WSAB: Jodo Mah Jorok
Blog Propil warga Bewara keur warga WSABCare Katuangan Sunda Lalakon

Monday, August 15, 2005

Jodo Mah Jorok

Ibu-ibu,

Kamari, artikel ngeunaan emameun khas sunda, undak usuk basa sareng artikel ngeunaan ikon wanita sunda nu matre tea, atos disayagikeun nya di blog WSAB ieu.

Tah ayeuna mah, sok ah geura ngararacung, saha nu pernah nguping paribasa “JODO MAH JOROK”?

Ah, sigana mah saha wae nu ngangken urang sunda asli mah pastina uninga nya kana paribasa nu hiji eta teh. Jodo mah jorok. Hiiyy asana teh kumahaa kitu nya? Hihi.. Padahal mah asa tara ameng kana leutak tah si jodo teh? Hehehe naha bet disebat jorok atuh nya.. karunya teuing si jodo teh.

Janten emut kana pangalaman pribados yeuh upami nyarioskeun ngeunaan si jodo ieu teh.

Mangkukna mah, asa teu kabayang sakedik-kedik acan bade gaduh caroge urang Jawa.. :P Asa teu hoyong pisan, kitu tah! Hihihi maap, Mas! :P

Asa emut keneh waktos harita teteh abdi nikah sareng urang jawa.. hahaha ngan dipoyokan we eta dahuan teh ku abdi! Hihi bari jeung nyebat kieu ka si teteh teh, “Teh, uyuhan ih nikah jeung urang jawa! Teu hayang teuing ade mah!”

Da baheula mah asana teh kumaha kitu nya mun berhubungan (bobogohan-red) henteu sareng urang sunda deui teh (hihi maap, rasis! :P). Maklum, popotongan abdi mah ampir sadayana oge urang sunda.. hihihi. Mung ieu we yeuh nu misleuk hiji teh.. janten caroge, deuih!

Atos mah kenalanna teu kahaja liwat internet(bobogohan antar benua tea geuningan..hihi), eehhh sareng urang jawa deuih?! Hahaha leres pisan eta paribasa “jodo mah jorok” teh! :D

Asa teu kabayang we bakal ngalaman hirup babarengan sareng caroge nu beda budaya. Ngalaman lah rada reuwas sakedik mah basa dilamar ku si Mas harita teh. Hihi.. kabayang keneh, kulawargi irma nu biasana hareureuy gelo teh ujug-ujug pada diam terpaku tea waktos kulawargi na mas yoga darongkap ka bumi kanggo ngalamar. Huehuehehehe.. aneh we lah pokona mah ningalina. Pembawa Acarana oge heraneun.

Da biasana mah kulawargi Bapak Endang Rahmat teh asa pangramena, ceunah!? Hehehe.. Atuh MC-na teh naroskeun ka rama abdi, kunaon jempe, pa Endang? Jawabanna teh, hihihi.. sieun lepat, ceunah.. bilih bahasa Indonesia nu kaluarna campur sareng basa sunda ceunah! Hahaha dasar si Abah! :P

Tapi.. alhamdulillah 'nya, nu karaos ku abdi mah, dugi ka dinten ieu teh (mugia salawasna) salamet, teu aya halangan nu berarti dina hubungan beda budaya antawis abdi sareng caroge abdi teh. Sanajan sok aya lah sakedik-kedikeun mah nu menyulut perang mulut ngeunaan beda budaya ieu teh.

Hihihi ma’lum, caroge abdi mah sanajan ngangkenna urang jawa oge, da saumur hirupna teh (ti borojol dugi ka ageungna) linggih di bogor.. janten teu tiasaeun pisan kana basa jawa teh.

Jadi yaaa jangan salahkan diriku kalau dirinya selalu terpengaruh dengan bahasa sunda dalam keseharian kami sekeluarga. Apalagi kalo si mamanya Syifa ini udah ngomong sama Assyifa. Hahaha protes keras tah caroge abdi teh! Hihihi.. alesanna teh saurna, kita kan idup di Indonesia atuh Ma.. jadi ngomongnya pake bahasa Indonesia aja! hahaha sok kitu ‘nya ai teu bisaeun basa jawa teh. :P

Percanten lah, pasti aya diantawis ibu-ibu WSAB ieu nu gaduh pangalaman nu langkung heboh ngeunaan si jodo nu jorok ieu teh (teh Roro, teh Ophi, kita senasib ya? hihi). Komo deui jiga Nia atanapi Deasy, nu ngalaman gaduh caroge beda bangsa beda budaya. Hehe.. seru pisan tah jigana mah!

Tos pasti mah urang-urang teh satuju pisan lah nya kana Bhineka Tunggal Ika! :D


=Irma tea=

17 Waleran:

At 4:29 AM, Blogger Ophi ngawaler ...

muhun, abi oge teurang da eta jodoh teh jorok, siga pun adi, tepang sareng suamina teh di mana coba? waktos pun emang pupus...nuju ngalayat kaditu...euleuh2...ai pengalaman abi nyalira mah nyaeta...rusiah ah...hihihi

 
At 6:20 AM, Anonymous roro ngawaler ...

hihihi.... panuju...

sijodo teh bener jorok :d
pikaseurieun mun ngunget2 nu kitu teh...

 
At 7:40 AM, Blogger Deasy Roberts. ngawaler ...

muhun,satuju...

 
At 9:45 AM, Anonymous Anonymous ngawaler ...

sarua ah, abdi ge teu hoyong teu hoyong eh dapetnya org jawa timur juga, padahal ketemunya di bandung :P

pengalaman saya waktu malamnya abis nikahan, mertua kan ditawarin makan, ibu makan malam disini ya ? trus ibu jawab : terimakasih..
trus kita tunggu2 mana nih, mertua dan rombongan tidak datang2..
wah ternyata maksud si ibu : tidak, terimakasih dan kita ngertinya ya, terimakasih...

intan

 
At 12:30 PM, Blogger Lia ngawaler ...

hihi Teh Intan lucu tah, jadi dikamanakeun atuh sasayogianna? hehe.

Hey teh ophi, teh roro, seng deasy puguh pangalaman aranjeun teh diantos ih...:)

 
At 1:07 PM, Blogger TomInta family ngawaler ...

Hehehe... tambah balad euuy... Inta ge ngengingkeun "tiang Jawi". Ngke topikna berlanjut "ketika si sunda bertemu si Jawa.... bagaimana ceritanya?" tah banyak nara sumberna pan....hehehe

 
At 2:20 PM, Anonymous Ria ngawaler ...

hahaha...ini org jawa ikutan komen ah LOL. baru mau disarankan utk bcerita ttg sunda dpt jawa tea...secara tnyata para anggota WSAB teh byk yg pasangannya jawa. hihihi...rame pasti...yg satu gandeng, yg satunya sepi (ya gak PHI? hehe)

 
At 2:34 PM, Blogger Wanita Sunda Antar Benua ngawaler ...

Ria jangan ketawa kamyuhhh tuh liat ada jadwal postingan heug buru siapkeun..cerita weh eta kumaha putri mendut jadi ketemu sama piraun..eh maap..orang mesir maksudnya

Ophi
lupa euy logout WSAB

 
At 9:33 PM, Anonymous Eva ngawaler ...

Ngiringan ah...
Abdimah sanes henteu ngadukung Bhineka Tunggal Ika nya.. mung kitu tea atuh jaman baheula kala sok hoyong gaduh panutan urang jawa mung nasib henteu nedunan wae hiks... ti awit kabogoh dugi ka caroge ngengingkeun wae urang sunda....nya jantena tah :
I love sunda pokonamah...

 
At 3:01 AM, Blogger BundaZidan&Syifa ngawaler ...

komo urang, pateupang di internet, teu aya bobogohan, tau2 jadi wee... ka urang makassar deui.. ah jorok pisan pan?

 
At 4:23 PM, Blogger Deasy Roberts. ngawaler ...

haha...op,gelo maneh.
Ria (si putri mendut bisa kapanggih jeung piraun.....)khalid mah raja mesir,puguh maneh na nu gaduh harrods di London,nyaho nteu?.hehe...

Nami abdi Deasy.Pun Lanceuk teh bule ti Inggris(alhamdulilah,sanes david beckham..hehe..).
Pangalaman abdi kapendak sareng pun lanceuk. Si akang teh ditugas keun di Indonesia thn 97 akhir.Teras,istri bossna (kebetulan orang indonesia)nepangkeun abdi sareng pun lanceuk.Awalna mah,saya tidak lope kamanehna...da atu kumaha..bule inggris teh sok agak2 kaku(conservative)...
Ceuk abdi teh...euh...males ah...kabur weh nya abdi teh. Enjing na,abdi kenging telpon ti anjeuna(Lee kenging no telp abdi ti babaturan/istri boss tea).Ceuk Lee teh..hi, would you like to go out with me to the restaurant tonight?.ceuk neng iteung teh...mmmm...oceh deh.
Ternyata yah,di balik kekakuannya Lee teh bageur pisan(sopaaaan sekali), janten welah hate abdi lumer siga es serut (maca:kacantol)...eleuh edunnn!!.

Teras,kita teh yah bobogohan,tapi mun sabaraha sasih(salangkung na kita mah jarang ketemu).Lee sibuk sareng padamelan nana(off shore & kaluar nagri).
Nah,suatu saat (bulan september 98) Lee teh nyarios ka abdi.Hoyong nikah sareng eneng anu geulis+demplon iyeu(cek abdi bari heuay...hehe..).
Ceuk saya teh,I can't marry you...because our beliefs/benten agami(hapunten kanggo non-muslim).
Teras anjeun na nyarios,anjeun na hoyong revert ka islam.
Enjing na, pun sepuh sareng abdi & Lee,angkat ka masjid sunda kalapa-menteng.Teras alhamdulilah Lee ngaos kalimat sahadat.

Teras,Lee teh dines ka holland(3 sasih).Anjrit euy...meuni sedih...teu tiasa kapendak.
Uwih ti holland teh kita nikah.Ijab kabul di masjid, indonesia.Setelah nikah teh,si pangeran membawa si putri geulis anu bohay iyeu ngumbara ka england.
Ayena teh,si pangeran sareng neng putri teh gaduh 3 buntut.
Si pangeran teh ayeuna oge atos jago maca quran,rajin sholat wajib(mashaAllah)..pokona mah si putri teh bahagia..alhamdulilah.
Begitulah cerita saya si putri bohay ini....hehe...

Nuhun,
Deasy.

 
At 4:35 PM, Anonymous Irma ngawaler ...

haha euleuh.. euleuh.. eta si putri bohay! meuni nereded kitu caritana! hihihi.. alhamdulillah 'nya, lancar sagala-galana. ngiring bingah ah kanggo pangeran sareng si putri! :)

 
At 7:58 PM, Blogger Lia ngawaler ...

huahuahahaha Putri bohay nuhun ah dongengna meni resep ngiring bingah ah hepi ending, buntutna ge tos reuay. Khusnul khatimah deui si pangeran England-na nya. Alhamdulillah...Hidup Putri Bohay hihi

 
At 9:36 PM, Blogger Wanita Sunda Antar Benua ngawaler ...

Huahahaha Putri Bohay euy...heuheuy deudeuh dot...abi tos pernah maca caritana di email nganggo bhs Indonesia, naha ai pas basa sunda nya mah leuwih meresapi nya...huahaha...hidup putri Bohay

Ophi

 
At 10:04 PM, Blogger Nia ngawaler ...

Hehehe ... meuni lucu nya kisah perjodohan anu jorok tea ... *punten* ...

Teh Deas ... masih demplon ayeuna ? hihihi ... j/k, seru nya carita nya.

Mun Abdi mah, kana karma oge nya, da tadi na mah, rada geli ( mun di sebat geuleuh mah kasar teuing atuh da *punten deui*... ), kana kulit2 orang bule teh, da ningali kabogoh sepupu anu bule, eh malah monyokan ... ternyata kena akhir nya ... *isin*, kenalan sareng si akang oge, nya di internet, berhubung si akang na teu acan pernah ka Indo, jadi beh hubungan lewat telpon & surat2 seeurna. Alhamdulillah 6 bulan kemudian, si akang sareng lancek istri na, dongkap ka Indo .... :)

 
At 12:52 AM, Blogger Deasy Roberts. ngawaler ...

Irma:
Hapunten ah...abdi seueur pisan nulis carita ttg romeo sareng juliet na...


Lia:

Nuhun,sami-sami.


Op:
kunaon phi,ari make sunda mah romantik nya..?..hehe...

Nia:

Demplon?????boro-boro....ayeuna na mah body saya burayut....hehe...

awalnya geuleh ...lama-lama cintrong...hebad lah Ni.


Deasy.x

 
At 8:21 AM, Blogger TomInta family ngawaler ...

Jadi kesimpulana teh Nu Jorok Jorok can tangtu pikageuleuheun nya... Jorok jorok nu ieu mah geuning matak dikabingaheun... Raos geuning nu jorok teh nya? hehehehe
** Deasy meni rame eta pangalaman neng Bohay teh hehehe

 

Post a Comment

<< Ka Payun