P(pe) atanapi V(pe)?
Urang sunda teh gaduh lentong anu has pisan. Salah sahijina teh dina nyebatkeun hurup 'F' tanapi 'V'. F jadi 'Ep', V jadi 'pe'.
Fanta jadi Panta
Vitacimin jadi 'pitacimin'
Favorit jadi paporit
Film jadi pilem
Sanes kitu wae, sakapeung kabalik oge Pe jadi V atanapi eP jadi F. Biasana dina kecap2 anu sanes basa sunda. Contona:
Pipi (nami rerencangan) sok jadi disebut 'fifi'
Paviliun jadi 'Fapiliun' --hehe.. saha tah nu sok kabalik2 kieu teh.
Reparasi jadi 'refarasi' --aya tah di bandung tukang
reparasi jok dina reklamena "Refarasi Jok" hehe...
Jeng sajabana (janten hilap kieu abdi teh).
Tapi upami photo jadi foto atanapi foto jadi poto mah teu nanaon, duanana leres :)
Aya carita rerencangan abdi nu nuju sakola di luar nagri nu jelemana teu tiasa nyarios Indonesia, komo deui sunda, pokona mah kedah was wes wos weh. Anjeunna teh ASGAR tea, alias Asli Garut. Ilat na teh sakapeung sok henteu kompak kitu tah, sok hilap upami bade nyebat 'F' atau 'V' anu leres. Panginten da tos ti dituna kitu (abdi oge ding.. hihihihi).
Cepil na teh oge sok sadenge-dengeeun bae. Sok sangeunahna we nyariosna, "what se meneh, what semeneh" (What's a matter gitu locch..) kitu mun papanggih jeung rerencangan bangsa urang oge.
Hiji mangsa, manehna teh jangjian sareng rerencangannana nu beda bangsa. Kudu sepik inglish atuh. Rerencanganna (si X kitu we nya) teh bade nganjang ka teun rerencangan abdi tea.
Asgar: "You can come to my place this afternoon, right?"
X: "Sure, sure.. Where's your room?"
Asgar: "My room is in V dorm, room number V-15"
X: "OK I know that, I will come around 2 o'clock"
Ku rerencangan abdi teh diantosan we si X teh, tos disiapkeun beuleum cau sagala.
Tabuh 2, teu acan aya si X teh "Ah panginten, nuju di jalan keneh".
Tabuh 3, naha teu acan aya oge wae. Nepi ka tabuh 6.. keukeuh we teu acan datang oge, bendu we rerencangan abdi teh. "Euh, sangeunahna wae jangji teh! Tingali we ku urang mun kapanggih di pengkolan, rek disetut" (euleuh, naon disetut teh kang?)
Enjingna, papanggih si X di kelasna. Naha, si X bet katingalina bendu oge ka rerencangan abdi.
Asgar: "Hey, what happened? Why you didn't come yesterday?"
X: "I Did! But seemed you were not there!"
Asgar: "Whaaaat? I was in my room whole daaaayyyy.."
X: "Nope. I knocked your door many times and call your name also, but you didn't came out. When your neighbour in P-14 told me to shut up, then I went home :("
Asgar: "Whaat... my neighbour? room P-14? P dorm? Why you went there, I said my room is in pi..ups..eeuuhh.. V(vvvhhi) Dorm, room V(vvvhi)-15"
X: "Oh, V-15 huh? I thought P-15, I thoght you said it so.." (katingali bingung)
Asgar: "I said V-15" (embung eleh pisan). "No problem, this time let me come to your place, OK?"
X: "Hmm... OK"
Tah kanggo sadayana, kade nya.. nyebat V(vi) kade jadi P(pi)! :)
-nita-
Diserat ku Wanita Sunda Antar Benua @ 3:47 AM |
14 Waleran:
pami nyariosna di tanah sunda mah teu pangaruh panginten muhun? Pan sok dikompirmasi heula:
"P Panta atawa P Pespa?" heu heuheuyyy atuh eta mah sami2 P ;p
Hihihihi .... Teh Nita, meuni kocak nya carita na .... tapi emang karasa ku abdi emang, sok salah nyebat hurup.
hihihii saya mah diprotes suami wae..misalnya kieu
mas, udah ditransper?
atau aku mah panta oranye aja
apalagi kalo ada tambahan h tea
udah nasinya dikit sajaH
euleuhhhhh..hihihi
Pami di dieu mah 'what semetah'? Naon cing teh nu sameter, sabaraha? Kaen di Cigondewah kitu?
Eniwe, orang sunda tong minder orang jawa ge teu tiasaeun nyebat endog. Endok deui endok deui. Punten nya ka orang Jawa, pun lanceuk tah sok di protes balik ku abdi. Ucapan akhir G berubah jadi K, Ucapan akhir D berubah jadi T, e.g., tekat. Cing naon deui?
hihihi...rumaos karaos pabaliuutttt pisan kantenan didieu yeuh kadang nuju baceo english teh kaluar si pe. Batur sok nyungkeun repeat :P Bae ah reueus we ki kitu ge.
mun VIP janten PIV atuh nya peri important verson :P (aya tah batur nu nyebatna PIV)
selain V, F jeung P urang sunda sok hese oge nyebat Z, sering jadi J, siga pun bapa, waktos eta nyariosan abdi nami grup Boyjon.. abdi lieur, da aya oge Bon Jovi, eh maksudna teh Boyzone :F eh :P
punten, nu diatas teh abdi, Intan
uhun atuh, da gara2 lidahna urang sunda osok beda, nami Zidan angger we disebat Jidan, sareng Syifa janten Sipa! Alah matak lieur!
Hahaha ngan emut ka jaman bimbel, bade daptar, "namanya siapa". "Patricia", ceuk urang. Eh diseratna: Fatricia.
Mun pun ibu ngadiktekeun di Unpad, kedah make jari, eta V (lambang victory), F (pager), jeung P ... lamun enteu mah pabalieut ...
hahaha..
eta leres pisan teh roro, ep tina panta atanapi ep tina pespa hihi..
teras eta, ari di jajalanan sok aya tulisan "vermak lepis"..sok sasayongan nyeratna teh..kabalik balik ari levis jadi lepis, ari kedahna permak janten vermak..
Nit,
Kalo di ktr saya mah yg bermasalah bukan masalah Pe atau Ve.
Tapi itu lhoo.. ada staf saya yg terpaksa DILARANG ngangkat telp kalo emang ga tlalu kepaksa. hihihi.. :P
Masalahna, dia teh kalo ngangkat telp kantor, gini..
Klien : "Halo, selamat siang."
Nining : "Yaa, Denting 'Prodaksen' selamat siang."
Klien : "Dengan Denting Production (baca: Prodaksyen)?"
Nining : "Ya, Denting Prodaksen disini."
Klien : (Diem, mikir sblm akhirnya mengabaikan kejanggalan tsb) ???
Saya jeung barudak nu sejen :
"NINIIIIIIIIIIIIIIIING!!!"
Langsung saya keluarin SK- hahaha.. Nining ngga boleh angkat telepon kalo ga kepaksa!! Dan semuanya sangat setuju, termasuk dia sendiri. heuheuheuhehe :P
Hahahaha denting prodaksen..
Oh iya berbagi ieu mah teu nyambung jeung posting
Brsan mamah sms (kan saya printin kisah2 WSAB trus dititip ka Teh Inta nu ayeuna nuju emam tumis genjer..huhuhhh...heheh)
kata si mamah : Ophi eta surat2 (postingan panginten maksudnya) meuni rame pikaseurieun, tambahan kitu istilah kalo di kita :
aduh anakku darling geulis embe badot*
hihihi..senangnya bisa menghibur orang tua, sok ibu2 nu sanes diprint geura, dipasihan ka ortu, pasti pd terhibur..
teu tiasa komen...nu aya hayang seuri..pisan
=))
Janten emut ka sobat nuju kuliah di Bandung. Jalmina teh meni sufis (sunda fisan). Mun nyarios teh sok pabaliut. Upami ditaros kuliah di mana? Majarkeun teh,di ep mifa unpad(maksadna mah FMIPA, untung teu unfad ge). Matak dina dunia maya mah, nelahna teh Tata sufis. Tapi ket, abdi ge ayeuna di Surabaya sok pabaliut mun nyarios teh.
Post a Comment
<< Ka Payun