WSAB: Pangalaman di Nagri Anyar
Blog Propil warga Bewara keur warga WSABCare Katuangan Sunda Lalakon

Tuesday, September 27, 2005

Pangalaman di Nagri Anyar

Abdi seja babagi pangalaman yeuh.
Ieu pangalaman Pun Bapa waktos anjeunna ka Prancis nu munggaran,
Waktosna sarapan, anjeunna pesen kulub endog, teras ditaros : "un, deux ou trois ? (hiji, dua atawa tilu?)" Dua, tilu, loba2 teuing, ceuk anjeunna teh.. hiji wae atuh..
pas endogna disadiakeun, euleuh naha atah ?? geuningan hiji dua tilu teh hiji dua atawa tilu menit.. nanging hiji mah atah keneh endogna *lol*

Waktos bade mesen kopi, Pun Bapa ditaros, kadanguna siga kieu "ole ole" naon ole ole teh nya ? cafe au lait bacana cafe ole = kopi nganggo susu *lol*.


Ceuk abdi mah urang prancis teh sararopan pisan.. naros teh kedah wae, siga bonjour, atanapi bonne journee/soiree (have a nice day/afternoon), bon appetit (have a nice meal), bon voyage(have a nice trip) aya nu aneh hiji : bon courage! eta teh kanggo sateuacan ujian, artina : sing sukses! nu aneh deui, mun katincak ku abdi, maranehna nu nyarios "pardon"..
Pangalaman abdi waktos ka Inggris(Leicester) nganggo mobil.. di perjalanan ti London, ditulisna Leicester 20 m.. euleuh, ceuk urang teh, jagoan pisan tiasa perkirakeun ka Leicester 20 menit deui.. setelah 20 menit, teu nyampe2 geuning.. teras aya oge tulisan Service (tempat istirahat) 1/2 m , 1/2 menit, teu mungkin ieu mah.. eh nembe sadar yen m teh mile(s), sistim di Inggris pan teu nganggo km *lol*

lamun di Norwegia, hello teh haihai (bacana, nyeratna mah teu terang kumaha), janten serasa akrab pisan jeung supir bis oge.. jeung ulah kaget, seueur tak.. tak.. sanes aya nu geubis teras bletak! tak teh artina nuhun..

mangga atuh diteraskeun, seueur da pastina ge pangalaman 'seru' di nagri anyar teh...


*Intan*

7 Waleran:

At 10:03 AM, Blogger Wanita Sunda Antar Benua ngawaler ...

Kalo saya mah didieu teh sadaya jaralan di sebelah kanan jadinya sok patabrak wae jeung batur da biasa na di sebelah kiri...naik sapedah sampai mau katabrak...untung ayeuna atos biasa..kumaha mun uih deui ka bandung nya?


ophi

 
At 12:49 PM, Blogger willa ngawaler ...

Pangalaman teh guru anu pangsaena saur papatah mah,tong boro di luar nagri.....aya pangalaman nu araneh kitu,teteh ge aya pangalaman di nagri urang nyalira, pan teh Willa mah teu tiasa pisan bahasa Jawa,eh tiasa sakecap ketang matur nuwun......dina taun 1980 upami teu lepat mah aya kaperyogian ti kantor ka Semarang tepatna di Candi,aya rerencangan urang Jawa,nu unggal dinten kaditu,kadieu sasarengan, tapi dina hiji dinten teteh teh ngajago hayang angkat nyalira ka toko buku di kota,ari uih deui ngango angkot calik teh di payun gigireun supir pisan(di tengah) di sisi panto aya jalmi nu sanes. Ari supir teh nyarios....Nyun sewu mbaaaak,saurna teh, ari teteh teh bari pede pisan langsung ngawaler...."Dari Bandung Mas"si emas teh bolohok we ningali ka teteh,sakali deui si emas teh nyarios " Nyun sewu mbaaaaaak,mani panjang nyarios mbak na teh, sakali deui teteh ngawaler " dari Bandung mas baru datang kemarin,eeh si emas teh senyum bari nyarios ? Oh mbak bukan orang sini ya? Dari Bandung ya? Iyah kan dari tadi juga saya bilang dari Bandung, emang emas tadi nanya apa? Lalu si emas itu ngajelaskeun ka teteh yen anjeunna tadi teh nyarios...."Maaf mbaaak,ini lho kaki mbak kena persnelling! Oooh my Gooood teteh teh mani isiiiiin pisan, barang lungsur di Candi eta si emas nyarita ka babaturannana pada-pada supir angkot bari saleuseurian aranjeunna teh,teteh teh lumpat we ka bukit Candi,eta tah ari ngajago teh saur rerencangan teteh,ah sawios pangalaman saur abdi teh. Moal tiasa dipeser dimana wae ge. Ngalaman linggih di jerman namung teteh teh alhamdulilah tos biasa nyarios bahasa Walanda, janten waktos diajar bahasa Jerman teh teu belet teuing, ka Paris kantos namung aya caroge nu rada ngartos sakedik pisan,ngan rada lieur we di station kukulibekan margi salah wae maca tanda-tanda. Di Amerika mah alhamdulilah oge tos tiasa bahasa Amerika,da bahasa Inggris nu leres mah sanes kieuuu saur abdi teh! tapi pan aya papatah "Do what's the Romans do" Ngan kabudayaan Sunda mah tetep we THE BEST-LAH!

 
At 1:01 PM, Blogger willa ngawaler ...

Perkawis jalan di palih katuhu teteh oge ngalaman dicarekan batur Ophi pedah salah belok kedahna ka katuhu kalah ka kenca ari ti kenca teh aya mobil....atuuh batur teh ngagorowok "WHAT ARE YOU DOING? Bari meberkeun panangan urang dieu mah pan! Ceuk teteh teh rada ambek deuih TEUING ah puguh urang teh lieur keneh rarasaan teh di Bandung, batur teh mani molongo teu ngartieun. Harita teteh enggal keneh sumping ka Maryland teu acan apal jalan-jalan, dugi ka angkat ti dinya ge tetep we teu apal-apal. Dinten eta teh kaping tujuh belas Agustus bade angkat ka Kedutaan di DC bade nyampeur rerencangan nu tos lami di dinya. Nya ayeuna mah tos biasalah jalan di palih katuhu teh tara patabrak atanapi dicarekan batur deuiii...............malih mah sok malik nyarekan batur!

 
At 3:04 PM, Blogger Nia ngawaler ...

hehehe .... rupi2 nya pangalaman teh, eta atuh meuni di pasihan endog atah kitu ... :D

 
At 3:53 PM, Anonymous Lia ngawaler ...

ieu dongeng waktos enggalan abdi kadieu, harita nuju winter, sebrangeun rorompok teh saung t4 sampah beresih. Tah harita teh bapa2 tatanggi ngadon ngahuleng we caket saung, kadang oge bari bulak-balik. Kituna teh sering kadang sadinten 2 atanapi 3 kali nu katohyan ku abdi. Lami2 nembe terang yen anjeuna teh ngadon ngaroko hihi. Meni panasaran pisan sateuacanna mah nanaonan tiris2 ngadon hulang huleng diluar hehe.

 
At 9:33 PM, Blogger Nita ngawaler ...

Di Thailand teh nu namina biksu meni seueur pisan. Pabalatak lah, aya dimana2. Nu sanes teh meni bakti pisan ka biksu teh. Contona dina beus teh aya, korsi nu caket panto disayagikeun husus kanggo biksu. Upami kosong mah kenging dianggo ku nu sanes, nanging upami aya biksu lebet ka nu beus, nu calik didinya kedah masihan korsi eta ka biksu teh.
Tos katebak panginten pan carita na? Hiji mangsa abdi diuk di korsi eta, basa aya biksu nu lebet, abdi teu ngartoseun.. anteng weh calik. Nepi ka dipolototan ku nu sanes jeung tungtungna diseuseulan ku kondektur, euleuh.. punten atuh a, da henteu mangertos nya! :)

 
At 12:52 PM, Anonymous roro ngawaler ...

Dicatet ah, jaga mun amengan ka Prancis endog na nomer 3 hehehe...

Pangalaman abdi mah anu umum2 weee.. sapertos kagok ningali mobil di kanan, setir di kiri.
Pami bade naek mobil teh sok nyampeur kana panto supir. Pami supirna batur teh pan jadi isin.

Sareng salah hartos ngeunaan basa. Utamina pami ditelepon.
"May I know your complete name?"
Dadanguan: "Can you speak english?" Harrrr meni jauhhh pisannnnn....

 

Post a Comment

<< Ka Payun