyi Ophi: berhasil membujuk soalnya pan plgnya malam pisan
Nyi Ophi: kudu aya lalaki
nyi Ophi: hihihi
Abdi: hebaaaaatttt *bari keprok, bari tatanya dina jero hate, jurus naon nu
dianggo ku Ophi dugi ka MB-na teh janten ngiring?*

Enjing enjing abdi, punlanceuk, punanak, sareng pun alo angkat heula jalan jalan
jalan. Dinten eta teh cuaca teh asa teu pararuguh, meusmeus panas, meumeus mendung. Rada hariweuweus oge kumaha pami hujan??? Ah wae ketang hujan mah da diluar, bumi abdi mah Insya Allah moal bocor hehehe. Tabuh 12.24 aya SMS ti Nyi Ophi eusina kieu:

Ummi kt brangkat jam 12.22 nyampe jam 16.01, nantikan kedatangan kamih hihihi.

Alhamdulilah...Insya Allah jadi oge euy kopdar teh.... cihuuuuyyy

Kasontenakeun hujan miripis di kampung abdi. Ayah nawisan "Mi ntar kita jemput aja temen2 kamu teh. Kursi Irsyad dicopot dulu, Irsyad tunggu dirumah aja sama Dita, atau kalau mau ikut ya dipangku aja sementara kan deket ini".Okeeyyy...nuhun Ayah....
Sing horeng pas prakna mah Irsyad asik ameng sareng Ayahna, janten Abdi sareng Dita we mapah ngajemput rombongan tagoni eh rombongan peserta konprensi :D

Dugi ka Stasiun, tepang we para peserta konferensi WSAB teh, nu ngawitana sok tepang di "dunia Maya" ayeuna mah tepang secara "live". Duh Bungah pisan. Langsung cupiki cupika. Langsung recet :P Komentar Ophi:

"Ih si teteh geuningan leutik, ribut2 hayang diet teh sugan teh gede galabak pek teh leutik kieu"

Halah si Ophi sigana lapar pisan tah dugi ka socana rada rabun hehehe atuda maenya abdi galabag kieu disebat leutik :-( Nyi Intan mah seura seuri we, sigana reuwas tah ningali saya saingan bawelna sareng Ophi heuheuheu.

Sabot rarecet teh para wanita sunda, dipengkereun aya nu Kasep nuju seura
seuri imut. Eta teh MB-na Ophi. Seserengehan panginten ngabatin kieu nya

"hmmm penderitaan saya sudah dimulai"

hehehehe Dasarnya ari mantan fotomodel mah, di stasiun keneh urang teh difoto heula, teu paduli hujan teu paduli batur nu molongo teu ngartieun obrolan urang hihihi. Saha deui nu motret, tangtos MB atuh. Nuhunnya MB.

Teras mapah we urang sadaya menuju Pondok Dortelweil Indah. Ari mapah teh, Abdi sareng Dita, teras Intan sareng Ophi dipengkereun Abdi, teras MB dipangpengkerna (Asa ngangon pangintennya MB teh? heuheuheu). Bari ngobrol kaditu kadieu, bari tungtungna kakara sadar mun Urang teh meni siga PGII pisan, Petruk Gareng Iring iringan :D.

Ophi

Enjing2 abdi atos sumanget pisan, soalna tos aya kabar ti Intan, tiasa Sabtu ieu ka Kopdar WSAB. Saatosna ngedalkeun sagala jurus rayuan, akhirna abdi tiasa ngagandol MB hihihi. Angkat ti Bonn tabuh 10, tos siap babawaan nyandak buah (mangga teh basa sunda buah pan nya?) kanggo asinan.

MB tos siap sareng camilan kanggo di kareta, saya ngadamel mie goreng weh kanggo emam. Singkat carita tabuh 12.22, tos tepang sareng Intan di Stasiun. Perjalanan 3 jam teu karaos dan seep ku ngobrol sareng kulem hihihi.

Sampai Friedberg, Intan naros Ophi ..

kaambeu bau2 naon teu? Ceuk saya teh alah Intaann, tos kacium eta soto bandung hihihi.

Dugi ka Dortelweil disambut ku hujan. Teu lami, dongkap teh Inta sareng alo-na , aduhh asa anehhhh tepang live kieu...hihihi. Ningali teh Inta asa tos lami kenalna, pdhl nembe pok didieunya. Ti dinya urang mapah ka bumi teh Inta, ngobrol bari gogorowokan da teh Inta di payun teras kadua abdi sama Intan, katilu MB di pengker. Teh Inta teh pas di jalan, ujug ujug meper ka pipir sugan teh tos dugi, atuh urang sadaya ngiring mipir oge . Teh Inta ngagorowok..

ehhh naha pipilueun hihihi. Apekteh maksud teh Inta meh ngajajar jadi ngobrolna enak..hahahhaha.

Alhamdulillah, akhirna dugi ka bumi teh Inta setelah melewati lima bukit dan lima sungai ..(hiperbola hihihi). Asikkk......

Intan
Enjing2 tepang jeung profesor2 heula.. duh abdi teh geus males pisan 'sabtu gitu lohh' sebenerna ieu teh kirang komunikasi, abdi pan ngunjungi prof S di Koln sareng hoyong tepang prof A ti Aachen.

S ngaayakeun gathering di kantorna sabtu2, S teu terang yen abdi teh tos tepang sareng A poe sateuacana dugi ka wengi. A tos hayang uih ka bumina, abdi ge tos ateul hoyong ka Dortelweil. Janten baraued we eta duaan teh abdi sareng profesor A nu aya..

Tabuh 11.35 akhirna A nyarios yen anjeunna bade angkat ka Aachen ayeuna. S ngajakan makan siang heula, tapi A hayang uih wae… Abdi langsung sorak dina jero hate..

Euleuh janten oge ka Dortelweil teh!

Tabuh 12-an nepi ka stasiun, langsung nelpon Ophi

*Ophi kamu dimana? Saya udah di stasiun*

Wahh langsung eta mah Ophi jeung MB lumpat gancang ti Neuemarkt da tinggal 7 menit deui dugi ka karetana angkat…

Alhamdulillah kakejar oge ... abdi langsung reuwas ningali perbekalanna Ophi..lengkap pisan geuning.. beh akrab sa-tupperware tiluan emam mie goreng hihihi

Carita perjalanana sareng carita ka pondok dortelweil indah mah kirang leuwih sami jeung caritana Ophi..

Nambihan saeutik, nuju di stasiun (duh naonnya namina? Giessen tan -op hihihi red) aya nu siga urang indonesia tapi siga india oge. Ceuk Ophi teh sanes ah, india ieu mah… Ari MB ngadangukeun aranjeuna nyarios..

lahh itu mah bukan indonesia lagi.. jawa ! ceuk MB teh.. naha kitu ? da nyarios (dengan medoknya) gleiss (jalur) piro ? lol

MB sigana atoh aya baladna hihihi.

Sampai Dortelweil disambut hujan rintik2… sarasa di Bogor euy, aya hujan panon ceuk abdi teh.. eh naha hujan poyan jadi hujan panon hihihi..sieun atuh hujan panon mah..

Kompleks perumahanna teh Inta oge sarasa di Taman Jasmine di Bogor kitu.. apalagi dugi ka bumi tos aya Asinan adeuhhh Bogor pisaaaan, abdi asa di bumi nyalira. Teras ketan bakar oncom & soto bandung (nyeratna ge bari ngacay deui yeuh) duh nuhun pisan t'Inta *hugs*

Ophi, Inta, Intan

Saatos kumpul sadayana mulai weh eta konferensi teh, nyaeta emam hihihi. Sateuacana uplek heula didapur, mesekan mangga. Teras urang ngobrol2 sareng emam tangtuna hihihi meni receeeetttt

Mulai ti ketan bakar, asinan soto bandung. Irsyad meuni atoh seueur tamu, boh MB satreng MT tos ngobrol deui. MB sareng MT ngobrolna meni karaleum...anteng... rada benten sareng para wanita nu rada recet ;)

Nuju nekul2 emam, jol teh Inta nyarios, ieu aya kejutan kanggo ibu2 konprensi.Euhhh apekteh Kodasari maskot kopdar sebagai makanan kejutan nu ku Teh inta disebat diluhur.. abdi langsung terharu, bagja seung reuwas hihihihihi. Lagsung foto momen pertemuan kembali sareng kodasari huhuyyyyy . Ai Intan mah apekteh pertama kali da terang kodasari geuning pedes pisan saurna..tapi meuni raos.. sesah distop tos ceurik seuhah oge hihihi..

Tos beres emam, ngobrol2 deui. Irsyad meuni lucu sareng pinter, karesepna Thomas nu kareta api biru tea. Intan ngabaturan ameng di computer dugi ka Thomasna bobo *saurIrsyad ieu teh*
Ngobrol meuni ngalur ngidul gandeng seng recet, teu karaos waktu meuni nyerelek.

Inta

Waktos 3 jam teh meni asa hiber. Teu karaos Rombongan teh tos kedah siap2 mulih deui. Akibat salah maos jadwal kareta, janten rada gura giru da kedah ngudag kareta. Untung MT tiasa ngajajapkeun. Tapi panginten sanes milik rombongan mulih nganggo kareta nu angkat jam eta. Dugi ka stasiun kareta teh pas ngageuleuyeung..... hiks.... Tapi teu kenging lami lami kuciwana. sapertos judul pilem...

"Arini masih ada kereta yang akan lewat" rombongan masih tiasa nganggo kareta nu jam berikutna, tapiiii kedah ti Frankfurt angkatna.

Briiing atuh rombongan teh ka Frankfurt. taaahh geuning aya hikmah sanesna.... rombongan janten tiasa ningali frankfurt diwaktu wengi sanajan ngan sakedap tapi lumayan lah, mun saur urang sonoh mah Better than nothing alias tamba henteu kitu tah hehehehe. Wengi jam 1, rombongan ti Bonn tos dongkap di bumi. Abdi meuni haneut hate, tos kopdar ranting eropa. Mugia dipaparin panjang yuswa...panjang rizkina.... Insya Allah urang tepang deui sanes waktos.

Terakhir, ieu foto gaya nu gareulis sareng alona teh Inta : Dita.

Carita persi sanes seng foto2 sanes tiasa ditingali di Inta, Ophi sareng Intan

Kopdar Bandung

2006-02-20T09:15:00.000-08:00

Alim eleh sareng WSAB anu di Jakarta, WSAB Bandung oge ngayakeun Kopdar.

Asalna Irma, si ratu kopdar hihihi, wakil WSAB Jakarta, tapi tiasa oge mengkol ka Bandung da bade mudik ka Bandung, teras nelepon ka abdi. Jadi weh kopdardak alias kopdar dadakan. Teras weh kirim email ondangan dikirim ka milis.

ehmmmm.....
ibu2 bandung, atawa nu nuju di bdg
biasa nih dadakan tadi dpt sms ti irma, irma otw ka bdg trus kaidean kopdardak
:D. kumaha klo enjing sonten urang pependak di Kafe Halaman (jl Tamansari-pengkolan
siliwangi) tabuh 16 ?
Dinny, Ika, Yanti saha deui nu diBdg ?
Kabar2 yaah blh sms ka sy atawa ka irma
diantos pisan yaah

Saatosna kontak, nu tos nyanggeman : Yanti, Dinny, Ika, Molly sareng Irma.

Kafe Halaman teu janten da di teras teh sieun hujan, bisi kageulisanna luntur hihihi. Janten ngalih ka Kapulaga nu di Dago.

Ika tos pangpayuna sumping, apekteh eta Kapulaga ge tos tutup. Euleuh euleuh....Akhirna
ngalih we ka Potluck. Teras sumping hiji hiji nu sanesna.

Lain WSAB mun teu seuseurian sareng gandeng surandeng. Hihihi...Teras weh barakatak sadayana.

Aya nu ratu chatting? saha tah?
Aya nu nuju ngandeg, emam wae saha tah?
Aya nu langsing, siga gadis saha tah?
Aya nu kalem saha tah? hihihi
Aya nu nu kualat moyok tetehnya yg dpt orang jawa tauna soranganana dpt orang jawa
Aya oge nu pas ke palembang bebelaan emam 1 minggu di r.m sunda da teu cocok ma makanan palembang, eh tauna naha jodohna orang palembang, saha tahhh?

Sok ngaracuuunggg tah!. Ah resep pokona mah, asa tos kenal lami. Pokona nyangredkeun tali duduluran teh karaos pisan. Kopdar teu rame tanpa mejeng heula atuh ah...Tuhh gareulis nya??? swit wiwwww...

Kenca-Katuhu : Ika, Irma, Molly, Trixie (WSAB alit), Dinny sareng Yanti

Molly

Kaulinan Budak

2006-02-13T01:05:00.000-08:00

Nineung ka jaman budak, nineung kana suka seuri nu tara kendat, nineung kabebasan hate jeung pikiran...endah jaman budak ilang ku jaman, tapi moal ilang na ingetan. Ahhh...

Salah sahiji nu matak nineung nyeta rupa kaulinan nu kajamanan ku sim kuring di sisi lembur Pameungpeuk Garut, yu urang pedar, itung-itung ngubaran kasono sareng nuliskeun tapak geusan turunkeuneun ka barudak... heuheuh sugan...

Seueur rupana kaulinan nu sok dilakonan ku sim kuring jeung babaturan. Tapi samemeh ngamimitian kaulinan eta, sok dimimitian heula ku nu disebut Cingciripit , keur nangtukeun saha nu jadi ucing.

Cingciripit nyaeta; unggal budak nu rek miluan kaulinan teh kudu ngantelkeun curukna kana tapak leungeun budak sejen nu geus ditunjuk, bari sarerea nembang;

cingciripit tulang bajing kacapit
kacapit ku bulu pare
bulu pare raranggeuyan
kacapit ucing...

Dina kecap ucing, aturanna curuk2 kudu ngejat, sing saha nu katewak ku tapak leungeun tadi, bakal jadi ucing.

Tah ieu rupa kaulinan na

1. Babancakan atawa ucing sumput

Ucing kudu cicing dina hiji tanda nu geus ditangtukeun bari meungpeung ngitung nepi ka 10. Nu sejen lalumpatan nyumput. Si ucing kudu neangan pamaen lain bari ngajagaan tanda ulah nepi ka ditijek ku nu sejen. Lamun nu nyumput kapanggih ucing bakal nyebut Hong . Lamun pamaen lain nijek tanda, ngabongohan si ucing, kudu nyebut bancak.

2. Sorodot gaplok

Alat; kenteng laleutik jeung Bal Kasti (biasana palastik digulung2 terus ditalian)

Kenteng sababaraha siki disusun kaluhur, terus dibaledog ku bal kasti, waktu kenteng acak-acakan, pamaen lalumpatan ngajauhan, sedengkeun si ucing nyusun deui eta kenteng. Tah saterusna si Ucing ngupayakeun maledog pamaen lain ku bal kasti lamun keuna, pamaen tadi teu bisa maen deui. Si Ucing kudu maledogkeun deui balna ka pamaen2 sejen nepi ka beresna, bari ngajagaan si kenteng ulah nepi ka acak-acakan deui. Tah pamaen sejen bisa ngabongohan si ucing najong eta kenteng nepi ka acak-acakan deui, nu hartina si ucing bakal terus jadi ucing nu disebut dikere.

3. Engkle

Nyieun gambar husus dina taneuh mangrupa dua jajar pasagi opat atawa nu bentukna iimahan, aya nu disebut gunung, dimana dieta tempat pameun bisa ninceukeun dua sukuna. Di tempat lain mah acleng2an ku hiji suku (hopscotch mun basa inggris mah, mun dina basa indonesia naon nya?)
Engkle ieu, pamaenna dibagi 2 grup. Maenna dimimitian ku nunda kenteng dina tempat nu mimiti diliwatan (duh naon nya istilahna? hilap deui tuluuuungggg), tah terus tempat eta diajlengan.

4. Cacaburange

Nu jadi ucing, kudu tapak deku (sujud) tonggongna dipake tempat ku pamaen sejen keur ngalaksanakeun kaulinanna. Carana, batu leutik dikurilingkeun bari nembang, laguna kieu

caca burange burange tali gobang,
gobang pancarange anak gajah tulalean
Jing gojing lewe lewe
jing gojing lewe lewe

Tah pas dina kecap lewe lewe batu geus aya dina keupeulan salah sahiji pamaen. Si ucing kudu neguh dimana ayana eta batu. Lamun kateguh berarti nu nyepeng batu jadi ucing, lamun teu kateguh si ucing tetep jadi ucing.

5. Pangpring

Pamaen ngajajar bari nangunjar. Terus ngalagu, bari masing2 suku pamaen ditepakan giliran. Ieu tembangna;

Pangpring pangpring sabulu bulu gading
gadingna semu peurah tikukur diadu
semplak gadona dikurungan ku si kica
si kica gede hutangna
dugel mintel hiji...

Suku nu katepak pas dina kecap mintel hiji, kudu mintel...terus kitu nepi ka kabeh suku nu ditepakan mintel...

Eta diantarana kaulinan sim kuring jaman budak...teu kakumpulkeun sadayana dina implengan teh ning. Nuhun saupami saderek tiasa nambihan. Biasana masing2 daerah di taneuh sunda ngabogaan rupa kaulinan nu mirip, ngan sesebutan jeung tembangna nu beda.

Hapunten *abdi nganggo kecap basa loma sanes jenis basa lemes (sono atuh da hihi)

*Lia, nu pernah jadi mojang leutik di sisi basisir laut kidul :)*

Tetelephonan Jepang vs Jerman

2006-02-07T01:30:00.000-08:00

Hoyong babagi ieu yeuhhhh carita kanggo poe ieu.
Aya pesen di YM ti Icha di Japan

ica dimyati (07.02.2006 09:32:03): t Ophi
ica dimyati (07.02.2006 09:32:27): pami onlen abdi bagi no tlp t ophi nya tlp rumah aya teu? heheh bade nyobian software baru eyuh
ica dimyati (07.02.2006 09:32:41): yg bisa tlp ke luar negeri k 36 negara gratis
Ophi (07.02.2006 10:09:58): ica eta voip buster sanes?
Ophi (07.02.2006 10:10:06): ieu ca cobian telp kantor weh
Ophi (07.02.2006 10:10:17): 004922873****

Tos weh eta tilipun teh kring kringan..ku sabab nu pangcakeutna Stefan, janten anjeunna nu ngangkat

Stefan siga nu bingung, abdi langsung ngacung, für mich für mich..hihihihi..kanggo abdi kanggo abdi..

Terus diangkat weh...eh apekteh Ica nuju seuserian oge, huahahaha ternyata percakapannya kieu :

S : S L (nyebat nama lengkap) Guten Tag?
I : Ophi D imasuka? (Ophi D ada?)
S : Err...Can I Help you?

Ophi & Ica

Logo WSAB

2006-01-31T05:18:00.000-08:00

Para wargi sadaya, sinareng hate nu pinuh ku kabungah jeung kareueus, urang tepangkeun Logo WSAB :surak, heot sareng keprok teu eureun-eureun:

WANITA SUNDA
Sundana ditarjamahkeun kana motip batik cirebonan gambar kembang anu tos dimodipikasi meh janten peminin.

ANTAR BENUA
Seratan WSAB anu nyambung ti luar ka lebet bola dunia, hartosna wanita ti parahyangan anu tos nyebar dimana-mana, boh di luar atawa di jero nagara, tapi tetep dihijikeun dina wadah WSAB, mangrupa

Tempat riung mungpulung, nyangreudkeun tali duduluran, jeung ngabewarakeun kamaslahatan...

Warna hejo nyirikeun kasuburan alam parahyangan, hejo ngemploh, seger, tur endah

Hurup S anu nyeni nawiskeun yen urang sunda teh resep kana kasenian,sarupaning nembang, jaipong jeung sajabana.

Logo teh damelan Kang Jejen (ehh naha sanes wanita), ngagambarkeun yen wanita sunda teh kedah oge wawuh jeung akur sarta gawe babarengan, teu saukur jeung sami wanita tapi oge ka pameget nu oge ciptaan Tuhan YME (nyambung teu nya?nyambung lah, hihi)

Nuhun nya Kang Jejen!...Oge ka si bos na. Saha tah?
Khusus kanggo anggota WSAB, mangga upami bade masang ieu logo di blogna. Hayu urang mumule wadah duduluran urang ieu ku kasaean.Piisss Ah.

Hidup WSAB

Admins

Code kanggo logo, kantun di copy teras dipasang di blog sewang2, bilih bade ieu ge.. ih meni geer, heuheue:

<a href="http://wsab.blogspot.com" alt="Nganjang ka WSAB"><img src="http://i9.photobucket.com/albums/a79/opnurwicaksono/WSAB1.jpg"</a>

Kopdar WSAB Amerika Wetan

2006-01-22T06:11:00.000-08:00

Dikawitan kenal di milis WSAB, dilajeungkeun kana chatting di YM, nelepon, akrob, akhirna kaluar kecap "urang sili anjangan yu?". Lia, Rina, Juju, pituin urang sunda nu ku sabab jalan hirup ngumbara di Amerika nuturkeun bujur salaki. Nu 3-an teh tumetep di pelebah wetan-na Amerika. Mung Benten nagara bagian, tapi sanaos kitu, ku alatan hoyongna tepang, dilakonan Bae, mung 1,5 jam nganggo mobil, pami kana beus mah 4 jam, kareta 3,5 jam hehe.

Margi abdi (Lia di Amherst, Massachusetts) teu kagungan kandaraan nyalira, ku kahadean neng Rina, anjeuna nyangeuman nganjang ti payun ka rorompok. Harita ping 29 Desember 2005 dinten kemis. Ngawitan paamprok raray ge meni asa parantos lamiiii pisan kenal...Alhamdulillah, sawengi di rorompok, teu disuguhan nu sae mung aya Lemper, pais lauk nu rada aneh teh *aneh da pami taya tamu mah langki ngadambel nu kitu teh hehe*.

Enjingna dilajeungkeun perjalanan ka West Haven Connecticut, padumukan T'Rina seng T'Juju. Langsung ka bumina T'Juju, harita tos disayogikeun Sate lontong tambih oporna...mhhh, nikmat pisan balakecrakan ngariung, barudak baceo alakrab sanajan aya 3 basa, basa sunda, indonesia jeung basa Amerika hehe. Alhamdulillah. Ti 3 kulawarga teh barudak aya 6. Abdi gaduh 2 budak pameget Rai-Raka, T'Rina hiji budak pameget Al Drika, T'Juju cikalna Istri, Fira. Ka-2 ka-3 Ibe sareng Rafi.

Wengi munggaran di West Haven, abdi sakulawarga, ngawengi di Bumina T'Juju. Nonton TV sasarengan, mondok payuneun TV sarera, ngunjal kasur ngabarak...Ya Alloh hawa lembur dibekel kadieu. Teu asa batur, teu asa deungeun, asa dulur teh enyaan. Alhamdulillah.

Ibuna ngalobrol. Barudak? aya nu ngasuh tuh!

Ku nikmat jadi semah, sagala disayogikeun jeung dipupujuhkeun, enyaan ngahesekaun nu boga imah teh heuheu...diajak ka sisi basisir laut Amerika euy...*ieu baladna Ratu Kidul ningali laut amerika, meni jigrah hehe sim uing tah*

Nu nyengir di Sisi Basisir

Wengi kadua kaleresan Wengi Taun Baru 2006, abdi sakulawarga giliran ngendong di T'Rina, Aya Baso, Aya combro, bolu kukus, aya tahu goreng, hayam goreng surundeng...jeung sajabana ti eta. T'Juju sakulawargi sumping oge katambih kulawarga indonesa lianna. Nonton TV, ngobrol bari ngaleueut dugi ka ditiupna tarompet tawis taun 2006 nyumpingan....aya du'a, harepan jeung kabagjaan ku riung mungpulung sarerea ngangreudkeun tali duduluran. Hidup WSAB....:)

Dinten Minggon, abdi wangsul deui ka Amherst tadina bade naek beus tapi T'Juju sareng K'Atis (Carogena) hoyong ngajajapkeun nya alhamdulillah dijajap dugi ka rorompok. Mobil anjeuna nu kedahna kanggo 7 jalmi teh janten dianggo 9. Abdi ngalahun Rai, T'Juju ngalahun Rafi. Asa Ka ciamis naek elf hehe tah kasono lian kalandongan deui.

Kopdar danget Ieu 4 Dinten 3 Wengi. Kanggo urang lembur panginten teu aneh aya Combro, aya Sate jeung Baso...didieu mah nu kitu teh dipikasono. Harita mangrupa-rupa kanineung abdi ka lembur kalandongan. Aya nyi dulur, tiasa curhat jeung diupahan, dibeberah, seueur tuangeun raos. Barudak bungah margi sanajan di Amerika Aya nu tiasa disebut Ua, teteh, Aa...nu hartina lain ukur sesebutan tapi harti baraya.

Nuhun Ka WSAB nu tos ngadeukeutkeun hate, nyangreudkeun duduluran. Nuhun Ka T'Rina Sakulawargi & T'Juju Sakulawargi kana panampianna, nyugemakeun teh meni pisaaannn hehe. Alhamdulillah.

Pssttt Tong dibeja-beja; Sate Teh Juju yahuuuddd, sate Mas Madura ge eleh lah. Baso, Bolu kukus jeung Comro T'Rina mhhhhh Nikmeh... nampi orderan teu nya? hihi

*Lia

Ngadangu nyarios mama...

2006-01-16T07:17:00.000-08:00

Putra Abdi, Dzaki, atos bade dua taun, tapi teu acan tiasa nyarios. Saurna aya keterlambatan perkembangan saraf bicarana. Janten upami komunikasi, osok nganggo bahasana nyalira. Abdi sareng pun lanceuk mutuskeun, Dzaki bade di candak ka klinik terapi wicara supados ditangani serius.

Wargi-wargi aya oge nu maparin saran nu aneh-aneh misalna ngerok letahna nganggo emas, tabuh 12 siang dinten Jumat, emam letah manuk murai, ka jalma pinter (saha nya professoor?:D). Aya oge nu nyingisieunan Dzaki engke sesah lebet ka sakola da sakola paporit, alim narima murid anu sesah komunikasi.

Tapi abdi sareng pun lanceuk, bismillah weh lah, insha Allah terapi ieu cara anu cocok. Janten abdi nyandak Dzaki ka klinik Pela, klinik tumbuh kembang anak di Radio Dalam, rekomendasi ti RS Harapan Kita. Aya dokter sareng psikologna oge, Dzaki dites teras disarankeun ngiring Okupasi Terapi sareng Terapi Wicara 2x saminggu.
Sebenerna rada awis oge kanggo ukuran abdi mah biayana teh, tapi nu penting mah pun anak tiasa ditangani kalayan terarah sareng tuntas. Impenan teh Dzaki tiasa ngobrol sareng abdi oge pun lanceuk salaku sepuhna.

Rutin weh Dzaki diterapi, aya terapi kanggo ngalatih konsentrasi sareng ngajarkeun konsep barang, kelir jeung sasatoan. Teras terapi wicara sareng terapis nu benten. Awalna Dzaki resep anu seueur amengna tapi upami anu terapi wicara, rada rewel soalna Dzakina keuheul, lambeyna dicepeng-cepeng. Karunya ningalina osok nangis, tapi abdi kuatkeun weh, abdi teu ngiring aya di dinya meh manehna teu hoyong lumpat wae ka abdi.
Salah sahiji wejangan ti para terapis, nyaeta budak anu mengalami keterlambatan bicara, teu kenging ameng nyalira, kedah teras diajak ngobrol ku bapa ibuna.
Tos sakitar 2 bulan di terapi, Dzaki mulai tiasa konsentrasi, jeung deui meni sumanget bade terapi teh. Mamana osok dicuekin upami tos pendak sareng terapisna. Dzaki mulai tiasa nyarios

apa?,siapa?, ma..!, mbak..!, mam, gak!,

Ayeuna Dzaki tos tiasa nunjuk kepala, mata, hidung, gigi, perut, pipi, kaki dan tangan. Kadang2 tiasa oge dipiwarang nyandak sapatu atanapi buku (ieu mah bapa ibuna males nya? :D)

Teras nyarios jelas Mama, Papa, Kakak, Susu, Jatoh, kaki, mam, mimi, buka, dadah

Meuni asa bagja sareng plong hate ningalina, saur para terapis diditu, urang teu tiasa ngarepkeun perkembanganna kilat pisan, rata-rata barudak didinya anu gaduh masalah sami, telat perkembangan syaraf bicaranya, peryogi waktos dugi ka 2 tahun terapi nembe tiasa lancar nyariosna.

Tapi, Alhamdulillah, perkembangan Dzaki katingali pisan, terapisna sarae sarta tos pangalaman. Waktos nganterkeun Dzaki terapi, seueur oge barudak anu gaduh kakurangan siga Down Sindrom, Autis, ADD, jste (jeung sajabana ti eta). Janten emut sareng syukuran ka Gusti Allah kana sagala rijkina kanggo abdi sakulawarga. Sering abdi sedih ningali barudak eta , tapi ningali aranjeuna ameng, seuseurian, meuni katingali bungahna teh, dan Insha Allah sagala ge aya hikmahna nya.

Sakitu Carita abdi, mudah-mudahan aya hikmahna kanggo para wargi WSAB.

Ari Mila-Jakarta
-diterjemahkan admins-

Otokritik

2006-01-09T07:16:00.000-08:00

Hapunten ka neng Afi, kedahna ieu postingan midang lebaran kamari, janten lebaran idul adha, teu nanon nya hehehe...

Lebaran di luar nagri tangtos moal jiga lebaran di lembur sorangan. Sok seueur hal-hal anu pikanineungen nu teu tiasa dialaman ku urang lantaran di nagara si bule mah teu aya tradisi lebaran jiga di urang. Ngadangu takbiran wae meni hese, mun teu diusahakeun mah, komo dulag mah dimana teuing aya dulag.

Lebaran taun ayeuna di dieu, di suburb simkuring nu disebut St. Lucia (Brisbane, Australia) diayakeun ku Muslim Student Association nu anggotana nyaeta bangsa-bangsa ti Arab, Indonesia, malaysia, Brunei sareng sebagian orang-orang India+Pakistan.

Kumargi taun ayeuna lebaran na aya dua versi (Kemis atawa Juma'ah), nya urang Islam nu mayoritas asia langkung milih dinten Juma'ah, duka kumaha tah prosesna, abdi mah ngiringan wae.

Nu janten perhatosan abdi nyaeta, naha ngan di dieu hungkul kitu urang Islam teu tiasa ngahiji, sangkilang urang gaduh kulit sawarna, bahasa ampir sami, agama kitu deui, tapi naha nya? Jadi urang Malaysia, ngarariung jeung maranehna, urang Brunei kitu deui, komo urang Indonesia terkenal kamamana kudu bareng jeung dulurna, kurang wani mun rek sosoranganan teh. Tiasa disimpulkeun jiga kitu lantaran aya sababaraha urang Indonesia nu nyobian ancrub (mingle) kana obrolan urang-urang nagara tatangga. Singhoreng gening diajak ngobrol ku urang-urang ge gening respon ti maranehna teh tiis - tiis wae, katingalina teu aya niat hoyong nyambungkeun duduluran. Duka kunaon nya? Jadi timbul patarosan naha budaya urang teh bet kitu? Kadang-kadang sok anehnya mun pa amprok beungeut oge (sareng sasama urang asia), boro-boro nanya, seuri ge teu niat jiga na teh. Tapi mun urang pa amprok jeung bule, pasti mun aya kotak mata si bule teh seuri atawa nanya "Hi how a yah?", atawa mun di dieu mah khas na "Hi, Gday mate?" cenah. Sanes urang Asia teh dikenal ku karamah tamahanana, ku budaya katimuranana? Kumaha rerencangan wsab nu aya di saluruh dunya? Naha gaduh pangalaman nu sarupi?

Ngumpulkeun pangalaman-pangalaman nu kapungkur salami abdi ngumbara di nagara batur, diperhatikeun, disidik-sidik geuning bangsa urang teh salah sahiji tina unsur budaya na aya dina kamunduran contona dina soal interaksi sareng jalma (teu wawuh, utami na). Tapi tangtos wae seueur budaya-budaya urang ge nu sae nu pernah disebutkeun di posting-posting sateuacanna. Abdi ngabandingkeun hal-hal sepele nu teu kahaja kalaman ku nyalira dina raraga otokritik ka simkuring pribados. (Pencet tabel kanggo langkung jentre)

Mangga, rerencangan wsab sadaya, panginten tiasa diteraskeun pangalaman-pangalaman urang sadaya ngeunaan ieu perkara sareng urang emutan naon wae kakirangan urang salaku jalma nu ngagaduhan budaya supados kapayun urang tiasa gaduh generasi nu langkung sae tur ngartos kana adab, nu teu ngisinkeun pami diajak ngumbara ka nagara batur. Mudah-mudahan ngamanfaatkeun.

-Afi-

Masak oh masak

2006-01-02T01:13:00.000-08:00

Saleresna mah ieu teh bade ngadongeng tapi duka tiasa henteu ngadongeng ku bahasa sunda sabab sok pabaliut geuningan.

Ieu mah dongeng basa abdi gadis keneh, asa harariwang cenah saur pun biang mah si neng mah ditikahkeun teh, kumargi ari raka2 mah tos sakola teh teu langsung didaramel tp langsung nikah, teras sateuacanna teh sibuk kursus masak, tah ari abdi mah saatos kuliah teh meni sibuk cenah saur pun biang mah didamel kaditu kadieu hihi teu ngemutan hoyong nikah sareng hoyong tiasa masak, atuh da biasa geuningan nya teteh2 ari jiwa muda mah hoyong sagala di udag, sagala di hontal hihi padahal panangan mung dua.

Harita pun biang nyarios kieu :

" Neng atos atuh tong didamel wae, geura diajar masak ,janten pami nikah teh tos sagala tiasa".
Abdi ngawaler bari seuri :
" Mah gampil atuh lah masak mah, engke ge panginten pas dijalani mah tiasa, jaba calonna ge teu acan aya hihi"

Harita pun biang ngan gogodeg ningali abdi nu keukeuh hoyong teras didamel, tapi da harita teh emut ari eureun didamel kumaha atuhnya da lebar pisan, lebetna ge hese,teras calonna ge can aya hihi..janten abdi emut ah mendingan teras didamel engke masak mah gampang upami nikah teras diajar pikiran teh.

Harita duka kumaha atuh sekitar awal 2004 teh ujug2 dipendakeun sareng si kakang prabu ku rerencangan ( meni kakang prabu pizzzaaan..hihi ), 2 minggu pendak ujug2 ngalamar hihi.

Harita teh mangkaning nuju ngabereskeun skripsi, sareng didamel walaah paciweuh pokokna mah janten boro2 diajar masak urusan ge lieur, pokokna mah 3 sasih tidinya nikah wee, teras dikantun deui saatos 2 minggon nikah, hiks meni hasyeum nya..

Pas tos 4 sasihan dikantun abdi ngiring ka jepang (eta ge tos diajar sakedik2eun mah ka pun biang masak2 teh)

Dugi ka jepang..euleuh muhun nya ari abdi teh hilap deui nu mana pun lanceuk teh ( hihi da atuh mun 2 minggon pendakna) abdi teh pas kaluar ti panto teh kalahkah hulang huleng ari nu nungguanna mah kalahka ngaheureuyan seuseurian dijuru hihi dasar...

Dugi ka apartemen alhamdulilah si akang tos masak hihi baguer pisan,teras sadinten dua dinten aya keneh sasajen( baca:bekel) ti Bandung, pun lanceuk teh hoyong dipangmasakeun cenah hoyong ngaraosan masakan istri , walaah eta mah kesang tiis bararadag sagede enjum sigana mah nya ,tapi da ari abdi teh jaim we pura2 bisa ,bari ngajawab :

" iya bang, kalem aja abang ke kampus aja ntar ade masak"

Kakang teh angkat, resep2 dibukaan, mbah Google oge disungkeun bantuan ,akh akhirna mulai masak semur teh..tapi ya Allah naha beut hideeeung ? huaaa dikumahakeun atuh nya? meuni teu kuat hayang ngaleungit teh, ah tapi mudah2an akang engke maklum.

Pas sonten si akang mulih, pek teh langsung lapar cenah pas gewewek teh bari seuri

"enak ya masakannya. oh gini ya semur Bandung de, kalo semur betawi mah gini nih caranya" teras weh nyebatkeun resepna

Atuh gubrak dot kom eta mah, hihihi, padahal mah bari hoyong masihan terang meureun eta semur teh salah ieu yeuh nu leres mah hihi

Harita rada isin abdi teh teras rass we emut ka pun biang, duuh jadi hoyong nangis teh sigana mah babales duka kualat nya hihi duka atuh nu penting mah sigana abdi nyepelekeun papatah kolot meureun ,tapi janten aya ibroh alhamdulillah, Geuning masak teh teu sagampil nu dibayangkeun kudu aya latihan, sanes kitu teteh2?

Aya hiji deui, pas abdi ngadamel Pempek, da si akang hoyong, milari di mbah Google prak we ngadamel ari pek teh pas digoreng teh ngararapung (baca: bebeledugan) dugikeun abdi mah teu wantun ngagorengna ge,janten pun lanceuk nu ngagorengna tapi hayang seuri, kumaha coba?

ngagorengna bari mastaka nganggo Helm!!!

Da pajarkeun teh sieun keuna soca cenah, hayang seuri aya merhatikeunna ge tapi isin oge aya.

Ti saprak eta janten kaemut, pisaur sepuh walaupun sakedik ,walaupun ceuk urang sapele, tapi kudu dilenyepan.

Ah hapunten nya Mah......moal bade teu ngadangu deui abdi ayeuna mah!!!

Ika Dimyati - Jepang

Ceplak Garut

2005-12-26T11:00:00.000-08:00

Asal muasal Pasar Ceplak Garut

Lamun urang muka kamus basa Sunda ceplak atawa nyeplak teh hartosna ngaluarkeun sora upami nuju tuang. Tata cara tuang siga gitu teh upami kanggo orang Sunda mah dianggap teu sopan.

Tapi di Kota Garut aya Pasar Ceplak nya eta tempat taruang warga Garut nu haroream masak(abdi contona hehehehehe). Saur informasi sepuh mah nu dipikauninga ku nu daragang di Pasar Ceplak memang aya sajarah na cenah.

Kieu sajarahna the Sahiji waktos taun 1970-an, kaayaan ekonomi teh nuju sulit pisan kumargi paceklik panjang, Tuangeun hese pisan dipilari dugi ka masarakat teh tuang sangu oyek (sangu tina sampeu tea gening). Kaayaan siga kitu teh dijantenkeun obrolan antara warga nu nuju balanja sareng nu icalan di pasar. Diantara na teh nu di obrolkeun nyaeta kacipta nikmatna tuang sangu oyek dugika ceplak (nyapek bari disada tea).

Pasar Ceplak kapunggkur dikenal ku nami jalan Biodeem (Koramil). Taun 1970-an jalan eta teh dibagi dua, anu palih kaler janten jalan Siliwangi tah anu Wetan Jl.Ceplak. Ayeuna mah dugi ka palih kaler oge lebet ka jalan Siliwangi nu manjang ti kawit Jl. Kiansantang dugi ka ujung Jl. Ciledung (bumi pun biang didieu tah hehehehhehe).

Tah lahan nu dianggo Pasar Ceplak teh ngawit ti parapatan Jl.Cikuray dugi ka ujung Jl. Ciledug nu panjangna kirang langkung 200 meter. Rame na ieu pasar teh mung sonten wungkul dugi ka tengah wengi. Upami enjing dugi ka siang mah ningali jalan ieu teu katinggal pasar margi lening we bersih...

Cag ah

-Fifi Refiani-

Anatomi, epolusi, bahasa

2005-12-21T13:31:00.000-08:00

Harita teh abdi kedah ngadamel sipi (curriculum vitae) kanggo pun bapa.

“Pah, papah ngadamel we sipi-na, teras dikirim ka abdi kanggo perbaikan”, ceuk abdi ka pun bapa (nganggo bahasa Indonesia atuh …) “Okeh,” ceuk pun bapa.

Di sipi pun bapa nyebatkeun:

English: pluent (okeh, dicontreng OK ku abdi), Bahasa Indonesia: pluent (naon ieu teh, pan bahasa indonesia kedahna mah bahasa ibu, kunaon pluent nya … ah meureun lepat ieu pun bapa), Bataknese : netip (native).

Hahahaha, barakatak seuri abdi jadina. Jadi, keur pun bapa, Bahasa Indonesia teh sami posisina sareng Inggris, sami-sami bahasa deungeun !

Pun bapa geus sabaraha tahun nya di Bandung Jawa Barat teh, aya 35 tahun, ngan nyarios Sunda teu tiasa. Ari pun ibu, 30 tahun di Bandung, tapi pun ibu tiasa nyarios Sunda, pluent lah kitu.

“Jang, cai bodas nya!” kitu tah saur pun bapa ka pelayan restoran. Hahaha, seuri wee abdi jeung pun ibu jadina, eta air putih terjemahananna ceuk orang Walanda mah meuni “letterlijk” pisan!

Kunaon nya pun bapa janten 35 tahun di Bandung teu tiasa nyarios Sunda, ari pun ibu tiasa. Meureun pun bapa teh hoream belajar Sunda, atawa aya deui alasan nu laen? Teras, kunaon tah eta logatna teu pas nya? Padahal mah geus sakitu lamina di Bandung, kedahna mah logat mah tiasa atuh nirukeun.

Hasil obserpasi abdi, eta teh aya hubungannana sareng anatomi jeung epolusi (ieu mah keur bobodaran wae, abdi ge teu percanten teuing ka teori epolusi). Bahasa Sunda teh paling pas kanggo jelema nu suarana teh boga oktaf tinggi, siga Mariah Carey atawa Whitney Houston (emut teu di pideo klipna Bodyguard, pas teh Whitney nyinden bagian ‘and I...aaaaaaaI’).

Cobian we geura,

“Bade kamanaaaaa ?”

kadanguna beda pisan lamun diucapkeun Pranajaya sareng suara nu ‘pitch’-na tinggi (atawa cempreng hehe). Nu seusah oge teh kata-kata nu aya “eu”, contona “geuleuh”. Aya babaturan ti Klaten nu ngucapkeun “geuleuh” teh ‘geleh’ (e-na pondok pisan). Baheula mah eta babaturan kuliah teh lieur pisan nyebutkeun “Ciumbuleuit” nepi ka kaplintiran lidahna !

Nah meureun aya jelema nu boga suara bass atawa alto (anatomina geus beda), sesah nyarios Sunda sareng cengkokna tea!

Naon deui hubungannana sareng epolusi. Ceuk calon caroge teh (ayeuna mah tos caroge :D-admin), bedana Bandung jeung Medan, di Bandung mah jalan sapuluh meter geus loba nu gareulis, ari di Medan, sapuluh kilo ge teu aya nu geulis (ieu mah ceuk kabogoh, abdi mah teu teurang pastina, da saumur umur abdi ngan sakali ka Medan, jaman abdi TK!).

Kunaon nya urang Sunda gareulis ? Abdi teh ngira eta aya oge hubunganna sareng bahasa Sunda. Eta bahasa Sunda narik otot pipi pisan, contona:

“Kumahaaaaa”,

Paingan we urang Sunda teh kenceng-kenceng kulitna, da saban poe nyarios Sunda bari face lift, teu kedah nganggo Botox !

Nurutkeun teori epolusi, eta teh urang Sunda berepolusi, nyarios Sunda saban poe, kulitna singset, teras kulit nu singset tea diturunkeun ka anak incu.

Aya nu heureuy oge teh anatomi urang Walanda (ieu ge heureuy nya , sanes aya maksud ngaledek). Abdi pan di Walanda calikna teh di propinsi North Brabant, eta teh di dieu teh bahasa Walandanya “hipu” kitu. Contona, kecap “zo” kitu nyariosnya kedah “sssssssscshzo ”, jadina teh eta biwir kedah rada dimonyongkeun heula.

“Pantesan abdi teu tiasa nyarios Walanda nu pas!” ceuk babaturan, harita teh abdi sareng babaturan keur numpak kereta di Eindhoven. Aya loba eta urang Walanda oge sagerbong.

“Kunaon ?”

“Tingali we tah urang Eindhoven, biwirna teh maju, jadina teh gampil nyarios Walanda. “

“Maenya …. “ ceuk abdi teu percanten, teras abdi nyobian eta monyongkeun biwir, “ssssssscszo”. “Leres, gampil nya lamun biwir teh maju!”

Hahaha, seuri abdi jadina, kedah ati-ati atuh lamun diajar bahasa, tong persis-persis teuing sareng aslina, engke aya wee eta parobahan pisik atawa epolusi.

-Patsy

Kopdaaarr nehhhh

2005-12-12T11:36:00.000-08:00

Kaping 6 Desember anu kaliwat, kopdar WSAB jadi dilaksanakeun, kumaha caritana? Mangga, ieu dongengna Irma dina milist WSAB ditambihan tinu sanes, teu kakantun poto2na...

Alhamdulillah, kopdar teh meni resep.. asa bungah kieu ieu hate! hihi.. huhuuyyy! Teu siga nembe pendak we nya ibu2? Raraosan teh asa tepung sareng dulur nu tos lami teu patepung we lah!

Janten kieu dongengna teh.. sadinten memeh kopdar, abdi meni asa rariweuh kupadamelan. Asa teu beres-beres tea. Jam 3 pasosore, diemutan ku pagawe abdi ngeunaan reservasi tempat di Dapur Sunda, kanggo sabaraha jalmi cenah.

Euleuh.... reservasi kanggo naon.... tabuh sabaraha kitu ieu...

Astagfirullah.. mangkaning saya teh tos pede tea, waktos ibu-ibu WSAB naros "Pesen tempat di Dapur Sunda kanggo Kopdar bade kusaha?" harita abdi ngagampangkeun "Irma waeee..., keun engke Irma anu pesen!" hihihi..... *padahal dugi ka atabuh 3 sonten, sadinten memehna, abdi teh teu acan pesen tahh.... Untung wae Dapur Sundana teu pinuh nya :P

Jam 4-an aya Sms ti Teh Inong, salah saurang bentang utama kopdar (heueheu... tebih2 ti s'pore soalna): "Ma, engke sumping tabuh sabaraha? Abdi tos diperjalanan, yeuh."
Euleuhh? Meni rajin .... sementara abdi nembe dugi ka rorompok. Cape keneh tos putar puter di mangga dua. Na hate teh... 'InsyaAllah setengah 6 dugi kadinya.' :)).

Singhoreng, sajajalan ti rompok ka KTS nu biasana lancar dina jam bubar kantor, pinuh tur macet di lebah parapatan Kuninganna. Nya.... pasti telat yeuh Teh Inong... sakedik mah bae nya ....

Jam 17.17 Teh Inong ngasms deui : "Ma, abdi tos dugi."

Huaaahhh.. rajin pisan yeuh! Da teu acan satengah 6 pan? Teras deuih nembe nelepon ka teh Molly, anjeuna masih di kantorna. Hihi.. waahh diemutan teh, sigana mah Teh Inong bakalan
akrab yeuh sama si pelayan2 resto Dapur Sunda! :P

Jam 17.45 Abdi dugi di Dapur Sunda.
Aya tiluan tah nu nuju lesehan teh. Der wee ah mulai "Haiiiii". Dilajengkeun ku peluk cium hangat (ciieee naon sihhh!) sareng Teh Inong, Neng Indah (rai na teh Inong) & Teh Fifi (salah sahiji bumil di WSAB ieu teh).

Aeh...., abdi mah nyandak rombongan yeuhh.. hehe aya Syifa (nu maksa hoyong ngiring ka Mamahna) sareng si Mbak (nu dipaksa sina ngiring meh si Mamah tiasa santai teu kedah ngugudag Syifa di Dapur Sunda hehehe).

Ngobrol kaditu kadieu.. teras sepakat urang pesen tuangeun tipayun we ah. Hehe sanes lapar-lapar teuing atanapi curi-curi start ieu mah, tapi meh engke tiasa santai ngobrolna, maksadna.

Abdi pesen es cingcau (slurrrpp emang tos niat saya mah bade pesen cingcau hejo!hehe), es jeruk, ayam bakar, tumis kangkung sareng tahu telor.
Teh Inong pesen sayur asem, usus & babat goreng, teraass naon deui 'nya? hihi hilap, langsung sibuk kana pesenan pribados sihh. Teh Fifi mah duka diet duka naon tahh.. da mung pesen mie kocok we sareng sambelna! hehe

Teu lami, aya si Eneng nu geulis keneh tea geuningan.. hueheuhehe saha ciiikk? yaahh, Neng Wida tea! :) gadis WSAB, heheh..
Acara diteraskeun ku bongkar2 cokelat perbekalan Teh Inong ti negri singa. Waahhh asa panen yeuhh! Syifa nu pangresepna mah! hihihi :P

Sasumpingna anu sanes nyaeta bentang utama nu kadua: Teh Willa sareng rai2na, Nana, sareng Tia. Tambih rame seng heboh we nu ngumpul ngariung teh. Teh Willa babagi oleh2na, teras oge ngahaleuang tembang sunda Bubuy Bulan (si teteh tiasaan eta bulan dibubuy), babagi pangalaman (nu ieu mah direkam ku Teh Molly, heheh). Aya deui kajadian pikalucueun, dikantun solat magrib teh lemon tea neng Wida diangge ngojay gurame! Gurame saha eta teh. heuhuu.. karunya nu gaduh lemon tea dugika olohok ngembang kadu.

Ibu2 teh asa gaduh bungsu Neng Wida, dipiwarang moto we hayeuuuh... Hihi abdi mah tos niat moal ngaluarkeun kamera, hihihi.. meh ditiap foto aya teras lahh maksadna mah. Lumayan.. ;))

Terang2 tos wengi, waktos asa nyerelek pisan. Pokona mah sabab ku bungah ngariung sareng para WSAB anu salami ieu mung nyambung via internet. Alhamdulillah bagja pisan.

Tah pami nu ieu langkung rame deui, mangga geura ngacung anu kasebat.. ulah nyumput hihii...
1. Aya nu dongeng tentang pertama kali cinta bersemi dgn si Akang... Hiji pilihan diantara saratus ceunah! Hehehe... heboh lah! Saha ciik? ;)
2. Aya nu saurna nuju diet tapi pesen tuangeunana sami sareng nu teu acan emam 2 dinten tea... hahahha *hiperbola .. saha ciik?
3. Aya nu murak oleh-oleh dugi ka nu parebut oleh-oleh... hehe saha tahh?
4. Aya nu hoyong difoto payuneun kaca *meh tiasa ngaca heula samemeh difoto... hihihi
5. Aya nu riweuh di penghujung acara karena beurat kudu mamangku budak leutik gara-gara si budak tos bosen+tunduheun nungguan indungna ngobrol jeung seuseurian wae teu anggeus-anggeus tea sareng Ua-Ua + Bibi-bibina.. hehehe.. muhun, abdi eta mah! hihi
6. Pangpangnamah eta aya tamu pangrame tea neng shifa,manyunna gak tahan:),ngan hanyakal shifanya teh inong sama zidan gak ada euy...
7. Aya nu ngidam semur jengkol yeuh.. sahaaa
8. Aya nu alim dipanggil teteh...saha yeuh.. ngacung
9. Aya nu bu hamil teu tiasa emam sanguu..saha taah

*Di edit tina dongeng Irma di milist WSAB, ditambihan ti Nana, Fifi, seng nu sanes
*Poto ti Wida seng Nana, poto nu sanes tiasa ditingali di blogna Nana, FS na Wida

Kisah Nami

2005-11-30T05:53:00.000-08:00

Unggal nami jalmi pasti ngagaduhan harti nu mandiri, kantenan pami eta nami teh sae, unik sarta taya deui nu ngagaduhan, pasti anu ngagaduhanna teh reueus pisan. Aya oge anu reueus pami namina teh nurutan nami jalmi terkenal atanapi artis misalna, puguh ari artis anu gaduh imej sae mah, misalna Paramitha atanapi Tamara, kumaha pami Inul, hihihi... *punten ah ka neng Inul...

Tapi pami aya nu ujug2 nganamian putrana nurutan nami urang kalayan ngahaja, kumaha raraosan urang? Bingah atanapi sedih?

Kajantenan ieu teh kaalaman pisan ku abdi waktos calik di pun Uwa Istri di Boyolali, kota alit di Jawa Tengah. Saleresna mah teu sikluk teuing eta kota teh, namung disisi jalan raya Solo-Jakarta. Harita pun Uwa propesina teh bidan.

Cariosna teh abdi kelas 6 SD, unggal wengi osok diajar sasarengan di bumi rerencangan. Kaleresan ibuna rerencangan teh nembe ngalahirkeun teras bade salametan nganamian orok. Abdi teh reuwas pisan, margi eta orok teh dinamian sami sareng nami abdi: YANIS SORAYA. Kedahna mah bingah panginten nya aya anu ngefans ka abdi, hehehe.... Maklum jaman harita nami budak di daerah teh kurang pariatip, seuseueurna teh Sri, Endang, Joko, jst (punten pami aya anu kasebat namina :d), Janten abdi teh sok reueus ku ngaran sorangan, pedah benten tinu sanes. Mung eta nu matak sedih teh, geuning mani sami... miiii.... Mana kitu bumina oge ngan kahalangan ku 4 bumi deuih.

Salajengna, duka pedah kunaon, teu pupuguh eta nami orok teh digentos, jadi YANIS MASITHOH, dugika salametan deui nanggap wayang kulit sapeuting jeput sagala. Saurna mah pedah eta budak teh sok udur deui udur deui. Atawa pedah abdi teu ridho namina sami, hihii...

Anu pikalucueun deui, pas YANIS duplikat teh udur panas, kaleresan abdi nuju diajar sasarengan tea di bumina, si ibuna teh dongkap ka Uwa nyungkeun tulung

"Tolong bu bidan, yanis sakit panas"
Pun Uwa bingung, "Lho, sakit apa, tadi berangkatnya gag apa2 kok"
"Bukan Yanis ibu, yanis saya"
"Oooo... saya lupa kalo ada 2 yanis sekarang"

Mugi2 eta Yanis nu kadua teh tara uduran deui, sehat salawasna siga "superbunda" ieu. heheh...

-yanis, diterjemahkeun ku Admin

Kopdar pertamah!

2005-11-22T06:44:00.000-08:00

Ping 15 Oktober 2005 nu gareulis ;) anggota WSAB nu kaleresan aya di jkt, rencanana bade kopdar.

Saatos diskusi panjang lebar, akhirna diputuskeun di Dapur Sunda Kawasan Tenda Semanggi (KTS) , bintang tamuna saha deui atuh si teteh kita, teh Willa, import langsung ti USA.

Nu positif bade dongkap kopdar nyaeta Wida, Irma, Fifi,
Nana sareng abdi – molly-, sereng pasti atuh sang bintang tamu  Teh Willa

Ti enjing keneh tos hareboh nu bade kopdar teh(saleresna mah ari hebohna mah tos tikamari2 ....) terutami aya nu rada dusun teu teurang jkt..:”>

ti H-1 tos browsing milarian peta KTS...(ciaan deh lu moll)

Caritana Fifi, Nana & Molly janjian bade sareng angkat ka lokasi kopdar..jadi weh neng2 nu gareulis iyeu..conference..duuh niat pisan nya..tangos atuh sumanget pisan bade kopdar judulna. Mangga diaos conferencena...:)

molly (10:13:53 AM): yuhuu

fifi(10:14:00 AM): hai
fifi(10:14:23 AM): Nah tuch ada nana

molly (10:14:31 AM): sip jadi kumaha :D
molly (10:14:36 AM): meuni heboh ;))

fifi(10:14:43 AM): hehehhehe ya

nana (10:14:49 AM): teh fifi dari bej itu jauh gak ke dapursundanya?

fifi(10:15:14 AM): jauh say Dapur Sunda kan di dalem kawasan jadi dirimu naek taxi aja kalo malem mah kalo siang mah ada ojeg
fifi(10:15:50 AM): kalo gak gini dech pada naek busway aja turun di Karet
fifi(10:16:07 AM): trus nanti kita rame2 naek taxi dari kantor saya gimana ??

molly (10:16:19 AM): karet di mana :"> ?

fifi(10:16:38 AM): di depan kantor saya Mol sebelum benhil

molly (10:16:40 AM): jigana sy mending ngebooking si OB ktr naek motor lebih cihuy kli yaa..
molly (10:16:51 AM): kantorna kiri atawa kanan
molly (10:16:58 AM): hayu atuh ketemuan di fifi
molly (10:17:01 AM): kumaha na ?

fifi(10:17:03 AM): kiri kalo dari arah kota mah

nana (10:17:07 AM): teh molly,kl dari gambir mending naik busway aja,kl naik taxi gak nahan macet

fifi(10:17:19 AM): ya naek busway aja

molly (10:17:34 AM): sip mun teu busway naek motor weh hihi

fifi(10:17:42 AM): ketemuan di kantor saya mangga bisi lieur mah
fifi(10:17:55 AM): ya udah naek motor oge oke lebih cepet
fifi(10:18:03 AM): molly keluar kantor jam sabaraha ??
fifi(10:18:18 AM): nana jam 17.30 cenah jadi rada2 keur meujeuhna maceet tah

molly (10:18:42 AM): insyaAllah jam 17an
molly (10:18:48 AM): rek colek2 si bos heula :)

fifi(10:19:19 AM): saya mah kabeneran si bozz lagi ke spore jadi lagi leha2

nana (10:19:57 AM): hehe...sama ah,saya juga mau ijin pulang agak cepet,kali aja kerjaan udah beres:)

molly (10:19:57 AM): asyiik euy'

fifi(10:20:28 AM): naah tuch .... sok kumaha atuch dipastikeun

molly (10:20:32 AM): sip ntar.. mun sy mo jalan kabar2i
molly (10:20:51 AM): iya ktm di fifi aja

nana (10:20:53 AM): teh fifi,dari tempat teh fifi enak naik taxi apa busway nih?

molly (10:20:54 AM): nana ok gak

fifi(10:21:22 AM): taxi aja dari kantor saya mah biar langsung ke dalemnya ato nanti bisa minta anter sopir kantor kalo rame2 mah

molly (10:21:30 AM): sip

fifi(10:21:52 AM): catet no telp kantor saya ya soalnya hp lagi lowbat nich 2510xxx

molly (10:22:03 AM): nanti kita poto2 heula ya di ktr fifi :))

nana (10:22:20 AM): ok deh, jadi ketemu di kantor apa di pemberhentian busway karet nih?

molly (10:23:14 AM): ktr aja ?
molly (10:23:32 AM): tlp teh direct yaa fi ?

fifi(10:23:44 AM): ext 204
fifi(10:24:38 AM): kalo susah masuk ke kantor karena harus nguriling ya udah di depan kantor aja nanti telp aja saya dah di depan gitu di bawah jembatan nanti saya ke depan

molly (10:25:04 AM): okeh..

nana (10:25:09 AM): ok

fifi(10:25:16 AM): kalo bisa sich pada izin pulang cepet lah jam 17 udah pada start dari kantor nya

molly (10:25:32 AM): iya diusahain teng go..

nana (10:25:34 AM): sip

fifi(10:25:41 AM): nana & moly pake baju warna apa hari ini

molly (10:25:43 AM): rek bermanis2 heula ka si bos :))

fifi(10:26:18 AM): saya pake baju item2 nya jilbabnya abu2

molly (10:26:19 AM): sy celana coklat, kaos coklat muda, rompi aya bungaan merah, krudung merah :)

nana (10:26:39 AM): saya pake kerudung biru

molly (10:26:52 AM): bajuna naon na ?

nana (10:27:10 AM): teu nganggo:))

molly (10:27:14 AM): :))
molly (10:27:20 AM): gawats

fifi(10:27:52 AM): siiip lah see u di bawah jembatan karet Nya !!

nana (10:28:07 AM): pake kemeja garis2,tas coklat:)

molly (10:28:18 AM): siip

fifi(10:28:33 AM): dah lah back to work atuch

nana (10:28:37 AM): ntar telpon2 ya!

molly (10:28:43 AM): okeh

fifi(10:28:44 AM): nana no hp sabaraha ??

molly (10:28:52 AM): back 2 work manis2 ka bos ;)

fifi(10:28:56 AM): ke ku abdi dipantau terus

nana (10:29:03 AM): mo ngebut hela yeuh ,biar bisa pulang cepet:)
nana (10:29:18 AM): 0816 480 xxxx
nana (10:29:43 AM): sip lah, ampe ketemu ntar sore ya

molly (10:29:48 AM): 0817 919x xxx
molly (10:29:51 AM): okeh mararangga
molly (10:29:53 AM): sampe nanti

fifi(10:31:12 AM): siiip saya 08131884xxxx / 081196xxxx
fifi(10:31:30 AM): yg terakhir no hp pool kantor nanti mo saya bawa

Molly

Hihihi heboh nya? Naaaahhhh, pertanyaanna?

Kopdar na janten teu?

hayoooo coba narebak ibu2 dan gadis2

Ternyata nya eta, manusa mah ngan bisa ngarancanakeun, tapi Tuhan YME oge nu gaduh kuwasa, kopdar teh teu janten da bintang tamu udur, aduh karunya teuing teh Willa, sing enggal damang atuh nya.

Janten kopdar teh bubar sadayana, henteu ketang teu bubar, tapi ditunda ngantosan bintang tamu nu lain, muhun teh Inong? Tong ilang sumanget nya ibu2 dan gadis2. Sok lah diduakeun ku admins, meh janten, da bersejarah tea, kopdar pertama WSAB. Mangga ah sadaya ngaduakeun..yuk ahhh

Wawales Jang Anu Hade Budi

2005-11-17T12:14:00.000-08:00

Terusan tina: Dongeng: Tukang Gali Kubur. Di klik weee bilih hilap deui mah :)
***

"Tepikeun kasaha ceunah, Abah?" Ambu teu sabar nyela.

Si Manis ngaganjleng ka handap. Kulantang kulinting bari uang-eong. Sakapeung eureun melong Abah, terus pahibut deui uang-eong, ayeuna ditambahan ku opat meong anu lain.

"Mana kitu Ambu, kaburu dihudangkeun ku Jang Arip (make p-red), manehna menta Abah ngaberesihan makam bapana, yeuh buruhna oge" Tembal Abah bari ngodok endong pangsi, ngaluarkeun duit sapuluh rebu, dibikeun ka Ambu.

Meong jempe ngadenge Abah neruskeun carita. Kabeh depa dina ubin. Ngan si Manis balik deui ngagajleng kana korsi. Matana teu kiceup-kiceup melong Abah. Ambu narima duit, "Syukur, terus naha bet Abah ayeuna katempo bangun hariweusweus pinuh ku kasieun?"

"Sore ieu Abah ngimpi deui" sambung Abah (si Abah teh gawe bari kasarean bae atuh :d-red) "Tadi beurang teh asa panas nyongkab, rengse ngaratakeun alas, abah diuk nyarande na jero kubur nepika kasarean"

"Harita rarasaan teh geunjleung di luar kubur. Abah nguniang ngintip. Singhoreng wadyabalad gulang2 anu papakeana sarua jeung nu kamari kaimpikeun baris tarapti sakitu lobana nuturkeun 4 gulang2 anu ngagotong pasaran. Eta pasaran sarua dipakean lawon agreng jaman karajaan. Abringan terus mangkat kabeulah kaler, kaluar ti kuburan. Sugan abah mah rek nguburkeun di kuburan urang" Abah eureun heula, ngarenghap jero "Sapaliwatna eta rombongan, abah diuk deui na jero kubur, asa teu puguh pipikiran, naha bener Abah teh ngimpi. Sieunna mah puguh sieun nitenan abringan punggawa sakitu lobana lain ti jaman kiwari."

"Eooooongngngngng, eongngng" Si Manis pupulintiran dina korsi. Ayeuna Ambu ngalieuk ka Si Manis bangun nu keuheul pedah ngaganggu kana dongeng Abah.

"Teu lila, si gulang2 anu kamari kaimpikeun ku abah geus ngabedega dina biwir kuburan, ieu jantung asa rek lesot, awak ngadegdeg, kesang juuh kana baju" Abah neruskeun dongengna "Di sagigireunna aya kana 10 gulang2 sejen anu sigana pangkatna sahandapeun si gulang2 anu hiji. Kabeh melong ka Abah bangun nu ambek. Matana sigaaaa......"

Abah eureun ngadongeng, melong ka Ambu, ret ka meong anu 4, ret ka si Manis anu ayeuna sarua keur melong Abah. "Siga mata meong"

"Eeongggg" si Manis nembalan siga anu bungah manehna asup kana dongeng.

"Hey Kisilah, kuring datang deui ka andika sabab andika tacan nepikeun beja kuring" Abah neruskeun ngadongeng "Ayeuna geura balik, bejakeun ka Ki Mengkur yen kamari raja anu sakabeh geus tilar dunya."

"Eongngng" Si Manis disada bari ngadangahkeun huluna, matana neuteup seukeut ka abah.

"Ki Mengkur? Saha atuh eta jelma teh Abah...." Ambu bangun nu rungsing. Abah seuri, terus nembalan "Ari Ambu, pangampura kanu kawasa deudeuh.... Abah teh keur ngadongeng impian ieu teh, ari ngimpi teh kembangna sare, ulah dipake pikiran"

Cikikik ambu seuri ngagebah pikiranna sorangan.

Beda jeung si Manis nu katingalina bangun teu jongjon ngadenge Ambu nyela. Manehna nguniang hudang tina korsi. Kuliat bangun nu ngeunah. Terus nangtung ajeg melong ka Abah. Meong nu opat tingkoteap ngadeukeutan korsi si Manis. Maranehna melong si Manis lain melong Abah.

"Abah teu tatanya ka maranehna teh, pikir abah, da abah mah teu boga kawajiban ngayonan nu araraheng kitu" Abah neruskeun "Poe ieu raja kami dikubur"

"Eooooongngngng" Si Manis nembalan, ayeuna katempo awakna nyurungkuy kaluhur, ngan sukuna angger napak kana korsi. Meong nu opat melong ka si Manis.

"Tepikeun ka Ki Mengkur, isukan poe katilu, poe panungtung jang karajaan kami ngejenengkeun raja anyar" Pok Abah.

Si Manis disada deui. Awakna katempo enyaan ngagedean, nikel tina ukuran memehna. 4 meong nu lain depa bari melong bangun nu ajrih ningali si Manis ngagedean.

"Bejakeun ka Ki Mengkur, geura balik ka karajaan, kabeh rakyat sanagara ngentenan rek ngajenengkeun manehna jadi raja kami nu anyar"

"Eooongnggngng" Si Manis nungtungan dongeng Abah. Unggal disada, awakna ngagedean. Disada deui, ngagedean deui nepika sagede maung. Meong anu 4 tingareong lalauan. Huluna tarungkul awakna darepa, jelas keur nyembah si Manis. Teu lila Si Manis balik deui kana ujud memehna. Gajleng tina korsi, terus lumpat giras ngaburu panto anu melengek keneh. Meong nu 4 lalumpatan nuturkeun si Manis, laleungit dina poekna peuting lembur Cikulah.

Abah jeung Ambu teu boga kamampuan nyaksenan eta kajadian. Maranehna kalahka ngarojengkang asup kadapur bari angger uplek ngobrol ngomentaran impian anu aheng. Ayeuna mah teu siga anu sieun ngadongengna teh, kadenge ditabeuhan ku seuseurian tur heureuy sagala.

Tisaprak peuting harita kahirupan Abah jeung Ambu teu aya nu obah. Abah oge teu didatangan deui ku impian aheng. Malah mah dina hiji sore imah Abah jeung Ambu kadatangan Pak Ulis, Juru Tulis Desa. Mawa beja anu teu pernah kaimpikeun ku Ambu jeung Abah.
"Juragan Kirdun pupus tadi isuk, manehna ninggalkeun sakabeh hartana diwariskeun ka Abah jeung Ambu"

Lekasan
***

Disadur jeung di terjemahkeun tina: Tom Tildrum, dimuat di majalah Bobo jaman baheula, taun 85-an.

Pulunganeun tina ieu dongeng:
- Kajadian aheng bisa kaalaman kusaha bae, boh anu nyata boh dina impian, tinggal kumaha carana urang nyanghareupanana
- Kuburan lain tempat anu kudu dijauhan, komo dianggap tempat pikasieuneun, kabeh jalma bakal cicing didinya
- Jadi jelma kudu iklas ngalakonan hirup, usaha sahade-hadena, percaya ka nu kawasa anu bakal ngawales
- Abah jeung ambu teu daek wae boga turunan, boa2 pedah tokso? :p

Panuju para wargiiiiii?

Ngeunaan Es E Ex

2005-11-11T08:46:00.000-08:00

Kahirupan Es E Ex atawa SEX

Upami ditingali tina judulna, pasti ibu2 sareng bapa2 mikirna tos jorang . Tah tong waka kitu, mending we ngemutan sisi ibadah dina ngalakonanna, jabi ayeuna tos sanes sasih syaum janten siang wengi ge mangga wae :P

Ibu sareng Bapa sadayana, sex teh sae kanggo kahirupan rumah tangga. Antawisna;
1.Ibadah panginten pang2na mah
2.Ngirangan stress, panginten ibu2 sareng bapa2 ngaraosan kumaha stress langsung bubar saatos hubungan intim.
3.Saur bhs inggrisna mah “Express your love by intimacy”. Janten hubungan intim teh memang sae kanggo meningkatkan keakraban caroge sareng istri.
4.Hubungan intim anu tiasa di-enjoy ku caroge sareng istri salah sahiji faktor ngalanggengkeun hubungan.

Kahoyong

Kanggo ibu2, kantos teu kaemutan, upami pameget (anu dimaksud para caroge) hoyong raos wengi2 (terang pan anu dimaksad???), ibu2 teh kedah weh nurut. Teu siga caroge anu capek, teras ibu2 anu hoyong…biasana mah labas wae..ngegel curuk…Ayeuna patarosanna, ari eta teh leres kitu ari caroge kedah dicumponan wae, ari istri anu hoyong mah tiasa diengke keun? Leres kitu ari kahoyong istri mah teu saageung kahoyong caroge , janten tiasa disapirakeun kitu wae? Sanes kedahna mah istri oge tiasa nyarios NO, upami capek atanapi aya alesan kiat mah?

Klimaks

Jelas2 kanggo caroge mah, upami atos klimaks, langsung weh kedah ngantosan deui dugi si aceuk tiasa perform deui. Pan panginten ari si istri hoyong raos oge, caroge teh kedah ngemutkeun oge istri. Si istri kedah klimaks heula, teras diteraskeun ku caroge janten dua pihak tiasa ngararaoskeun nikmatna sesi eta . Namung biasana, si caroge teh gaduh panyawat, nyaeta tara mikirkeun raosna si istri. Teu terang atuhnya sabaraha persen di Indonesia caroge anu mikirkeun masalah ieu. Panginten angkatan2 urang mah di WSAB para carogena atos tiasa demokrasi mikirkeun partner-na oge. Mugia!:)

Make up sex

Aya paribasa nyaurkeun, sex saatos pasea nyaeta sex pangsaena margi boh caroge sareng istri ngaraos plong teras biasana sexna oge jadi raos (kesan-na emameun). Tapi…kadang2 paribasa ieu teh teu sreg sareng sababaraha caroge margi si caroge teh teu tiasa ngalakukeun hubungan sex sateuacan masalah direngsekeun. Ari saleresna mah sae, tapi kedahna mah atuh..dicobian weh heula ari hoyong mah….kan jantenna double miserable, nya…pasea plus teu hub intim…hiks2

Ganti2 lokasi sareng mood

Aya anu nyarios cenah upami sekeliling suasana menunjang, hubungan intim bakalan langkung raos. Ibu2 miwah bapa2, terang nyalira, anu sentimentil pan biasana istrina. Hoyong rapih lah kamarna atanapi ruanganana, dikembangan lah, sepre bersih, urangna geulis sareng bersih, jeung sajabana. Tapi biasana caroge mah rada2 cuek ka masalah anu kitu mah. Aya oge pameugeut anu sentimentil oge, tapi persentase-na biasana langkung alit ti istri.

Mutualisme

Tah ieu teh idena, upami biasana caroge anu seueur ngalakuken aktivitas, istri oge panginten kedah nyandak inisiatif kanggo nyenangkeun para caroge. Saur paribasana mah atuh…tong jiga lontong, cicing wae…. Istri oge tong tiba2 jadi brutal, tapi gaduh ide ngadambel surprise kanggo caroge.

Tong isin

Para caroge sareng istri entong ararisin diskusi tentang naon wae anu ngajantenkeun “session” teh raos kanggo duanana. Biasana mah para istri anu sok isinan, saurna mah “Tabu” ah nyarioskeun anu kitu. Tong waka stop: upami dipikir2 mah, supaya hubungan janten langgeng sareng tiasa diraraoskeun boh ku caroge boh ku istri, duanana kedahna masihan kontribusi.

-AngQ-
*pertarosan tiasa dikintunkeun ka Admin, hahahah... admin teu tanggungjawab ketah

Mudik

2005-11-02T13:12:00.000-08:00

Lebaran sakedap deui, abdi bade babagi pangalaman mudik taun kamari ke Cianjur, Cianjur Kidul tepatna Cibinong. Perjalanan ka ditu panjaaaaangg pisan para wargi sadaya, tapi da hoyong silaturahim ka ibu-rama tea. Upami di basakeun mah

Lautan kan kudaki, gunung kan ku sebrangi (tibalik nya?)

Rute pertama
Awalna abdi naek motor ti Jakarta angkat tabuh 7 enjing dugika Bogor ( abdi milih Bogor margi di terminal rambutan mah hoream di toelan/diriung ku preman nurustunjung).

Rute kadua
Ti Bogor naek mobil colt alit (elep/elf upami saur urang Cianjur Kidul mah :D). Dugi ka Terminal Cianjur teh tabuh 9-an.

Rute katilu
Ti terminal Cianjur neraskeun perjalanan ngidul kirang langkung jarakna 130km/4 jam perjalanan naek colt ageung.

Rute kaopat
Teras lungsur tina colt dilajengkeun naek ojek kirang langkung 5 km dugika tungtung jalan aspal mayarna 2000 rupiah. Kumargi jalan ka rorompok sepuh teu acan diaspal, upami usum hujan motor moal jalan sedengken upami mapah cape mangkaning nuju shaum ( 12 km tebihna bari nanjak-mudun margi daerah perbukitan). Sabenerna pernah nyoba di anter aa na naek motor, barang motorna maju, pan garinjul, nu di bonceng murag, gubraghhh...jadi kedah nganggo mobil off road mun melalui jalan pintas mah.

Janten abdi milih jalan cai mung janten langkung tebih margi ari walungan mah kan muter2 teu siga jalan darat, naek parahu motor alit/bargas arahna ti hilir ka hulu peryogi waktos 2 jam, mayarna 15 rebu rupiah. Naek parahu teh saleresna pikaresepeun margi kenca-katuhu pamandanganna endah sareng seueur manuk cai anu warnana rupi2 janten teu matak bosen lah calik dina parahu teh. Nanging aya oge pangalaman anu pikareuwaseun, teu disangka2 aya kayu nyorondoy hampir keuna kana leher abdi, untung abdi calik rada gigir jadi we salamet teu kunanaon.

Tapi teu acan dugi ka bumi eta teh, margi walungan pengkeren bumi mah kirang jero janten eta parahu teh teu tiasa dugi, hanjat tina perahu, hujan gede, dor dar gelap sambil bawa dus, teu di payung tea, nyandak kardus oleh-oleh kanggo kulawargi. Siga di pelem pelem geuning :p.

Rute kalima
Saterasna masih kedah dilajengkeun kana ojek deui kirang langkung sajam perjalanan, aya kana 5 kilo jarakna teh, naek turun bukit mayar 10 rebu. Ari heg teh pas nembe clak kana ojek hujan turun deui janten jalan anu teu acan garing pisan teh baseuh sareng leueuer (licin) deui, perkawis geubis tina motor mah tos biasa matak kedah taki2/siap2 upami motor karaos oleng(tapi da sapanjang jalan oge oleng wae eta motor teh :D).
Matak ibu2 anu nuju bobot/hamil mah mending mapah atanapi tong mudik we ka kampung abdi mah :D. Nanging, sanaos perjalanan sapertos kitu, "menantang", henteu janten matak kapok kanggo abdi sareng raka2 kanggo mudik unggal taun ka kampung halaman.

Tapi abdi heran, naha nya sepuh teh alim di ajak ngalih ka kota? padahal di kampung teh meni tebih kamana-mana sareng hese upami peryogi nanaon teh (rumahsakit, pasar).

Tah dugi ka rorompok kirang langkung tabuh 4, total perjalanan 9 jam meulah pulau jawa ti kaler ka kidul.

Kanggo mudik taun ayeuna rada ringrang oge, margi saur pun Bapa nuju usum urug/longsor. Kuheul oge ka jalmi2 anu asal naluaran(narebangan) tatangkalan kanggo di ical ka bandar jabaning mirah deuih

Upami taun kamari mah pas mulihna ka kota mendak urug teh meni aya sababaraha lokasi, di tengah jalan aya gunungan taneuh atuh janten turun naek gentos mobil :( tapi Alhamdulliah akhirna tiasa dugi deui ka Jakarta kalayan salamet.

Euleuh meni panjang gening nya, asa nuju pelajaran mengarang dina bahasa sunda, janten emut ibu Iroh guru basa sunda SMP anu bageur pisan ( Mugia anjeunna dilimpahan kaberkahan ku Allah, Amien).

Wilujeng mudik ka sadaya anu mudik, cag...

-Wida

******************************************************************
Dina Raraga Lebaran, kanggo para wargi, sobat, katut dulur anu natamu ka WSAB:

saninten buah saninten, saninten di parapatan
hapunten abdi hapunten, bilih aya kalelepatan

sareng kanggo wargi WSAB anu muslim :

WILUJENG LEBARAN 1426 H

Nu teu tiasa mudik, tong sedih nyaaa.....(ngahibur diri sendiri)
Wass, Admins

Bongan!

2005-10-24T05:17:00.000-07:00

Waktos abdi nuju di ruangan kampus, kakuping ti luar sora brak bruk anu ngalih ruangan. Di dieu teh nuju usum ngaralih ruangan da kampusna nuju direnopasi tea. Teras abdi teh naros ka Stefan, tos ditranslate nya, maenya si bule nyarios Sunda hihihi, manehna mah terangna ngan hiji bahasa Indonesia nyaeta

Diaaaam!

Margina manehna naros naon bahasa Indonesia na Tutup mulutmu, penting saurna soalna tiasa dianggo cenah upami abdi gandeng..hihi

Dugi mana tadi nya? oh muhun obrolan kieu..

A : Eta saha nu pindahan
S : Prof B
A : ih abdi mah tara da ningali eta prof sanajan tos didieu 6 bulan teh
S : maenya sih, sok geura tingali ka luar

Abdi teh kaluar weh..pantomim tea keketeyepan, api api bolak balik di payuneun kamar eta prof teh.

Apekteh profesor eta teh teu aya, ngan aya ibu sekretaris sareng mahasiswa nu sok parkir sapedah barengan abdi.

Lapor weh ka stefan teh...

A : Teu aya ah..eta ngan aya si ibu jeung mahasiswa
S : Mahasiswa mana?
A : Eta nu leutik, kacamatana teh kacamata gaul, terus naek sepedah siga abdi

Stefan pipilueun ka luar, ningali , teras manehna langsung masihan terang ka abdi..
Apektehh etaaaaaaaaaaaa si prof teh.

Gubraghhh...reuwas atuh
Ai abdi teh mun tepang ngan halli hallo bae deui. Sok akrab, da sugan teh mahasiswa oge siga abdi, dangdanan ge teu rapi2 amat, nganggo kaos oge, da osok pendak enjing2 markir sepeda pas barengan dongkap.

Ari didieu mun sareng professor umumna kedah Guten Tag..kitu selamat siang henteu halli hallo hungkul. Tah eta nya mun salah menilai teh...

Kedahna kumaha tah ibu2 dan gadis2? Kudu rapih meh katingali yen prof atau siga manehna wae? atanapi urangna tidak menjudge? Da sesah atuh, cobi weh sering urang nyarios, ah maenya eta si bos teh, naha kitu dll dlsb..sigana mah normal meureunnya salaku manusa, ningali heula penampilan.

Di kampus abdi kapungkur mah ka murid2 osok nyarankeun kudu rapih tong make sendal ka kampus teh. Meh ngahormat diri sendiri sareng latihan upami bade damel engke panginten kedah rapi upami di kantor resmi mah.

Kadang2 barudak protes, bu teu efek kana IP ceunah.
Nanging sangem abdi mah anggap weh latian rapih engke didamel, diwawancara mah teuteup weh eta penampilan teh dinilai.

Tapi abdi ge teu strik teuing, teu kedah nganggo kameja misalna, kadang2 pami kuliah aya nu disendal diantepkeun weh, ngan pas ujian mah kedah.

Jadi upami aya nu nganggo sendal nuju ujian, ku abdi osok dipiwaran

mangga nak kasep geulis eta tunda sendalna di payuneun kelas, manehna mah ujian weh bari kukulintingan dengan kaki telanjang alias punten ..nyeker tapi bari diseungseurikeun ku nu sanes
.
Tiris nya? bongan da tos di umumkeun.

Da dasarna abdi ge teu resep make sapatu, asa hareudang jeung katutup, mun kenging mah hoyong sendal, santai weh ngajar teh. Tapi asa kumaha nya? Teu sopan kitu? Teu rapih ceuk si mamah mah, atanapi malah dilarang saur senior2 mah.. ceunah teu ngahargaan diri sendiri kitu..

Tah upami damel kumaha? Pernah nya abdi ka notaris, eta teh kantor sekalian bumi, tah pas ngantosan, torojol teh anjeuna sumping nganggo raksukan anu asli rapih pisan, blazer, sapatu lengkep sareng tas tangan, padahal sumping ti bumina.. Ari Irma..tah pan kantor di bumi. Nganggo blazer teu ma? hehehe

Jadi hoyong teurang ari Intan, Nita, Nurul, Patsy sareng saha deui nya? upami ngajar, ka murid2 aya peraturan nganggo sapatu teu nya upami kuliah? Ari praktikum mah jelas sih kedah sapatu demi alasan keamanan. Kumaha tah pengalaman ibu2 miwah gadis2, osok nganggo sendal atanapi sapatu basa sakola kapungkur? atanapi kumaha tah di kampus saena pami kuliah teh, nganggo sapatu atanapi sendal?

Mangga ah babagi nya, eusi komennya tong hilap (admin mode on :D)..
Owkehhhh...Diantosnyaaaaa.....

*)Ophi tea

Dina Hujan Cisoca

2005-10-19T08:19:00.000-07:00

Pasosonten dinten kamari hujan ngaririncik, angin tiis ngagelebung,panon poe jiga nu hoream....ngaleungit na tungtung awan. Clak..keclak….sora cai hujan nyakclak ngagebah–gebah lamunan. Ras kasawang sababaraha taun kapengker, hiji sonten nu sami tiis tur nyereset kana manah.

Kriiing…kriiing…..kriiing….sora telepon kokoceakan disada, patembalan jeung sora adzan ashar ti mushalla di ujung gang. Abdi tuturubut turun ti lantai 2 muru telepon anu masih keneh nyalukan.

Assalamualaikum….ceuk abdi, waalaikumsallam….sora na telepon bangun nu rusuh campur gugup, sorana asa kakuping henteu kakuping…

Ngadadak sakujur awak lungse taya tangan pangawasa, sabudereun alam poek, clak…keclak…cisoca nyakclak henteu katahan.

Mobil kijang nu disupiran ku raka ipar asa teu maju-maju padahal kecepatana tos kirang langkung 100km/jam, perjalanan Bekasi-Kuningan harita asa mangtaun-taun karaosna.

Tabuh sawelas wengi rombongan (abdi sareng kulawargi teteh) dugi ka rumah sakit Gunung Jati Cirebon, nanging nu dipilari tos henteu aya tos dicandak uih deui ka Kuningan saurna.

Cisoca asa caah kaluar henteu eureun-eureun, abdi ngarumpuyuk di tengah bumi nu tos sepi, nu aya di bumi jempling mung suanten nu nangis sakali-sakali kakuping. Raka pameget nu dipika meumeut parantos dipundut kunu kagungan ba’da maghrib tadi. Layon na tos rapih ditutup ku sinjang batik.

Wilujeng angkat….mugi-mugi Alloh swt nyayogikeun tempat anu endah tur merenah, mugia hiji waktos kapayun Alloh baris mendakeun deui urang dina Jannah-Na. amiin…

Innalillahi wainnaillaihiroji’un….dina hujan cisoca aya pelajaran keur urang sadaya, sadaya makhluk nu nyawaan baris ngalaman maot.

Alhamdulillah urang sadaya masih dipasihan kesempatan kangge ngabenahan diri, ngahapus lepat, lengkah nu tisoledat tur cariosan nu henteu mangfaat.

Kangge wargi-wargi muslimah WSAB, kudongkapna sasih ramadhan ieu hayu urang jantenkeun kasempetan ladang amal. Hayu urang sami-sami pelakan ku mangrebu-rebu kasaean.

Sapertos kapongpong nudijantenkeun wadah , hiji waktos kaluar janten kukupu nu endah.

Henteu aya maksad mamatahan ngojay ke meri, mung palay ngemutkeun diri nu tos laput ku alpa. Oge ngenang hiji sonten nu dihujanan cisoca.

--Eva--

Dongeng: Tukang Gali Kubur

2005-10-14T19:55:00.000-07:00

Peuting geus turun ngaharudung lembur Cikulah. Beda jeung peuting anu sejen, harita simpe siga taya kahirupan. Jangkring katincak taya soraan. Angin oge teu karasa liwatna. Rumingkang kalangkang hideung dina jalan satapak sisi kuburan matak maruringkak bulu punduk. Ngan sabab ku jempling, taya kahirupan anu nitenan. Ngan saukur kalangkang hideung, mawa linggis jeung pacul, ngagidig muru imah bilik sisi lembur.

Abah Maja ngaran eta jelma. Umurna leuwih ti 50. Disebut abah pedah manehna anu pangsabarna jadi tukang gali kubur tingongora. Teu aya nu daekeun ngagantian boh ngabaturan. Iwal manehna. Mmmmhh..... ku hade budi, lain ukur ngagali kubur, manehna oge ngaberesihan kuburan nepika teu pati pikasieuneun siga kuburan2 lain di lembur sejen. Pagawean ngagali kubur tara dilakonan saukur aya anu maot. Manehna biasana nyiapkeun hiji kuburan kosong sanggeus kuburan kosong memehna dipake ngurebkeun. Nya kitu tea tara aya nu ngabantuan, jadi ngagali hiji kubur teh ngabutuhkeun waktu anu teu saeutik.

Pakasaban di kuburan dilakokan pasosore unggal poe. Da ari isuk-isuk na mah, manehna dipercaya ngamandoran tur molah lemah wetaneun lembur. Lemah lega tur subur bogana Juragan Kirdun. Duda pang kayana di lembur, bru di juru bro dipanto, ngalayah di tengah imah. Hirup nyorangan, anak incuna geus ngencar ka kota, boga kahirupan sewang-sewang, teu paduli ka kolot anu tunggara.

Kulutrak muka panto, Ambu Warsi, pamajikan Abah Maja ngorejat tina korsi. Meong patingkuniang tina sarena. Uang-eong ngabageakeun dunungan. Aya kana 5 meong di eta imah. Kabeh inguan Abah jeung Ambu, ngubaran kasono kana miboga turunan nu teu embol-embol.

"Abah bet kapeutingan kieu" pek Ambu bangun hariwang ningali salaki datang peuting, renung ku kesang tiis, ambekan haruhah-harehoh siga nu di udag anjing.

Ambu nguniang kana meja, nyicikeun cai herang tina kendi. Sor diasorkeun ka salakina. Kot kana pacul jeung linggis, dijingjing dibawa ka dapur. Balik ti dapur mawa piring seng eusi cai. Sok di tunda dihandap. Meong anu 4 teu ngaengkekeun deui eta cai, diletakan teu sesaan. Meong hideung anu kalima, si Manis ngaranna, ngan ukur aluman alimen ngaletakan sukuna, teu ngiluan nginum.

Abah ngarahuh terus nginum. Ambu diuk gigireun Abah bangun nu sigep rek ngadengekeun dongeng Abah. Si Manis eureun ngaletakan sukuna, jat hanjat kana korsi hareupun Ambu jeung Abah. Angkohna rek milu ngadengekeun dongeng Abah. Meong nu lain pating koloyong kaditu kadieu.

Sanggeus nginum abah melong Ambu. Pek manehna ngomong:

"Ieu teh kajadian kamari Mbu. Basa kuring kasarean handapeun tangkal samoja sanggeus salat ashar. Kuring ngimpi didatangan gulang-gulang make pakean jaman pajajaran. Lengkep make tameng jeung tumbak sagala. Malahmah manehna teh naek kuda anu sarua papakean karajaan"

"Eoooonggg" Si Manis sada ngahaminkeun. Huluna ditikelkeun, disesebkeun kana suku hareupna.

"Hey Kisilah, tepikeun beja yen kaula datang ka andika ayeuna. Ulah nepika henteu. Isuk kuring nepungan deui andika lamun beja ieu henteu ditepikeun"

"Tepikeun kasaha ceunah, Abah?" Ambu teu sabar nyela.

Si Manis ngaganjleng ka handap. Kulantang kulinting bari uang-eong. Sakapeung eureun melong Abah, terus pahibut deui uang-eong, ayeuna ditambahan ku opat meong anu lain.

Abah jeung Ambu teu malire, da sapopoena ge lima meong teh kitu gawena. Aehhh meong teh sarua teu sabar ngadenge dongeng Abah sigana.

Kumaha dongeng abah saterasna? Hanca saurna teh, dilajengkeun saparantos postingan anu sanes.... Hapunten ka para wargi anu teu sabar ngadangukeun dongeng Abah, heheh...

Hanca.

*Ngagidig=bergegas
*Tunggara=merana sendiri
*Gulang2=tentara jaman kerajaan
*Hariwang=khawatir
*Kisilah=anda sbg orang asing
*Andika=kamu
*Hanca=belum selesai

Ciri orang Sunda

2005-10-10T05:23:00.000-07:00

Postingan kamari nu ngabahas ve janten pe, salah sahiji ciri urang Sunda...aya deui ciri urang Sunda nu sanes, malah pasti mendak dimana wae.

Pangalaman ti taun 1997 di negara batur, sawios ngalih keditu kadieu, tapi aya pangalaman nu tara tiasa hilap tentang urang Sunda. Pami kapendak sareng urang sunda nu sanes, asa kapendak sareng raka atanapi ade nyalira. Langsung sok asa tos kapendak lamiiii pisan.

1. Logat sunda

Pami kapendak jalmi, kadang awalna sok nebak-nebak, sunda sanes nya? sok asa kos detektif wae kitu pami ningali jalmi nu gaduh paras urang sunda...bade negor,sieun salah, tapi teu negor oge da asa teu raos...saatos diperhatikeun, leres geuning urang sunda... terang timana coba...?

Atanapi pernah nuju di singapore, pas abdi naroskeun dimana sakolaan kanggo murangkalih, abdi teh naros ka ibu-ibu, putrina nuju ameng, ningali putrinamah kawas Cina, janten abdi teh naros nganggo bahasa Inggris... Pas anjeuna ngajawab, sawios ku bahsa Inggris, langsung abdi teh nyarios ..."teteh asalna ti Sunda sanes ?" Alhamdulillah teu lepat...malah janten sobatan, da anjeuna ge tadinamah nyangka abdi teh urang Melayu.

Urang sunda, dimana-mana asa aya wae. Tos janten picariosan dimana-mana pami urang Sunda teh gaduh ciri khusus. Pami nyarios tara hilap kana legokna...pasti kos ngadangukeun lagu saurna.

Malah aya picarioseun..pami aya preman ti Sunda, moal aya nu sieuneun, soalna preman sunda mah moal tiasa ngabentak, da nyariosna angkleung-angkleungan... Karunya pisan nya?

2. Nami urang sunda

Atanapi pami teu kapendak jalmina, ngan saukur ngadangu namina,atau maos namina di blog, pasti kaciri pami urang sunda. Rata-rata urang sunda mah sok resep ngaulang-ulang namina. Dimana-mana, henteu di Bandung, di Bogor, di Garut, pokonamah di daerah Sunda, pasti namina salarami... urang sunda pisan. Salah sahijina nya abdi, Ina Inayah...sunda pan ? Hayo saha deui nu ngaraos sunda asli ?

Janten urang sunda sareng cirina moal tiasa dipisahkeun. Emang aya oge sih nu tos ical legok sundana, aya oge nu tiasa nyarios ef atau ve nu leres. Atau aya oge urang sunda nu namina teu diulang dua kali, tetep gaduh arti pan ? di doa'keu nuju dipasihan namina kapungkur nuju orok. Mangkana urang teh kedah bangga oge, ternyata urang sunda teh aya dimana-mana, di sadaya benua, henteu di jawa barat hungkul, henteu di Indonesia hungkul... Bangga pan ?

Di benua mana oge, rata-rata pami urang sunda mah sok gaduh kumpulan khusus, sanes nga-Gank...tapi urang sunda teh sok resep ngariung, resep ngumpul. minimal, janten ngobatan pikasonoeun ka lembur nu tebih tea.

Punten ieu postingan bahasa sunda-na teu sae.
Nyungkeun dimaklum...
Hatur nuhun...

Ina

Tips Cara Ngatur Keuangan Saderek..

2005-10-06T14:32:00.000-07:00

Aya papatah nyebatkeun: Micinta artos teh akar sagala kajahatan!

Upami saderek hoyong hirup aman sejahtera bari jeung teu diudag-udag ku rasa kuatir perkawis kauangan, di handap ieu aya sababaraha saran nu tiasa dilakukeun ku saderek

1. UJI UKURAN KALAYAN NILAI ARTOS NU DICEPENG KU SADEREK SALAMI IEU

Balanjakeun artos nu aya kangge hal-hal anu penting kalayan berharga(bernilai), kumargi kitu teu berlebihan upami aya jalmi nu nyarios kieu; upami urang hoyong terang hal-hal naon wae anu berharga dina pandangan jalmi, tingalikeun cara anjeunna ngabalanjakeun artosna.

2. ATUR ANGGARAN BALANJA:

Utamikeun bayar anu parenting sapertos; rekening-rekening... nyaeta: listrik, runtah, cai, artos bayaran sakola barudak, ongkos kendaraan ka padamelan, telepon, PBB.(naon deui nya?) tambihan we nyalira....HP?

3. JAUHKEUN MESER KU DORONGAN...MARGI HOYONG ATANAPI RESEP(BOGOH)

Balanja kumargi dorongan parasaan hoyong atanapi resep(bogoh) tantos nyered urang kana daerah bahaya. Hiji-hijina jalan ka luar tina daerah bahaya ieu nyaeta angkat tebih-tebih ti Departemen Store(Swalayan).
Catet hal-hal anu bade dipeser sateuacanna angkat ti bumi.

4. ATI-ATI NGAGALEUH BARANG ANU AWIS

Urang kedah extra ati-ati ngagaleuh barang awis sapertos: bumi, mobil, barang elektronik, mebel, sareng sajabina. Tong nyicil barang-barang, katingalina mah mirah tapi eta teh nyered urang kana kasangsaraan mangtahun-tahun, kumargi sabagian ageung artos dianggo mayar cicilan.

5. MASIHAN KA BATUR(BERAMAL)

Hiji hal penting nu kedah ditambihkeun kana daftar pangaluaran urang nyaeta "MASIHAN KA BATUR" Aya parasaan sukacita upami urang tiasa barang pasihan teh boh ka wargi atanapi ka batur. Hartosna sakedik, atanapi seueur saleresna mah relatif, margi upami urang ngabandingkeun kaayaan urang sareng kaayaan batur anu kaayaan ekonomina lemah, tantos urang ngaraos beunghar, tapi upami urang ngabandingkeun diri nyalira
sareng anu beunghar tangtos urang teh ngaraos miskin (teu gaduh).

6. DIAJAR NYUKUPKEUN DIRI

Ibadah teh upami disarengan ku rasa cekap....masihan kauntungan nu ageung saurna, margi urang teh teu nyandak nanaon ka dunya, sareng urang oge moal nyandak nanaon ka luar ti dunya ieu, asal aya katuangan sareng anggoan cekap we.... tapi jalmi anu hayang beunghar geubis kana cobaan, kana jerat sareng kana sagala hawa nafsu anu hampa nu matak nyilakakeun, nu neuleumkeun jalmi kana karuntuhan sareng kabinasaan. Sakali deui margiiiii...."MICINTA ARTOS TEH NYAETA AKAR SAGALA KAJAHATAN"

7. AJAR MURANGKALIH NGABALANJAKEUN ARTOS JAJAN(UANG SAKU)

Murangkalih mung tiasa ngatur artos upami anjeunna nyepeng artos. Artos jajan(uang saku) tiasa dipasihkeun ti ngawitan murangkalih di kelas O, saatos yuswa 10-11, urang tiasa masihan langkung,ajarkeun cara ngabalanjakeun artos, bentenkeun antawis nu peryogi sareng nu teu peryogi. Utamana ajarkeun cara ngabalanjakeun mana nu peryogi pisan, mana nu dipikahoyong, upami aya sesa balanjakeun nu nuju janten tren jaman ayeuna!

Saduran tina buku: "PARENTS : CHILDREN HOW TO MANAGE YOUR FINANCES"
BY: Gary R Collins

Disundakeun ku teh Willa dina milist WSAB.

Bilih aya tambihan sareng pertarosan mangga urang obrolkeun sasarengan.

P(pe) atanapi V(pe)?

2005-10-02T03:47:00.000-07:00

Urang sunda teh gaduh lentong anu has pisan. Salah sahijina teh dina nyebatkeun hurup 'F' tanapi 'V'. F jadi 'Ep', V jadi 'pe'.

Fanta jadi Panta
Vitacimin jadi 'pitacimin'
Favorit jadi paporit
Film jadi pilem

Sanes kitu wae, sakapeung kabalik oge Pe jadi V atanapi eP jadi F. Biasana dina kecap2 anu sanes basa sunda. Contona:

Pipi (nami rerencangan) sok jadi disebut 'fifi'
Paviliun jadi 'Fapiliun' --hehe.. saha tah nu sok kabalik2 kieu teh.
Reparasi jadi 'refarasi' --aya tah di bandung tukang
reparasi jok dina reklamena "Refarasi Jok" hehe...

Jeng sajabana (janten hilap kieu abdi teh).

Tapi upami photo jadi foto atanapi foto jadi poto mah teu nanaon, duanana leres :)

Aya carita rerencangan abdi nu nuju sakola di luar nagri nu jelemana teu tiasa nyarios Indonesia, komo deui sunda, pokona mah kedah was wes wos weh. Anjeunna teh ASGAR tea, alias Asli Garut. Ilat na teh sakapeung sok henteu kompak kitu tah, sok hilap upami bade nyebat 'F' atau 'V' anu leres. Panginten da tos ti dituna kitu (abdi oge ding.. hihihihi).

Cepil na teh oge sok sadenge-dengeeun bae. Sok sangeunahna we nyariosna, "what se meneh, what semeneh" (What's a matter gitu locch..) kitu mun papanggih jeung rerencangan bangsa urang oge.

Hiji mangsa, manehna teh jangjian sareng rerencangannana nu beda bangsa. Kudu sepik inglish atuh. Rerencanganna (si X kitu we nya) teh bade nganjang ka teun rerencangan abdi tea.

Asgar: "You can come to my place this afternoon, right?"
X: "Sure, sure.. Where's your room?"
Asgar: "My room is in V dorm, room number V-15"
X: "OK I know that, I will come around 2 o'clock"

Ku rerencangan abdi teh diantosan we si X teh, tos disiapkeun beuleum cau sagala.
Tabuh 2, teu acan aya si X teh "Ah panginten, nuju di jalan keneh".
Tabuh 3, naha teu acan aya oge wae. Nepi ka tabuh 6.. keukeuh we teu acan datang oge, bendu we rerencangan abdi teh. "Euh, sangeunahna wae jangji teh! Tingali we ku urang mun kapanggih di pengkolan, rek disetut" (euleuh, naon disetut teh kang?)

Enjingna, papanggih si X di kelasna. Naha, si X bet katingalina bendu oge ka rerencangan abdi.

Asgar: "Hey, what happened? Why you didn't come yesterday?"
X: "I Did! But seemed you were not there!"
Asgar: "Whaaaat? I was in my room whole daaaayyyy.."
X: "Nope. I knocked your door many times and call your name also, but you didn't came out. When your neighbour in P-14 told me to shut up, then I went home :("
Asgar: "Whaat... my neighbour? room P-14? P dorm? Why you went there, I said my room is in pi..ups..eeuuhh.. V(vvvhhi) Dorm, room V(vvvhi)-15"
X: "Oh, V-15 huh? I thought P-15, I thoght you said it so.." (katingali bingung)
Asgar: "I said V-15" (embung eleh pisan). "No problem, this time let me come to your place, OK?"
X: "Hmm... OK"

Tah kanggo sadayana, kade nya.. nyebat V(vi) kade jadi P(pi)! :)

-nita-

Pangalaman di Nagri Anyar

2005-09-27T05:12:00.000-07:00

Abdi seja babagi pangalaman yeuh.
Ieu pangalaman Pun Bapa waktos anjeunna ka Prancis nu munggaran,

Waktosna sarapan, anjeunna pesen kulub endog, teras ditaros : "un, deux ou trois ? (hiji, dua atawa tilu?)" Dua, tilu, loba2 teuing, ceuk anjeunna teh.. hiji wae atuh..
pas endogna disadiakeun, euleuh naha atah ?? geuningan hiji dua tilu teh hiji dua atawa tilu menit.. nanging hiji mah atah keneh endogna *lol*

Waktos bade mesen kopi, Pun Bapa ditaros, kadanguna siga kieu "ole ole" naon ole ole teh nya ? cafe au lait bacana cafe ole = kopi nganggo susu *lol*.

Ceuk abdi mah urang prancis teh sararopan pisan.. naros teh kedah wae, siga bonjour, atanapi bonne journee/soiree (have a nice day/afternoon), bon appetit (have a nice meal), bon voyage(have a nice trip) aya nu aneh hiji : bon courage! eta teh kanggo sateuacan ujian, artina : sing sukses! nu aneh deui, mun katincak ku abdi, maranehna nu nyarios "pardon"..

Pangalaman abdi waktos ka Inggris(Leicester) nganggo mobil.. di perjalanan ti London, ditulisna Leicester 20 m.. euleuh, ceuk urang teh, jagoan pisan tiasa perkirakeun ka Leicester 20 menit deui.. setelah 20 menit, teu nyampe2 geuning.. teras aya oge tulisan Service (tempat istirahat) 1/2 m , 1/2 menit, teu mungkin ieu mah.. eh nembe sadar yen m teh mile(s), sistim di Inggris pan teu nganggo km *lol*

lamun di Norwegia, hello teh haihai (bacana, nyeratna mah teu terang kumaha), janten serasa akrab pisan jeung supir bis oge.. jeung ulah kaget, seueur tak.. tak.. sanes aya nu geubis teras bletak! tak teh artina nuhun..

mangga atuh diteraskeun, seueur da pastina ge pangalaman 'seru' di nagri anyar teh...

*Intan*

Nini Ipit deudeuh

2005-09-23T04:59:00.000-07:00

Abdi teh teu tiasa nyarios sunda lemes, kumargi pas yuswa 10 taun, Pun Bapa kedah ngalih damel ka Jakarta. Di ibukota mah basa sunda teh jiga barang langka, jadi abdi mah buta basa sunda.

Pas kuliah teh ngadaptar ka UNPAD. Alhamdulilah ditampi di Pakultas Kedokteran. Pas taun kehiji teh sadayana kedah kemping di desa da bade ngalaksanakeun pangabdian kanggo masyarakat. Didieu teh, mahasiswa2 anu anyar diajar mariksa pasen, nyuntik, nensi, ngaresepkeun landong deeldel dsb dsb.

Sateuacan ka ditu, akang2 sareng teteh2 anu tos pada senior teh ngajarkeun kumaha nyarios sunda nu lemes. Tapi ngan anu penting, contohna :

1. nami abdi teh...
2. Gohgoy = batuk, rieut= pusing...
3. Naon nu karaos?? Tos sabaraha lami?

Nah jadi abdi teh ngan ngabekel eta we angkat ka desa di Garut teh. Ceuk abdi teh, da pasti sadayana oge tiasa nyarios Basa Indonesa mah, pan urang Indonesia...
Dugi diditu pasenna seueur pisan, aya meureun nepikeun 300 an mah.. nepikeun engap-engap-an ningalina.

Tah pas sakitar jam 2 sore, aya nini nini kirang lebih mah 70 taun meureun yuswana. Teu tiasa nyarios Basa Indonesa, geus kitu rada budeg (lain rada sih sabenerna mahhh hehehehhe). Pas rerencangan nu tiasa nyarios sunda lemes teh teu aya, nya geus we nekadddd. Kira-kira mah kajadianna teh kieu :

A (abdi) : Ibu... jenenganna?
I : Abdi??? Nini Ipit..
A : Yuswanya sabahara ni??
I : Di RT 05...
A : HAH??? sanes bumina...yuswana????
I : Oh..yuswa.. tos kolot abdi mah (sambil senyum
malu2)
A : Kinten2 sabaraha ni??
I : Nya...70-an lah
A : Nini, naon ku karaos teh??
I : Ieu, abdi teh hulu sok rieut, umpami tos wengi gohgoy wae,
teras socateh ararateul.
A : OOOO???
I : Teras neng dokter, ieu imbit teh pararegel.. tah
didieu neupikeun ka ditu.. (sambil peragaan), ieu
panangan sok singsireuman, tuur laleleus, tah abdi oge sok ararateul umpami tiis teh
A : (mati deh ini mah penyakitna lebih banyak dari pada
se RT digabungin....)
I : tah neng dokter, nini tiasa teu diparios darahna?
(ditensi maksadna mah)
A : Oooohhh... tiasa ni... (bahagia...teu kedah
ngedengekeun deui keluhan nu sa ablak-ablak...)

Saatos ditensi... (hasilna 150/100)

I : neng, kumaha?? Nini teh seuer darah teu??
A : (dalam hati) Seueur darah??? Naon tah?? Anemia???
Huahh???!!! panik... anemia meuereunnya?
Seeur = banyak... banyak darah.... mungkin
nanya dia anemia ato bukan(ahhhhh....pura-pura ngga
denger aja deh)
I : NENG, KUMAHA? ABDI TEH SEEUR DARAH TEU???
A : Hah??? Ohhh? Nya..eta.. emmm.. yah... CUKUP lah ni
(sorana teh lalaunan pisan....)

Hehehhehe...ternyata seuer darah teh = darah tinggi. Punten nya ni... tapi ayeuna mah tos terang. Biasa lah mahasiswa baru tea sok ngajago.. teu daek nanya...hapunten pisan ka nini Ipit.. mudah-mudahan tetep sehat walafiat... Aminnnn.

Duh basa sunda teh...meni hese :P

Pangalaman di kampung Garut, Mei 1998

Nat-nat

Tukang Becak & BBM

2005-09-18T05:41:00.000-07:00

Dina hiji sore, abdi teu kahaja ngupingkeun obrolan antar tukang becak, ngeunaan kenaikan BBM anu ayeuna tos rame di khalayak ramai. tukang becak eta teh kaleresan teu nuju narik muatan, jadi si becak teh diantep kosong sabari didorong da jalan teh rada nanjak ongkoh.
Ari abdi anteng we ditukangeunna, padahal biasana mah abdi teh sok tara sabaran ari nuturkeun tukang becak teh, sok hararese geus mah lalaunan, hayoh sok hese maju.
pokna teh kieu obrolanana,

tukang becak 1 : "urang mah keuheul ka pamarentah ayeuna teh.."
tukang becak 2 : "na kumaha kitu kang?"
tukang becak 1 :"sok geura bandungan...ayeuna majar teh BBM erek
ditaekeun deui.."
tukang becak 2 :"pan urang mah teu make BBM atuh kang, da tukang becak..."
tukang becak 1 :"euh maneh mah...BBM naek tangtu harga-harga barang oge naek"
tukang becak 2 :"enya ari ku kituna mah..."
tukang becak 1 :"pasti we engke teh pamajikan di imah...nyerewedan geura"
tukang becak 2 :"ah...ari eta mah sarua kang...jeung deui henteu keur BBM naek ge, anggeur we dicerewedan..."

abdi katarik ku obrolan eta, nalingaan kamari aya info ti rerencangan yen minyak tanah saurna tos jarang di kampung anjeuna teh da ku awis tea pangaosna.

tukang becak 2 : "kang..majar minyak tanah ge loba diselundupkeun nya?"
tukang becak 1 : "har...eta mah geus lila, tah urang mah beuki keuheul komo ngadenge minyak tanah loba disumputkeun"

si tukang becak ka 2 lami-lami teu seueur nyarios da kaleresan deui tos rada dugi ka pangkalan becak, ngan celetuk we anjeuna teh nyarios kieu,

tukang becak 2 : "kang, ayeuna mah tong seueur saur lah, tong nyalahkeun ka pak SBY yen BBM atawa minyak tanah leungit teh gara-gara pak SBY, eta mah pagawean jalma-jelema anu erek ngancurkeun pamarentahan pak SBY, emangna SBY teh bisa ngatur ku sorangan kitu?tayohna mah kang pasti lieureun pak SBY teh..."

sabari ngadorong becak teh si tukang becak ka 2 masih keneh nyarios,

tukang becak 2 : "saurna ge kan pamarentah teh moal gagabah naekeun harga BBM komo bari ngabeuratkeun rakyat mah...., terus deui eta teh jadi pilihan nu sulit jang anjeuna mah da lain rencana anu dijieun saeunggeus hudang sare..."
tukang becak 1 : "bener tah pamikiran teh, leuheung maneh pinter ayeuna mah nya" tembalna bari nyengir kuda.

Ari abdi teu sadar mesam-mesem ditukangeunna, bari lansung jut naek angkot.
Saatos ngadangu obrolan eta abdi janten langkung sadar kadang osok hilap teu bersukur kanu nikmat anu atos kuurang dikecap, kadang osok ngaraos kirang weh teras padahal
disakurilingeun urang teh seueur pisan anu langkung susah ti urang.

Ayeuna mah urang ngadu'a sasarengan mugia nagara urang teh sing enggal pulih perekonimianna, sing aman sejahtera sabihara-bihari sapertos kapungkur, gemah ripah loh jinawi teh tiasa kaalaman deui ku urang sadayana ... amin...

* Ika

Kukumpul Ngarumpul di Jalan Layang

2005-09-13T22:09:00.000-07:00

Kawitna, Bandung kasohor disebatna sister city, teras dirobih janten flower city, teras janten factory outlet city, teras reklame city (saking pinuhna ku reklame), nu terakhir teh janten macet city, crowded city istilahna mah. Utamina pas wiken. Meni pabelit. Tiwas-tiwas seeur anu sajalur ayeuna teh jalana.. Panunjuk jalan oge ngan saukur nerangkeun nu teu puguh henteu inpormatip misalna nerangkeung Rumah Mode (factory outlet) aya dimana. Sanes nerangkeun jalan-jalanna. Anu penting deui slogan na tos robih, nu kapungkur

Bersih Hijau Berbunga - Berhiber

,

ayeuna janten

Bersih, Makmur dan Bermartabat – Bermakber :)

duka tah disebat Bermartabat, terinspirasi ka na martabat (martabak) san fransisco panginten :p

Tah, kanggo ngantisipasi eta kamacetan, tos aya 2 (dua) jalan layang, nyaeta, Kahiji, jalan layang Kiaracondong (Kircon). Kadua, jalan layang paspati atanapi pasteur-surapati. Duanana disambut ‘gegap-gempita’ ku warga, kumargi di Bandung mah teu aya pisan jalan-jalan di luhur. Teu kawas di Jakarta. Janten asa aneh. Di kircon, jalan layangna ngalangkungan jalan kareta api anu super-duper-macet tea. Teras mun bubaran buruh pabrik, sok seeur angkot anu ngetem. Warna na angkotna rupi-rupi, ti warna hejo (cicaheum-kalapa), warna bodas (riungbandung-dago), warna coklat (cicaheum-ciwastra), warna biru (ledeng-margahayu), pokokna sagala aya lah. Janten katingalina ti na luhur jembatan layang teh jiga ”pelangi-pelangi, alangkah indahmu, merah-kuning-hijau” :) Ngan, tingkat kadisiplinan urang-urang teh saleresna jauh keneh. Jalan layang di kircon sok dianggo pamutaran mobil-mobil nu bade ka bumina sapertos anu gaduh bumi di kawasan jalan kampus sekitarna. Alhasil, jalan layang teh anggeur wae macet.

Di paspati oge sabelas-duabelas tingkat kadisiplinana. Paspati teh ti ngawitan jalan surapati (dipayunan bank mandiri) lurus ka arah cikapayang, teras balubur, pelesiran, cihampelas, ngalewatan RSHS, nepika ka arah pasteur. Tah didieu mah nu dimasalahkeun sanes mobil anu resep muter, tapina seeur anu narongkrong! Mun tos sore ka wengi sok ngajejer motor-motor di luhureun pelesiran-balubur. Aya anu pasang-pasangan. Atanapi nu nyandak kaluwarga. Tujuanna ningali city light panginten. Padahal pan aturana mah teu kenging ’nongkrong’ di jalan layang teh. Soalna, kendaraan sok ngarebut. Tapi da bade kumaha deui, resep meureun ningalian bandung di na luhur jalan, bari angin sepoy-sepoy tea. Abdi sareng pun lanceuk sok berandai-andai, aya pasangan anu ngalamar di na luhureun jalan layang, romantis meureun nya! Abdi mah sok palaur, mun teu aya larangan nongkrong, eta jalan layang janten tempat kukumpul anu jualan. Panginten bari ngaleeut bandrek atanapi bajigur, sareng ngopi kulub kacang atanapi murak timbel. Benten pisan sareng di Jakarta. Mun katingali aya nu nongkrong di jembatan semanggi panginten langsung dipiriwitan ku polisi :)

Mugi-mugi kapayun, Bandung nambihan jalan layang kanggo jalan-jalan anu macet. Tapi nya kitu tea, disiplin keudah ditambih!

*Nurul*

Kopi

2005-09-09T01:40:00.000-07:00

Abdi resep pisan kana kopi. Unggal dinten upami didamel mah kedah ngaleueut sarupaning Coffeemix. Biasana mah dua kali, enjing2 bari booting komputer, sareng pasosonten da biasana mah di kantor wayah kitu teh pitunduheun . Upami ahir minggu mah sacangkir sadintenna, da osok dipolototan ku pun lanceuk.

Saurna mah, "Kopi teh pangseueurna mung sakali sadinten ".

Pun biang ge, asa nu teu resepeun ningali abdi ngaleueut kopi teh. Padahal ieu mah tos ngirangan pisan dibandingkeun basa abdi nembe kuliah sareng didamel di Jerman, da kapungkur mah tiasa tilu cangkir sadinten.

Leres kitu, kopi teh teu aya sae-saena acan?

Saur para doktor ti palih kulon mah, kopi ngandung antioksidan anu tiasa mencegah kanker. Teras kanggo anu "sesah emut, enggal hilap" kawas abdi , kopi saurna mah nambihan daya ingat. Komo upami osok nundutan mah,saatosna ngaleueut kopi mah pan urang teh janten gugah. Saur teori mah, kopi nambihan metabolisme tubuh matak janten seger.

Tapi da sanajan kitu teh, ngaleueut kopi oge teu kenging seueur teuing. Kafeinna seueur, janten tiasa nambihan tekanan darah, bahaya kanggo anu gaduh hipertensi. Saleresna, kafein tea anu masihan epek sagala rupa dina kopi teh, boh anu sae, boh anu awon. Nu awon sabenten ti hipertensi teh, contona kafeinisme.

Matakna abdi mah moal masihan kopi ka pun anak, sanajan seueur anu nyarios kopi teh tiasa mencegah kejang2. Teras upami nuju hamil, langkung sae upami teu ngaleueut kopi. Asa bodor upami ngemutan, basa hamil Naila mah tiasa teu ngaleueut kopi sababaraha sasih.

Janten upami usaha mah, tiasa oge nya, ngurangan kabiasaan (kacanduan) teh .

Tapi singhoreng...

Istri anu resep kana kopi teh sakedik nya?

Aya weee.. nu nyarios ka abdi, "Geuningan resep ngopi Yan? Teu nyangka ih.."
"Kopi mah kuduna jeung roko.. Piraku ieu mah kopi wungkul."
"Naha bodas keneh Yan, teu kalunturan kopi?"

Dugi ka, "Ih geulis2 ngopi.."

DZIGH..

Teu sadar jender pisan (naon deui). Mangkaning, sebagai antioksidan, kopi membuat awet muda. Oh lepat ketang, sanes awet anom, tapi menarik langkung lami.

-Yanti-

Stop Press

2005-09-06T21:43:00.000-07:00

WSAB diripyu (baca:review) ku Detikinet....
(inpo ti Yanti via SB, teras abdi naros linkna ka bapak blog tea aka pun lanceukna Nita nuhun nyaaa)

Euleuhhhhh euleuhhh bangga.com swit swit....

Ibu2 sareng para mojang....tambih semangat nya posting....(pesan sponsor admin :D)

Khusus ka redaksi Detik-inet, atas nami WSAB, nuhunkeun pisan atos dimuat, mugi2 eta niat sadayana kanggo riung mungpulung tiasa teras maju sareng tambih seueur anggotana

=======================
REFERENCE - BLOG
Selasa, 06/09/2005 16:45 WIB
wsab.blogspot.com
Riung Mungpulung Lintas Benua

Jakarta, Di era globalisasi dan teknologi informasi, identitas kebangsaan dan kesukuan konon akan semakin menonjol. Salah satunya ditunjukkan oleh sekumpulan wanita sunda yang ngeblog bareng. Kumaha nya?

Blog itu bernama Wanita Sunda Antar Benua dan beralamat di wsab.blogspot.com. Blog itu disebut sebagai Tempat riung mungpulung, nyangreudkeun tali duduluran, jeung ngabewarakeun kamaslahatan. Artinya: Tempat kumpul-kumpul, mengaitkan tali persaudaraan, dan mengabarkan kamaslahatan.

Ada 25 wanita penulis blog berbahasa sunda ini. Beberapa di antara mereka adalah Ninit, penulis novel 'Kok Putusin Gue?' yang saat ini tinggal di Afrika Selatan. Selain itu ada juga Nita Yuanita, tak lain adalah istri 'Bapak Blogger Indonesia' Enda Nasution.

Meski menyebut diri sebagai blog wanita sunda, blog ini tidak melulu berisi wanita keturunan Sunda, Jawa Barat. Ada beberapa anggota blog rame-rame ini yang bukan Orang Sunda. Misalnya Patsy alias Patricia Astrid, eks-mahasiswa sebuah universitas di Bandung yang kini ada di Belanda itu adalah keturunan Batak asli.

Blog dengan tampilan warna koneng (Sunda:kuning cerah-red) ini memang melulu menampilkan tulisan dalam Bahasa Sunda. Bagi yang tidak mengerti, atau tidak terbiasa, berbahasa Sunda dijamin lieur alias pusing.

Nama Blog: Wanita Sunda Antar Benua....
Alamat Blog: http://wsab.blogspot.com/
Blurb: Mangga Wilujeng Sumping!!!!
Hosting: Blogspot.com (Blogger)(wsh)

Upami bade ningali ieu linknya
WSAB di Detik

Emang Copet & EMINEM ala Sunda

2005-09-05T11:04:00.000-07:00

Urang sunda teh sopan santunna, lemah lembutna ka koncara kamana-mana. Tah ieu pangalaman nyata abdi sareng kulawargi abdi di kota Bandung.

CARIOS:1
Maling sendal.

Harita teh pun lanceuk nuju calik di ruang tamu. Anjeuna teh gegeroan ka pun biang:
"Mah, itu saha nu nyadakan sendal..."
Ari ditingali teh bapa-bapa nunju nyandakan sendal-sendal anu aya di teras bumi. Teras pun biang kaluar. Pun biang nyarios:
"Mang, eta sendal kunaon di candakan? eta sendal sadayana oge gagaduhan...."

Eta si emang copet teh meuni reuwas, bari andeprok dina kekeset bari nangkeup karung isi sendal. Emang copet:
"Aduh neng, hapunteun... ulah kirang-kirang ngahapunteun *bari nyembah-nyembah* Ari manawi teh ieu bumi kosong, da unggal emang ngalangkung oge tara ningal aya jalmi di payun. Hapunteun neng.. hapunteun... Ayeuna ku emang bade di uihkeun deui ieu sandal *bari ngaluarkeun sendal tina karung*. Sakali deui neng, ulah kirang-kirang nga hapunteun. Ayeuna emang bade uih"

Pun biang: "heueuh lah di hapunteun. Mang kadenya ulah kitu-kitu deui. Untung emang aya di bumi abdi, upami nu sanes mah emang tiasa dilaporkeun ka polisi"

Emang copet:"muhun neng..." Teras teh si emang copet angkat. Tapi sababaraha lengkah ti bumi mang copet balik deui.
Emang copet: "hapunteun neng, hapunteun sakali deui..."

Eh..cageur mang...lain lumpat kitu,malah balik deui......pikaserieun wae...hehehe..!!.
Tah ieu carios nyata....di Bandung mah maling oge meuni sararopan.

-------------------------------

CARIOS 2:
Yo..yo..yo....abdi eminem ti kebon kopi.

Harita teh abdi, pun lanceuk, bun bibi nuju jalan-jalan bade milarian warnet. Nuju kabingungan milari warnet, kaleresan aya grup pamuda anu dangdosanana teu benten sareng penyayi Eminem aka si cool dude tea. Ieu pemuda teh dangdosan nana, jalanna sareng ngomong na teh meuni pangkeh pisan/siga preman. Pun bibi naros ka salah hiji pemuda eta
Pun bibi: "punten a,dupi warnet di palih mana?.."

Dina emutan abdi teh,ieu pemuda pasti galak/berengsek. Eh salah euy sayah...eta si cool dude teh meuni kacida sopana. Nunjuk ka warnet bari dodongkoan (nuduhkeunana oge meuni sopan, ngaggo jempol panangan).

Gelo euy millenium kieu, masih aya eminem anu sopan siga kitu. Tah eta gayana ucing gering di Bandung....pararangkeh tapi sararopan..!!.

Wassalam, Deasy x.

Salah Ngertos...

2005-09-01T07:21:00.000-07:00

Ari salah pangartian, tiasa dina masalah naon bae nya, ngan bahasan abdi mah, salah pangartian dina panyesuaian basa caroge khusus na …

Pasti sadaya na tos terang kumaha pangalaman2 nyeusuaikeun bahasa batur. Tong sih anu tinggal di Luar Negeri, anu tinggal di nagara sorangan oge, sok aya sesah na lamun nyeusuaikeun cicing di tempat anu beda bahasana … tapi masih untung aya bahasa Indonesia nya ).

Tapi dina belajar bahasa batur teh … aya anu cepat nya nangkap na, atawa bisa oge ngeselkeun, da lila ngarti na ( model abdi yeuh hehehe … ). Masih mending anu tos aya tiasa dasar2 na … teu pati stress teuing nya belajar na.

Kapungkur atuh, abdi di sakola balajar bahasa Inggris & Jerman, geuning ari ulangan sok peunteun 10 atanapi 9, teu jaminan tiasa nyarios eta bahasa2 …, gaya beh nya ari penteun mah kengeng ageung hasil na :D …. da ari teu praktek mah, sok rada sesah, komo teu di tunjang kursus2 mah ….

Dina belajar ieu, kadang2 sok salah ngarti geuning … komo tea diajar Inggris, anu di alaman ku abdi … tong sih kumaha belajar was wes wos na …, ngartikeun kata2 na oge meuni sesah nya, kata demi kata sok katuker, da hampir sarua bae pangucapan na … da dadasar abdi mah, anu paling apal ngan

YES or NO hungkul hehehe ….

Contoh pengalaman abdi nya :
Pas nembe dongkap ka dieu ( US ), pertama kali na si akang gering, duuuuuuuh meuni sieun pisan, trus si akang ka abdi menta tulung,

Akang : “ Can you take my PILL ???? “
Abdi : OK

Trus, abdi ka handap, nelpon kk na si akang anu nami na PHIL …. Sabari babalepotan oge, inti na menta eta pun ipar teh dongkap ka bumi. Trus abdi laporan ka si akang, eta pun lanceuk na bakalan dongkap sacepat na …

Eleuh … nya pasti lah si akang tambah lieur sirah na … sabari maksakeun turun & nerangkeun ka abdi , anu di menta tulung teh, pang nyandakeun obat na …. Lain menta lanceuk na datang hihihi … Duuuuuuuh, meuni bingung & isin jadi na, komo pas lanceuk na dongkap ka bumi ….

Beureum2 deh, da ku era pisan … :D,

atuh mun nyebat na medicine mah, pasti deh abdi ngartos …. J

Jadi tiasa di bayangkeun pan, kumaha pengalaman abdi dina belajar Bahasa na si akang, da si akang oge rada sesah belajar bahasa abdi, soalna da tara di ajar nya, tapi ari bahasa2 anu kasar na mah, geuning cepat apal nya … hehehehe …

Kitu oge, pengalaman pun Rai abdi anu nikah sareng orang jawa … teu pados ngarti bahasa caroge na …. Sesah belajar ngomong na, cenah … ngan lamun caroge na ngobrol2 sareng Ibu na … eta pun Rai sok nyeletuk …

“ Hayoooo, naon nya ngomongkeun urang “ hihihi

….

Jadi sabari teu tiasa ngucap na, ari ngarti inti na mah, past beh ka tangkap oge nya maksad na …

Kitu beh , punten ngan sakedik …. Lamun aya anu nambahin, mangga pisan …. Mun aya anu lepat, sing di hapunten …

Nia

Odading

2005-08-23T21:23:00.000-07:00

Abdi resep pisan odading. Panginten, seueur oge urang Sunda anu resep tuang odading. Basa di SD, odading teh jajanan karesep abdi. Ayeuna oge, resep keneh ngaraosan odading.

Pun Nini kantos ngadongeng ka abdi, asal usulna kueh eta disebat odading.
Saurna teh kieu.

Kapungkur, basa VOC masih ngajajah urang… seueur urang Belanda anu netep di Bandung.
Kasebat aya nu ngicalan kueh…

“Kueh… kueh…”

Hiji Noni Belanda nyauran si emang nu ngicalan kueh.

“Naon ieu teh, Mang?” si Noni naros.
“Hmm…” si Mang bingungeun, da teu kapikiran naon nami kueh anu didamelna.
“Ooo… Dat ding*…” saur si Noni sabari nunjuk ka kueh.
“Oh! Muhun… ieu teh odading!”
*Ooo… dat ding = Oh! That thing

Janten eta asalna timana nami odading teh.

--
regards/ Ninit www.istribawel.com www.kamarcewek.com

Dilema (non)-TKW

2005-08-19T07:46:00.000-07:00

Ieu teh pangalaman pribados, Upami aya nu sami nami sareng alamat, eta mah sanes dihaja, punten wee nya. Heuheuy!

Geuning pindah ka Singapura teh teu sapertos nu dibayangkeun. Sarwa hebat, sarwa ginding, sarwa sagalana lah. Ih ceuk saha? *kiceup-kiceup* Aya hiji dilema abdi di dieu, sering disangki TKW....aduuh Gusti, sanes kukumaha, tapi di dieu teh TKW sok diremehkeun ku warga asli. Komo barudak abdi teh bararodas siga bapana, benten sareng emakna. Hehehe.

Di Jakarta oge abdi sok disangki nikah ka Chinese, kumaha di dieu. Hahaha... Komo deui abdi ngangge jilbab, ah tos lah, kumplit we eta mah. TKW mode on! Padahal di dieu eta para TKW nganggo acuk oge teu pararuguh, eta calana sanes calana pondok deui, saking pondokna.. meuni geuleuh ningali na oge!

Puncakna dina minggon kapengker, haritana teh abdi ka dokter gigi, pas di payun dina meja susterna, abdi dipiwarang nyerat appointment hoyong kaping sabaraha tiasa balik ka ditu deui. Abdi teh bingung, nu kapikir teh kumaha budak di bumi nya, teu aya nu ngajaga. Teras abdi teh sasauran ka manehna:

"I have two children at home, so I'll contact you later to make this appointment."

Eh geuning ari pok teh manehna sasauran kieu:

"OK, You better talk to your majikan first.."

Hah? Naon? Dunungan? Dunungan saha? Gustiii... Jadi abdi teh disangka TKW deui? Ieu teh kedahna marah atawa seuri nya? Teras abdi sasauran,

"No, i'll talk to my husband first."
"Oooh.. you're husband here also? Work here?"
"Yes, of course.."
"Oooh, sorry.. so the children...?"
"Yeah, they are my children!!"
"Ooppss.. sorry!"

Manehna balem. Isin.

Uggggh... teu acan ngaraosan ditabok jelma sakampung meureun nya? Hahaha. Teras abdi nyarios ka caroge. Ih anjeuna keuheuleun pisan,

"Mestinya Bunda protes biar mereka tahu diri dan tidak membeda-bedakan orang dari predikat dan statusnya.."

Ah, enya ah.. Abdi bade protes engke mun balik deui kaditu. Tapi kumaha mulai na nya? Teu puguh atuh lamun ujug-ujug abdi protes.

Nah, pastina sanes abdi wungkul nu gaduh cerita kieu, seputar TKW, kumargi seueur rerencangan abdi anu sanes nu sami nasibna. Aya nu leuwih parah. Pang seueur na di imigrasi cenah. Mun teu katingali ginding sareng eta panangan teu katutup sareng emas sagede-gede baliung, tah pasti disangka TKW! Saha anu gaduh tips and tricks supados abdi teu disangka TKW deui, mangga diantosan ku abdi.. *kiceup-kiceup atoheun*

by Inong

Jodo Mah Jorok

2005-08-15T20:44:00.000-07:00

Ibu-ibu,

Kamari, artikel ngeunaan emameun khas sunda, undak usuk basa sareng artikel ngeunaan ikon wanita sunda nu matre tea, atos disayagikeun nya di blog WSAB ieu.

Tah ayeuna mah, sok ah geura ngararacung, saha nu pernah nguping paribasa “JODO MAH JOROK”?

Ah, sigana mah saha wae nu ngangken urang sunda asli mah pastina uninga nya kana paribasa nu hiji eta teh. Jodo mah jorok. Hiiyy asana teh kumahaa kitu nya? Hihi.. Padahal mah asa tara ameng kana leutak tah si jodo teh? Hehehe naha bet disebat jorok atuh nya.. karunya teuing si jodo teh.

Janten emut kana pangalaman pribados yeuh upami nyarioskeun ngeunaan si jodo ieu teh.

Mangkukna mah, asa teu kabayang sakedik-kedik acan bade gaduh caroge urang Jawa.. :P Asa teu hoyong pisan, kitu tah! Hihihi maap, Mas! :P

Asa emut keneh waktos harita teteh abdi nikah sareng urang jawa.. hahaha ngan dipoyokan we eta dahuan teh ku abdi! Hihi bari jeung nyebat kieu ka si teteh teh, “Teh, uyuhan ih nikah jeung urang jawa! Teu hayang teuing ade mah!”

Da baheula mah asana teh kumaha kitu nya mun berhubungan (bobogohan-red) henteu sareng urang sunda deui teh (hihi maap, rasis! :P). Maklum, popotongan abdi mah ampir sadayana oge urang sunda.. hihihi. Mung ieu we yeuh nu misleuk hiji teh.. janten caroge, deuih!

Atos mah kenalanna teu kahaja liwat internet(bobogohan antar benua tea geuningan..hihi), eehhh sareng urang jawa deuih?! Hahaha leres pisan eta paribasa “jodo mah jorok” teh! :D

Asa teu kabayang we bakal ngalaman hirup babarengan sareng caroge nu beda budaya. Ngalaman lah rada reuwas sakedik mah basa dilamar ku si Mas harita teh. Hihi.. kabayang keneh, kulawargi irma nu biasana hareureuy gelo teh ujug-ujug pada diam terpaku tea waktos kulawargi na mas yoga darongkap ka bumi kanggo ngalamar. Huehuehehehe.. aneh we lah pokona mah ningalina. Pembawa Acarana oge heraneun.

Da biasana mah kulawargi Bapak Endang Rahmat teh asa pangramena, ceunah!? Hehehe.. Atuh MC-na teh naroskeun ka rama abdi, kunaon jempe, pa Endang? Jawabanna teh, hihihi.. sieun lepat, ceunah.. bilih bahasa Indonesia nu kaluarna campur sareng basa sunda ceunah! Hahaha dasar si Abah! :P

Tapi.. alhamdulillah 'nya, nu karaos ku abdi mah, dugi ka dinten ieu teh (mugia salawasna) salamet, teu aya halangan nu berarti dina hubungan beda budaya antawis abdi sareng caroge abdi teh. Sanajan sok aya lah sakedik-kedikeun mah nu menyulut perang mulut ngeunaan beda budaya ieu teh.

Hihihi ma’lum, caroge abdi mah sanajan ngangkenna urang jawa oge, da saumur hirupna teh (ti borojol dugi ka ageungna) linggih di bogor.. janten teu tiasaeun pisan kana basa jawa teh.

Jadi yaaa jangan salahkan diriku kalau dirinya selalu terpengaruh dengan bahasa sunda dalam keseharian kami sekeluarga. Apalagi kalo si mamanya Syifa ini udah ngomong sama Assyifa. Hahaha protes keras tah caroge abdi teh! Hihihi.. alesanna teh saurna, kita kan idup di Indonesia atuh Ma.. jadi ngomongnya pake bahasa Indonesia aja! hahaha sok kitu ‘nya ai teu bisaeun basa jawa teh. :P

Percanten lah, pasti aya diantawis ibu-ibu WSAB ieu nu gaduh pangalaman nu langkung heboh ngeunaan si jodo nu jorok ieu teh (teh Roro, teh Ophi, kita senasib ya? hihi). Komo deui jiga Nia atanapi Deasy, nu ngalaman gaduh caroge beda bangsa beda budaya. Hehe.. seru pisan tah jigana mah!

Tos pasti mah urang-urang teh satuju pisan lah nya kana Bhineka Tunggal Ika! :D

=Irma tea=

Ikon Wanita Sunda

2005-08-08T21:48:00.000-07:00

Ikon wanita sunda saurna mah nu someah,
kulit hade (bodas), meles, tapina matre...hmmm

kumaha pendapat parawargi, berikut beberapa wawancara :

******
Enda Nasution, ayah Batak, ibu sunda, yuswa ~~nembe~~ atos 30, blogger sejati, gaduh istri sunda hebring (hai Nita..hihihi), putra meuni lucu, lokasi Thailand Benua Asia

Ophi: Enda, mau diwawancara sama WSAB yah siap2..ini...dia... Ikon wanita sunda saurna mah nu someah, kulit hade (bodas), meles, tapina matre...bagaimana pendapat anda...atau punya pendapat lain? sunda yah kasar ge teu nanaon

enda_001: hehe

Ophi: tong hehe buru jawab hihihi

enda_001: dina pendapat abdi mah teu uninga abdi teh kana ciri spesipik dina wanita sunda, ku kitu jeung ku kieuna, leres?

Ophi: yeyyyyy, btw bhs sunda nya keren pisaaaannnnnnnnnn

Ophi: tambihan atuh kang saeutik weh lah...pan ibu sareng istrina sunda..nu ttg matrena tea..nya

enda_001: tah jigana nuju hoki weh abdi teh, da teu karasa soal matrena teh
enda_001: ganti

Ophi: oke dehhh makasih yahhh

enda_001: sawangsulna hehe

******
Arif Perdana, ayah sunda ibu jawa, yuswa bade 30 taun, sepupu abi hihi KKN, sobatna Irma, lokasi Bandung Benua Asia

Ophi: Awis, bade diwawancaranya ku WSAB (blogna wanita sunda) sakeudik da..ieu tah..Ikon wanita sunda saurna mah nu someah, kulit hade (bodas), meles, tapina matre..kumaha ceuk awis?

aperda: keheula teh
aperda: memang ada beberapa yg matre
aperda: dlm artian memilih lelaki yg jls sumber keuangannya

Ophi: lajengkeun..wis...bahasa sunda atuhh....

aperda: duh abdi teh bade neda siang teh
aperda: tos diajakan ku rerencangan

Ophi: ya udah atuhhh..daaadaah salam ka rerencangan hihihi

aperda: ngke dilajeng deui

aperda: hatur nuhun

aperda has signed out. (09.08.2005 07:08)

******
Moh. Bayu Nurwicaksono, Jawa abis, yuswa 30 taun, sayang istri, suami sayah (euh KKN deui), lokasi Bonn, Benua Eropa

Abdi: Paaah..(eudeeuh meuni mesra) , wanita sunda katanya kulit bodas mulus, someah tapina matre..bener ngga pah?

MB : Ngga bisa disamain, susah, yang pasti istri saya tidak matre, tidak putih dan cerewet

Abdi:Ih geuleuh..(perasaan teu aya pertanyaan cerewet deeeeh)

******
Hardian, yuswa 29 taun, lokasi Jakarta, Benua Asia, via Nurul...

Ophi: wawwww udah mulai cuti hamli?

nuruldi: heiy neng
nuruldi: ah henteu ateuh..cuti nganter suami, dia ada seminar di bali, yaaa sebagai istri ngiringan ngingintil lah kaditu, tumben ol jam segini

Ophi: hebadddd, ini di rumah, hr ini ga ada kerja, mau jalan2 bareng temen kampus, hihihi
Ophi : nurul ada teman lelaki bukan orang sunda ngga di kantor sekarang?

nuruldi: hebring ya neng ophi teh..kuliah bari didamel

Ophi: ehh kuliah teh sama dengan kerja maksudnya kan peneitian bukan kuliah2 deui...begituh....tanya satu pertanyaan aja yah
Ophi: buat WSAB, hehe, kalo bisa mah yag bukan orang sunda, Ikon wanita sunda saurna mah nu someah, kulit hade (bodas), meles, tapina matre...bagaimana pendapat anda...atau punya pendapat lain? dijawab disini aja..., plus ciri2nya..umur, asal dan nama kalo boleh..mau ditampilkan gituh, bilangin keren lah..masuk WSAB hihihi,

nuruldi: kumaha kumaha, ada sih cowo sunda tp hideung, hehehhe
nuruldi: eh tapi kakak iparku orang sunda asli pisan ti pamengpeuk bodas, jiga ari wibowo
nuruldi: kl yang hideung itu mah temenku sekarang kerja di bandung, nyunda abis lah

Ophi: hahhaha...bukaaan itu nanya sama temen kantormuh, lagi di kantor bukan? pendapatnya tentang wanita sunda yang katanya halus dan matre..jawabnya mah sekalimat ajah..boleh...buat WSAB gt...nama dan umur dicantumkan..ditulis langsung disini aja

nuruldi: ohhhhhhhhh, hehehhe
nuruldi: ini ada namanya Hardian, 29 tahun, katanya wanita sunda: fisik: seger, dan adem
nuruldi: hati: penurut, tapi jeleknya gampang dipengaruhin ceunah

Ophi: oke dehh nuhun nya, ieu bade dicopy paste percakapan YMna..salam nya ka ipar nu siga Ari Wibowo tea..hihi...sekalian pamit nya bade siap2 ka jalan2 tea, selamat cutii...

nuruldi: hahahah, aya di FS abdi da namina ari oge, manggaaaaa

Ophi: oke deh ngke dikeceng...daaahhhhh

nuruldi: nuhunnnnnnnnn
nuruldi: met jalan jalan

*****
Para wargi....Sakitu heula ti abdinya...neng Ophi iteung tea...nuhun ka nu atos diwawancara...upami aya nu nambahan hasil wawancara tiasa nulis di komen...okehhh...manggaaaaa

Ngeunaan Basa Sunda

2005-08-02T12:24:00.000-07:00

Wewengkon
Parantos kauninga yen Basa Sunda anu diangge di wewengkon Jawa Barat sareng Banten dibagi deui kana sababaraha wewengkon leutik, nyeta:
- Priangan: Bandung, Ciamis, Tasik, Sumedang, Subang, Garut, Bogor, Purwakarta, sabudereunana
- Banten: Banten sabudereunana
- Kacirebonan: Kuningan, Cirebon, Majalengka, Indramayu, sabudereunana
(LBAL=lereskeun bilih abdi lepat=CMIIW)

Pangkakoncarana sunda priangan, sigana pedah diangge di Bandung, Paris van Java tea. Sagedengeun ti eta, wewengkon priangan teh baheula ditempatan ku para pangagung anu kawentar anu ngenalkeun basa sunda ka luar sunda. Janten, urang priangan sok radi imut pami ngadangu basa sundana Banten atanapi sunda pasisir kaler anu kapangaruhan ku basa jawa (dicandak ku para nelayan ti wetan).

Undak Usuk Basa
Aya 3 undak basa dina basa sunda, dibentenkeun palebah nerapkeunana. Biasa disebat: undak usuk basa.
- Kahiji, anu lemes. Diangge pami ngobrol sareng anu saluhureun (yuswa atanapi harkat sosial) atanapi ngobrol sopan sareng anu sapantar.
- Kadua, basa loma. Diangge dina obrolan sapopoe sareng anu sapantar (umur boh harkat sosial). Tingkatan basa ieu oge diangge dina surat kabar, karangan, atanapi seratan2 kanggo dibaca ku umum.
- Katilu basa garihal. Diangge ka anu sahandapeun, saleutikeun atawa jang sato. Basa garihal disebat oge basa kasar.

Aya budak nyarita ka ibuna, mana anu ceceg:
1. Ibu, gogog nuju tuang
2. Ibu, si tumang keur nyatu

Ah, pastina oge parantos kauningan kusadaya WSAB. Ngan kumaha tah prak-prakanna? Ieu mah sakedik umpama, diangge dina kalimah ngarah kahartos.

Bapa nuju tuang
Abdi alim neda
Embe keur nyatu

Bapa angkat ka pasar (ih, ka kantor biasana oge bapa mah :))
Abdi mios ka sakola
Si Juha mangkat ka kebon deuk ngangon embe

Bumi anu kiwa kagungan Ibu Entin (kanggo ka batur mah nyebatna bumi)
Anu palih katuhu mah rorompok (nuduhkeun imah sorangan, rorompok=rompok nu abdi)
Imah si kardun tina hinis (jang batur sahandapeun atawa loma)
Kandang maung (ieu mah jelas jang sato, leres?)

Salira keresa nyandak buku sakieu seueurna? (kanggo batur)
Abdi ngabantun piring salosin (kanggo nyalira)
Si Emod mawa bedog

Nyerat basa sunda
Tah kumaha pami diserat? Sanes nyerat ha na ca ra ka da ta sa wa la, leres...
Anu kawentar kakoncara kajanapria saalam dunya yen ciciren basa sunda teh aya "EU". Sing saha jalma anu bisa nyebut "EU" kalayan bener, hartina geus bisa basa sunda, hihihi... *karunya ka si Mas di rorompok...

Tah mun nyebat tos jago, kumaha mun dipiwarang nulis. Ceuk teori, aya 3 jenis "E" dina basa sunda.
Kahiji: "é" taling siga dina: émbér (aya curek diluhureunna)
kadua: "e" pepet, siga dina: gemes (ih ieu mah sanes sunda), jiga dina... nya dina kecap pepet wee. Matak kitu disebat e pepet oge.
Katilu: "eu", siga nida peuyeum

Tah, pami radi sesah nyerat hiji kecap, ulah gurung gusuh, emutan heula. Sebatkeun eta kecap, naha si sakadang "e" teh siga dina émbér, atanapi siga dina pepet, atanapi siga dina peuyeum.
Umpama,

Aya budak nakal, nu mana anu ceceg:
1. Budak teh teu bener (bener=bageur, leres, sae)
2. Budak teh teu beuneur (beuneur=ngeusi, munel, aya eusian, biasana kanggo pare)Kabayang budak dianggap beuneur... hihihi...

Kuring cicing di Amerika, numana anu ceceg:
1. Kuring tumeuteup di Amerika (tumeuteup=memandang)
2. Kuring tumetep di Amerika (tumetep=menetap)
Ih nu kahiji mah hartosna janten: Sayah memandang di amerika (naon ieu teh)

Kuring dangdan di kamber, mana anu ceceg:
1. Kuring ngeunteung di kamber (ngeunteung= bercermin, ngaca)
2. Kuring ngenteng di kamber (ngenteng= ngentengkeung, enteng=ringan, meringankan)

Aya budak mani geulis, mana anu ceceg:
1. Euleuh si eneng mani geulis (euleuh=ekspresi kagum)
2. Eleh si eneng meni geulis (eleh=kalah)

Tah kitu para wsab, kumargi ieu teh mulungan tina emutan 17 taun kalangkung (jaman SMP) teras rumaos sanes urang priangan, umpami bade aya anu nambihan sareng ngelereskeun, mangga email ka wsab2005@yahoo.com, engke di tambihkeun kana handapeun ieu postingan

Istilah sunda

2005-08-02T06:43:00.000-07:00

Pamiarsa sadaya hayu ayeuna urang ngumpulkeun istilah istilah Sunda anu unik nu teu jarang eta teh matak pikaseurieun, ditambih upami aya pengalaman dibalik eta... mangga urang bagikeun ka WSAB sadaya....

conto yeuh nya

"Aih eta boneka meni lucu siga laci lalocotan"
"Itu budak geus gede sakeudeung brak nangkarak keudeung bluk nangkuban"
"Nyaiii geura hudang!! Sare wae siga kumbakarna"
"Tatangga anyar teh loba kaboga, tuh tingali bru dijuru bro dipanto ngalayah di tengah imah"
"Geura ka cai kadituh tong murukusunu wae"

pangalaman bodor
Abdi (ophi) chat sareng anggota WSAB Lia..nuju nyarioskeun ttg WSAB sareng postingan berikutnya, Lissy rencang saruangan abdi lebet ka ruangan

Lissy : Have you meet our Boss, what did he say?
Ophi : *sibuk ngetik* ...oh nu eta..enya eta
Lissy : Whaaaaaat? what are you talking about?
Ophi : *teu acan nyadar, masih ngetik * kela atuhhh kelaaaa
Lissy : Sophiii...whaaattt I dont understand you at all...what do you mean?
Ophi : *gubraghh* ooppsss sorry sorry....I was talking with my friend...

Pangalaman abdi, Lia nuju ngobrol sareng Irma dina YM

Irma : Lia sono teu ngadangu istilah-istilah sunda nu lucu
Lia : Puguh ge sono
Irma : Didinya sok ngadangu "teu uyahan"?
Lia : Tara da caroge abdi mah uyahan malah mah pangset

Mangga atuh nu sanes urang babagi!!

Emaman Ciren Khas Sunda

2005-07-28T22:47:00.000-07:00

Sambil ngantosan ibu2 lain anu bade ngenalkeun diri...yuk urang nyarioskeun emaman...naon deui atuh nya...da reuseup emam atuda...

Ibu2 komo anu nuju di luar nagreg, ngumbara mah..pastina kaemutan wae ka emaman Sunda anu pedo elom tea...ahh huhuy lah pokona..

Saurna nya urang Sunda teh, upami kana makanan sok kreatif, naon ge tiasa dijanteunkeun emaman, sok we tingali ka toko oleh2 di Bandung, Tasik atanapi Garut sok aya nu aneh2, nu teu kapikirkeun tapina teh pedo elom tea...

Sok ibu2 anu gareulis....mangga nulis di komen naon wae nu nuju kaemutan emaman khas Sunda...ayeuna...saratna eta weh teuteup bahasa Sunda nya...teu nanaon upami kasar oge..meh tambah lekoh...

hayu ah....mangga....

Bubuka

2005-07-23T22:26:00.000-07:00

Mangga Ieu Urang Bubuka...
(Bubuka teh maksadna Pembukaan sanes buka-bukaan:P)

Wanita Sunda Antar Benua...istilah nu kaluar ti kereteg manah Ophi, dikawitan tina obrolan antawis blogger nu ngobrol basa sunda, neras kana Yahoo Messanger, pami kaleresan onlen sareng sok ngayakeun konpren. Tidinya akhirna ngaraos caket, tiasa sili tuker informasi, sili gonjakan, jeung sajabana. Akhirna kaluar ide kumaha upami rasa deukeut eta urang tepakeun ka batur nu teu kaleresan tiasa onlen sareng, kana mangrupa blog...nya ieu akhirna...Ophi deui wae nu ngawitan ngadambelna. *Nuhun ah*
Dugi ka danget ieu WSAB nu tos sering konpren;

Ophi tumetep di Jerman

Inta di Jerman

Intan di Inggris

Roro di USA

Nia di USA

Lia di USA

Ieu teh sanes maksad ngagulkeun atanapi ngagungkeun kasundaan, tapi landong sono ka lembur jeung dulur, panineungan ka sarakan. Mangga urang mangpaatkeun. Sanes mung ukur kanggo urang sunda pituin, urang mana bae oge ari ngartos kana ieu basa, mangga diantos ulubiungna.

Wilujeng...

Hapunten bilih aya lepat serat:)

Ti Sim Kuring, atas nami Pangadeg WSAB

*Lia nu imutna teu manis*

Nambih:

Upami aya nu bade posting babagi elmu, bewara, atanapi naon bae, tiasa kintunkeun ka imel
WSAB2005@yahoo.com .