WSAB: Endahna Layung Beureum di Waduk Darma*(
Blog Propil warga Bewara keur warga WSABCare Katuangan Sunda Lalakon

Wednesday, September 06, 2006

Endahna Layung Beureum di Waduk Darma*(


*( Indahnya senja di Waduk Darma

Eta teh slogan salah sahiji tempat wisata di Kuningan, kota kuring. Hiji danau endah nu dingaranan Darma. Langkung dikenal namina "Waduk Darma", margi danau eta teh mangrupi dam/bendungan/waduk anu didamel kanggo kaperyogian cai di Kabupaten Kuningan jeung sakitarna.

Waduk Darma didamel ti jaman walanda keneh. Ku sagala pasualan pisik,sosial sarta ekonomi, pangwangunan waduk darma ngeueum 425 hektar taneuh. Ayeuna unggal poena ngahasilkeun cai 39 juta kubik nu digunakeun keur nginum sarta irigasi tatanen disabagian utama daerah Kuningan.

Pernahna eta waduk aya di wewengkong Desa Jagara, Kacamatan Darma. Puguhna mah di jajalaneun Cirebon-Ciamis, jarakna sakira 12kilo ti kota Kuningan & 37kilo ti Cirebon. Pami ti Ciamis sabaraha kilo nya...(cing cung urang ciamis hehe).
Ti Kuningan mah tiasa disumpingkan nganggo angkot, elf atanapi beus antar kota. Ongkos? mangga we tawis ku anjeun, atanapi taros panumpang nu gigireun. Nya standar lah, mung sing sabar bae pami kabagean angkutan anu ngetem atanapi malih sabalikna meded dugi ka mangga nyanggakeun tatih bari nonggeng na panto elf atanapi deui tatih pasesedek kelek dina Beus (...yikes:D). Nya pami hoyong santey, nganggo kandaraan pribadi wee. Lebet ka Loket jaga tos sayogi tempat parkir nu raos. Mung peryogi waspada kumargi aya di daerah gunung, boh ti arah kuningan atanapi ti ciamis, jalan ka Waduk Darma teh bulat beulit meh ngabentuk angka 8.

Namung ulah hariwang, pangorbanan di jalan bakal kabayar ku kaendahan Waduk Darma ku anjeun. Sanaos sloganna nunjukeun kaendahan layung pasosore(Keindahan Senja), basa panonpoe surup di kulon, nembongkeun endahna kelir layung, tur kagambar dina cai ulang-ulangan, ditembalan ku angin nu ngahiliwir niup tatangkalan. Waduk Darma tetep endah disumpingan iraha bae. Tangtu wae dina jam kunjungan bukana waduk.
Malih mah dina raraga mangsa husus, misalna 17 agustusa, tepung taun Kuningan unggal tanggal 2 september, Waduk Darma jadi tempat dilaksankeun rupa-rupa lomba nu khas, diantawisna; dayung, panah, jeung rupa2 kamonesan daerah tradisional (hilap deui yeuh, punten).

Urang ge tiasa nyewa eta tempat kanggo ngayakeun acara nyalira. Misalna reuni, pesta kebon, speedboat, dayung jste. Didinya oge sayogi sababaraha bungalow kanggo disewa teu kakantun warung-warung tempat jajan (horeee...).

Teu kalangkung, sabab aya tangkal jeung cai, sok ngadatangkeun hawa romantis (siga pelm India kitu). Seueur nonoman nu dongkap ngadon bobogohan, paduduaan sisi cai handapeun tangkal, ngararasakeun kaendahanna babarengan. Tah hayooo saha nu pernah ka Kuningan atanapi urang kuningan, pasti kantos ngajak kabogohna ka Waduk Darma. hihi kalebet nu nyerat postingan yeuh:P.


Nu ngadon paduduaan teh taya kasieun, sanaos aya mitos, ti mimiti nu sararieun sapertos, sok katingali aya belut bodas meuntas di "jembatan" (naon sundana hilap deui) sisi waduk dugi ka papatah sepuh: Tong ngajak kabogoh ka Waduk Darma bisi putus.



Alah hag... saha nu nyidem dina atina hoyong putus? :P Leres heunteuna sih teu pasti nya, namina ge mitos. Tapi memang pami sepuh nyarios kedah didangu teh kitu da geuning sok aya wae leresna. Buktosna abdi ku anjeun, ngajak kabogoh kadinya...ahirna putus!!!
Eits, tong lepat, ieu mah putus nu ngabungahkeun alias putus ku alatan rubaah status janten laki rabi, malih tos aya buntutna yeuh, Kaka..:) Yeuh buktosna ge...


Sok geura saha wae anu ngalangkung ka wewengkon dinya, mangga sindang ka Waduk Darma. Dijamin nyugemakeun kana manah tur salira.


Salam
Roro di keseharian.com (versi Indonesia aya di dinya)
Poto Waduk Darma dikirim ti: gunardisaputra.fotopages.com
*Poto handap mah sanes di waduk Darma ah, punten, tos lami tisaprak putus jeung kabogoh tara kadinya, hehehe

12 Waleran:

At 9:40 AM, Blogger Wanita Sunda Antar Benua ngawaler ...

Huaduhhhhhhhhhhhhh sugan teh eta foto di handap waduk darma tahun 2006 ieu..heuheuehue

eh abdi mah baru terang aya waduk darma, terangna jatiluhur weh, inget baheula Farmasi pedesaan naik bargas, ombakna okeh oge...sieuunnn...

 
At 9:40 AM, Blogger Wanita Sunda Antar Benua ngawaler ...

eh itu dakyu Ophi poho logout heuheuheu

 
At 9:16 PM, Blogger Nia Boy Hadi ngawaler ...

Abdi oge tos lami tara ka Waduk Darma, kapungkur mah nuju sakola di Cirebon, sering ngalangkung kadinya upami bade ka rorompok Teteh di Tasik (lewat Ciamis), pernah oge ameungan ka dinya nuju aya acara sakola, sono yeuh ka Waduk Darma. Teh Roro, mun teu lepat jembatan teh basa sundana cukang, tapi duka eta sundana lemes atanapi kasar, mangga dilereskeun.

 
At 2:38 AM, Blogger Yanti Wyant ngawaler ...

Pemandangan Waduk Darma Endah pisan...Jadi hoyong uih tah ka tanah sunda dan piknik di Waduk Darma....;-)

 
At 1:21 PM, Blogger willa ngawaler ...

Duh Nia " mah basa Sundana JEMBATAN" mah "SASAK" ari cukang mah JEMBATAN nu tina kai sababaraha leunjeur atanapi kai sabatang mung kanggo nyebrang wungkul. Ari eta Roro mejeng dipayuneun waduk Darma Chicago?

 
At 5:21 PM, Blogger Ica Dimyati ngawaler ...

hihi hmmm suiit wiiiiiw eta aya nu nuju sosonoan mengenang masa lalu seng kabogoh :D

ari seng nu tipayun pernah teu hahahaha anu sateuacan ayah :D

 
At 5:40 AM, Blogger roro ngawaler ...

Payu oge yeuh, hihihhi...

>>nu lieur: kahoyong mah darma ge siga kitu tah, beresih herang, ngan kumaha deui gaduhna mung sakitu2na, janten nya kedah kersa mintonkeun, leres teu? hihihi

>>Nia: oo Nia kantos ngalangkung? hihih sugan teh teu aya nu terangeun, alhamdulillah :)

>>Yanti:Yuk yuk ahhh urang ka waduk Darma babrengan, botram, resep meureun nya...

>>Willa: heheeh.. waduk chicago meni siga waduk darma nya teh, heheh

>>Ica:
Nya pernahes atuh Caaaa, tah pernah na ge make ahiran es hartina loba, hahahah

hush.. hahaha.. ah meungpeung si ayah teu ngartieun :P

 
At 5:50 PM, Blogger Lia ngawaler ...

haha si teteh roro meni pernahes sagala...kabeneran atuh nya nu katukang2 mah, kakeunaan ku supata waduk darma *Katukang2, makin ngajamakkeun nu loba tea*

 
At 12:25 AM, Blogger teheva ngawaler ...

wah...eta waduk sae kitu..wa'as ningalina..ari sugan teh Neng roro di poto di waduk Darma..meni hebat ngajak raka..hi..hi..

 
At 1:36 AM, Blogger Fie ngawaler ...

Duuuh Roro ... asa kaingetan yeuh mun teu lepat mah kapungkur ka Waduk Dharma teh keur SMP kira2 taun 82an lah .... duh jadul pisan nya ..... pasti tambah endah ayeuna mah nya .....

 
At 7:50 PM, Blogger roro ngawaler ...

>>Lia: muhun Li, supata nu diarep2 meureun nya eta mah :D

>>Haaarr sanes Teh Evaaa.. hihih janten isin, nu handap mah poto didieu :P

>>Fie: 82? hayooo pasti jeung kabogoh... hihihi...

 
At 4:13 AM, Blogger Bunda ngawaler ...

Eleuh..ari waduk Darma teh janten kota kitu...seuer gedong2...eh lepatnya...
Asanamah sae kenek Waduk Darma nya...komo deui aya nostalgiana mah.

 

Post a Comment

<< Ka Payun