WSAB: Masak oh masak
Blog Propil warga Bewara keur warga WSABCare Katuangan Sunda Lalakon

Monday, January 02, 2006

Masak oh masak

Saleresna mah ieu teh bade ngadongeng tapi duka tiasa henteu ngadongeng ku bahasa sunda sabab sok pabaliut geuningan.

Ieu mah dongeng basa abdi gadis keneh, asa harariwang cenah saur pun biang mah si neng mah ditikahkeun teh, kumargi ari raka2 mah tos sakola teh teu langsung didaramel tp langsung nikah, teras sateuacanna teh sibuk kursus masak, tah ari abdi mah saatos kuliah teh meni sibuk cenah saur pun biang mah didamel kaditu kadieu hihi teu ngemutan hoyong nikah sareng hoyong tiasa masak, atuh da biasa geuningan nya teteh2 ari jiwa muda mah hoyong sagala di udag, sagala di hontal hihi padahal panangan mung dua.

Harita pun biang nyarios kieu :
" Neng atos atuh tong didamel wae, geura diajar masak ,janten pami nikah teh tos sagala tiasa".
Abdi ngawaler bari seuri :
" Mah gampil atuh lah masak mah, engke ge panginten pas dijalani mah tiasa, jaba calonna ge teu acan aya hihi"


Harita pun biang ngan gogodeg ningali abdi nu keukeuh hoyong teras didamel, tapi da harita teh emut ari eureun didamel kumaha atuhnya da lebar pisan, lebetna ge hese,teras calonna ge can aya hihi..janten abdi emut ah mendingan teras didamel engke masak mah gampang upami nikah teras diajar pikiran teh.

Harita duka kumaha atuh sekitar awal 2004 teh ujug2 dipendakeun sareng si kakang prabu ku rerencangan ( meni kakang prabu pizzzaaan..hihi ), 2 minggu pendak ujug2 ngalamar hihi.

Harita teh mangkaning nuju ngabereskeun skripsi, sareng didamel walaah paciweuh pokokna mah janten boro2 diajar masak urusan ge lieur, pokokna mah 3 sasih tidinya nikah wee, teras dikantun deui saatos 2 minggon nikah, hiks meni hasyeum nya..

Pas tos 4 sasihan dikantun abdi ngiring ka jepang (eta ge tos diajar sakedik2eun mah ka pun biang masak2 teh)

Dugi ka jepang..euleuh muhun nya ari abdi teh hilap deui nu mana pun lanceuk teh ( hihi da atuh mun 2 minggon pendakna) abdi teh pas kaluar ti panto teh kalahkah hulang huleng ari nu nungguanna mah kalahka ngaheureuyan seuseurian dijuru hihi dasar...

Dugi ka apartemen alhamdulilah si akang tos masak hihi baguer pisan,teras sadinten dua dinten aya keneh sasajen( baca:bekel) ti Bandung, pun lanceuk teh hoyong dipangmasakeun cenah hoyong ngaraosan masakan istri , walaah eta mah kesang tiis bararadag sagede enjum sigana mah nya ,tapi da ari abdi teh jaim we pura2 bisa ,bari ngajawab :

" iya bang, kalem aja abang ke kampus aja ntar ade masak"


Kakang teh angkat, resep2 dibukaan, mbah Google oge disungkeun bantuan ,akh akhirna mulai masak semur teh..tapi ya Allah naha beut hideeeung ? huaaa dikumahakeun atuh nya? meuni teu kuat hayang ngaleungit teh, ah tapi mudah2an akang engke maklum.

Pas sonten si akang mulih, pek teh langsung lapar cenah pas gewewek teh bari seuri

"enak ya masakannya. oh gini ya semur Bandung de, kalo semur betawi mah gini nih caranya" teras weh nyebatkeun resepna


Atuh gubrak dot kom eta mah, hihihi, padahal mah bari hoyong masihan terang meureun eta semur teh salah ieu yeuh nu leres mah hihi

Harita rada isin abdi teh teras rass we emut ka pun biang, duuh jadi hoyong nangis teh sigana mah babales duka kualat nya hihi duka atuh nu penting mah sigana abdi nyepelekeun papatah kolot meureun ,tapi janten aya ibroh alhamdulillah, Geuning masak teh teu sagampil nu dibayangkeun kudu aya latihan, sanes kitu teteh2?

Aya hiji deui, pas abdi ngadamel Pempek, da si akang hoyong, milari di mbah Google prak we ngadamel ari pek teh pas digoreng teh ngararapung (baca: bebeledugan) dugikeun abdi mah teu wantun ngagorengna ge,janten pun lanceuk nu ngagorengna tapi hayang seuri, kumaha coba?

ngagorengna bari mastaka nganggo Helm!!!


Da pajarkeun teh sieun keuna soca cenah, hayang seuri aya merhatikeunna ge tapi isin oge aya.

Ti saprak eta janten kaemut, pisaur sepuh walaupun sakedik ,walaupun ceuk urang sapele, tapi kudu dilenyepan.

Ah hapunten nya Mah......moal bade teu ngadangu deui abdi ayeuna mah!!!


Ika Dimyati - Jepang

14 Waleran:

At 4:51 PM, Blogger Nana ngawaler ...

heuheuy....deuh eta masak nganggo helm,kabayang jiga satria baja hitam :))

 
At 1:22 AM, Blogger mamanatrixie ngawaler ...

:)) sami naaa...eta ngabayangkeun ngagoreng make helm...biasana mah paling top teh mun ngagoreng nu bakal bebeletukan teh pake tameng tutup panci pan urang teh ?

 
At 2:45 AM, Blogger Ophi ngawaler ...

Ichaaaa hahahhaa, meuni rame nya eta suka duka memasak teh..hihi

salam ah ka si abang prabu teh

 
At 2:54 AM, Anonymous Irma ngawaler ...

heuhuehe kacida pisan eta nu masak.. enya bener euy, jiga satria baja hitam! :))

duuhh untung pun biang mah tara miwarang abdi diajar masak yeuhh.. hihi tapi 'nya kieu ahirna.. dugi ka ayeuna abdi teh teu acan hoyong masak nyalira yeuuh.. hihi :P

 
At 2:56 AM, Blogger Nia ngawaler ...

Hihihi .... Ika, meuni lucu carita na, komo pas masak semur na .... kabayang eta kumaha nya lamun masak nganggo helm .... :D

Abdi oge ari soal masak mah masih jauh ti nilai 6, sering pisan tutung ujung2 na hehehe ...

 
At 8:05 AM, Anonymous roro ngawaler ...

ngagoreng bebeledugan mah abdi ge kantos basa ngagoreng cireng, ihii.. ting beledug gudika alarm sada, atuh tuur dugika leuleus.. teu emut kana hel tah.. ketah da teu gaduh helem heih...

ayeuna mah tos lihai atuh nya masak teh, hehehe...

 
At 9:37 AM, Blogger Bunda ngawaler ...

Aih sami seng abdi atuh teh Ika...basa dititah ku mamah sina diajar masak teh abdi mah ngawalerna...engke mah abdi jadi jalma beunghar jadi aya pembantu nu bakal masak...(bari heureuy...tapi amien).
Leres eta mah tos nikah teh emang aya nu ngabantos (bari teu beunghar ge')...akh tapi saha nu nyangki...kabawa ngumbara ka US jadi kedah masak....tulung.....mana ketumbar mana merica pabaliut...hampura mamah...kapaksa diajar masak ayeuna mah...

 
At 9:59 AM, Anonymous lia ngawaler ...

hahah eta Satria Baja Hitam ngagoreng Pempek. Memang jalan hirup teh meni teu sangka2 nya...da kitu rata2 mun di LN sok jadi ahli kana sakadang masak teh da dipaksa ku kaayaan. Hidup Masak!!

 
At 6:05 PM, Blogger Momy De' Vieto ngawaler ...

Euleuh ... di helm bari ngagoreng??? moal ditilang kitu.

Pan didieu mah pami ngaggo motor teu di helm teh sok ditilang, ari eta si kang mas di helm teu nganggo motor teu ditilang nya hehehe ....

Ayeuna mah atos jago atuh nya ika teh masakna ????

 
At 1:20 AM, Blogger Fie ngawaler ...

Iiih seni masak teh meni rupi2 nya .... sagala helm lumpat ka dapur ... duuuh waas ....

 
At 9:21 AM, Blogger Patricia Astrid ngawaler ...

hahaha eta ngagoreng nganggo helm ... ari abdi baheula sieun pisan ka minyak, jejeritan lamun nyiprat-nyiprat. Ika namina bonek atuh nya, teu tiasa masak langsung sim salabim di Jepang praktek. Mun abdi teu diekspor ka Walanda sateuacan nikah, sarua oge tah sigana teu terang masak

 
At 9:32 PM, Blogger Ica Dimyati ngawaler ...

aduh sugan teh moal di pajang heheh teu PeDe ..nuhun nya teteh2 modi hapunten bilih aya kalepatan
aduh teteh2 hahah hoyong seuri oge mun diemut2 ayeuna masak make helm sieun ditilang meureun hihihi....tp nya sakieu lah tos tiasa lumayan apal katuncar seng kemiri ayeuna mah heheheh komo laja seng jahe mah teu pabaliut deui hihi ...nuhun ah kasadayana

 
At 10:29 PM, Blogger Mama Zaza ngawaler ...

hihihi....meni seseurian macana ca... aduhh...kabayang ku satria baja hitam...hehehe....

 
At 10:06 PM, Blogger ibusayangade ngawaler ...

hihihi teu kiat hoyong seuri macana. Pami abdi mah tiasa masak sakedik teh da kapungkur sok ngarewong pami pun biang nuju di dapur. Tah ayeuna mah lebih banyak belajar ti Google hehehe,sok bungah ari pun lanceuk komentar masakanana enak teh, tapi ari tos protes sok jadi baeud weh hehehe

 

Post a Comment

<< Ka Payun